ۇلتتىق قاۋىپسىزدىك كوميتەتى پروكۋراتۋرا ورگاندارىنىڭ ۇيلەستىرۋىمەن, سونداي-اق ىشكى ىستەر مينيسترلىگىمەن ءوزارا ءىس-قيمىل جاساي وتىرىپ, تۇركىستان وبلىسىندا تەرروريزمدى ناسيحاتتادى دەگەن كۇدىكپەن قازاقستاننىڭ 4 ازاماتىن ۇستادى, دەپ حابارلايدى Egemen.kz ۇقك ءباسپاسوز قىزمەتىنە سىلتەمە جاساپ.
الدىن الا دەرەكتەر بويىنشا, ۇستالعانداردىڭ ءبىرى ۇزاق ۋاقىت بويى شەتەلدە تۇرعان. ول راديكالدى ءدىني يدەولوگياعا سول جەردە تارتىلعان بولۋى مۇمكىن.
ءتىنتۋ بارىسىندا ءدىني ادەبيەتتەر مەن وزگە دە زاتتاي دالەلدەمەلەر الىندى.
«قىلمىستىق كودەكستىڭ 256-بابىنىڭ 1 جانە 2-بولىگى بويىنشا سوتقا دەيىنگى تەرگەپ-تەكسەرۋ جۇرگىزىلىپ جاتىر. قىلمىستىق-پروتسەستىك كودەكستىڭ 201-بابىنىڭ 1-بولىگىنە سايكەس وزگە اقپارات جاريا ەتۋگە جاتپايدى», دەلىنگەن رەسمي حابارلامادا.