سينوپتيكتەر 25 ماۋسىمدا قازاقستان اۋماعىندا بولاتىن سينوپتيكالىق جاعداي مەن قاۋىپتى اۋا رايى قۇبىلىسىنىڭ بولجامىن جاريالادى, دەپ حابارلايدى Egemen.kz.
«سولتۇستىك-باتىس تسيكلونى جانە ونىمەن بايلانىسقان اتموسفەرالىق فرونتتار اسەرىنەن قازاقستان تەرريتورياسىندا نايزاعاي, جاڭبىر كۇتىلەدى. رەسپۋبليكا بويىنشا جەل كۇشەيەدى. باتىس, سولتۇستىك-باتىس, سولتۇستىك پەن شىعىستا داۋىل تۇرىپ, بۇرشاق جاۋادى. وڭتۇستىك-باتىستا تۇندە جانە تاڭەرتەڭ تۇمان تۇسەدى», دەلىنگەن حابارلامادا.
كۇندىز اباي, جەتىسۋ, الماتى, جامبىل, شىعىس قازاقستان وبلىستارىندا قاتتى ىستىق ساقتالادى, ماڭعىستاۋ وبلىسىنىڭ وڭتۇستىگىندە دە اپتاپ ىستىق بولادى.
اقتوبە, الماتى, ۇلىتاۋ, اباي, قاراعاندى, اقمولا, شىعىس قازاقستان, ماڭعىستاۋ, جەتىسۋ, پاۆلودار, اتىراۋ وبلىستارىندا جوعارى ءورت قاۋپى بار.
اتىراۋ, تۇركىستان, جامبىل, قىزىلوردا, ۇلىتاۋ وبلىستارىندا, الماتى وبلىسىنىڭ سولتۇستىك جارتىسىندا, ماڭعىستاۋ وبلىسىنىڭ سولتۇستىگىندە, وڭتۇستىك-شىعىسىندا, ورتالىعىندا, اقتوبە وبلىسىنىڭ باتىسىندا, وڭتۇستىگىندە, باتىس قازاقستان, قوستاناي, قاراعاندى, اباي وبلىستارىنىڭ وڭتۇستىگىندە, جەتىسۋ وبلىسىنىڭ سولتۇستىگىندە, شىعىسىندا توتەنشە ءورت قاۋپى ساقتالادى.