اڭگىمەلەسۋ بارىسىندا قاسىم-جومارت توقاەۆ داعىستاندا بولعان لاڭكەستىك ارەكەت سالدارىنان كوپتەگەن ادامنىڭ قازا تابۋىنا بايلانىستى پرەزيدەنت ۆلاديمير پۋتينگە جانە رەسەي حالقىنا كوڭىل ايتتى, دەپ جازادى Egemen.kz اقوردا ءباسپاسوز قىزمەتىنە سىلتەمە جاساپ.
مەملەكەت باسشىسى بەيبىت تۇرعىنداردىڭ ومىرىنە جاسالعان كەز كەلگەن قاستاندىق پەن ز ۇلىمدىق ارەكەتتى قازاقستان باتىل ايىپتايتىنىن ءارى ونى حالىقارالىق جانە وڭىرلىك قاۋىپسىزدىككە تونگەن زور قاۋىپ رەتىندە قاراستىراتىنىن جەتكىزدى.
تاراپتار تەرروريزم مەن ەكسترەميزمگە قارسى كۇرەستە تىعىز ىقپالداستىقتى جالعاستىرۋ, سونداي-اق بەدەلدى حالىقارالىق ۇيىمدار اياسىندا كۇش-جىگەر بىرىكتىرۋ ماڭىزدى ەكەنىنە نازار اۋداردى.
بۇدان بولەك, پرەزيدەنتتەر قازاقستان مەن رەسەي اراسىنداعى ستراتەگيالىق سەرىكتەستىك پەن وداقتاستىق قاتىناستاردى ودان ءارى نىعايتۋ ماسەلەلەرى تۋرالى پىكىر الماستى, سونداي-اق استانادا وتەتىن شانحاي ىنتىماقتاستىق ۇيىمى ءسامميتىنىڭ كۇن ءتارتىبىن تالقىلادى.