استانا اۋەجايىندا ۇشۋ كەستەسى وزگەردى

- قۇرمەتتى جولاۋشىلار, نۇرسۇلتان نازارباەۆ حالىقارالىق اۋەجايى اۋە كەڭىستىگىندە قاتىناستىڭ كوپتىگىنە بايلانىستى 2-4 شىلدە ارالىعىندا اۋەكومپانيانىڭ ۇشۋ كەستەسىنە وزگەرىستەر ەنگىزىلەتىنىن حابارلايمىز. ۇشۋ كەستەسى وزگەرگەن جاعدايدا جولاۋشىلار بيلەت ساتىپ الۋ كەزىندە كورسەتىلگەن نومىرلەر بويىنشا حابارلاما الادى. ۇشىپ شىعاتىن جولاۋشىلارعا قاۋىپسىزدىك تەكسەرىسىنەن جانە تىركەۋ پروتسەدۋرالارىنان ءوتۋ ءۇشىن اۋەجايعا الدىن الا كەلۋگە كەڭەس بەرەمىز. قولايسىزدىق ءۇشىن كەشىرىم سۇرايمىز, - دەلىنگەن FlyArystan كومپانياسى تاراتقان ەسكەرتۋدە.

ءدال وسىنداي حابارلاندىرۋدى وزگە كومپانيالار دا تاراتتى.

SCAT, Qazaq Air جانە Air Astana 2-4 شىلدە ارالىعىندا استانا اۋە كەڭىستىگىندە قاتىناستىڭ كوپتىگىنە بايلانىستى اۋەكومپانيانىڭ ۇشۋ كەستەسى وزگەرەتىنىن حابارلادى.

- رەيس مارتەبەسىن سايتىمىزدا نەمەسە Air Astana ءموبيلدى قوسىمشاسىندا تەكسەرىپ وتىرۋىڭىزدى سۇرايمىز. تەكسەرىستەن ءوتىپ, ۋاقتىلى تىركەلۋ ءۇشىن جولاۋشىلارعا اۋەجايعا الدىن الا كەلۋ كەرەك, - دەيدى Air Astana كومپانياسىنان.

ايتا كەتەيىك, قازىر استانا حالىقارالىق اۋەجايىنىڭ ۇشۋ-قونۋ جولاعىندا جوندەۋ جۇمىسى ءجۇرىپ جاتىر.