شىعىس قازاقستان وبلىسىندا 98 بالاعا جالپى سوماسى 84 ملن تەڭگە قارىزى بار 75 اليمەنت تولەمەگەن ازامات كەيىنگى 3 جىلدا بۋكمەكەرلىك كەڭسەلەرگە 100 ملن تەڭگەدەن استام اقشا سالعان, دەپ جازادى Egemen.kz.
بۇل اقپاراتتى شقو پروكۋراتۋراسى جاريا ەتتى.
ماسەلەن, وسكەمەندە 1,5 ملن تەڭگە اليمەنت قارىزى بار بورىشكەر ا., ونلاين بۋكمەكەرلىك كەڭسەدە 7 ملن تەڭگەسىن باسكە تىگىپ, ۇتىلعان.
بورىشكەرلەرگە ءتۇسىندىرۋ جۇمىستارى جۇرگىزىلگەن سوڭ, ءوز بەتىنشە E-Gov ءموبيلدى قوسىمشاسى ارقىلى قۇمار ويىندارعا قاتىسۋىن شەكتەدى.
«سونىمەن قاتار بورىشكەرلەردىڭ قۇمار ويىندارعا قاتىسۋ جولىن كەسۋ ماقساتىندا ودان ءارى جۇمىس جۇرگىزۋ ءۇشىن تۋريزم جانە سپورت مينيسترلىگىنىڭ تۋريزم يندۋسترياسى كوميتەتىنە ەلىمىزدە جۇمىس ىستەيتىن بۋكمەكەرلىك كەڭسەلەردى انىقتاۋ تۋرالى حات جولداندى. قۇمار ويىنعا ءباس تىگەتىن تۇلعالار تۋرالى دەرەكتەر دە اليمەنت تولەۋدەن جالتارۋدىڭ دالەلى بولادى», دەلىنگەن پروكۋراتۋرا حابارلاماسىندا.
سونداي-اق اليمەنت تولەمەۋ بويىنشا قىلمىستىق ىستەردى توقتاتۋ تۋرالى 2 شەشىمنىڭ كۇشى جويىلىپ, قوسىمشا تەرگەۋگە جىبەرىلدى.