سقو-دا الاۋىزدىق تۋدىردى دەگەن كۇدىكپەن ۇستالعان ەر ادام پوليتسيا قىزمەتكەرىنە شابۋىل جاسادى, دەپ جازادى Egemen.kz.
پوليتسيا وكىلدەرى الەۋمەتتىك جەلىگە تالداۋ جۇرگىزۋ بارىسىندا ءدىني الاۋىزدىق تۋدىراتىن مازمۇنداعى ءماتىن جاريالاعان كۇدىكتىنى انىقتادى.
ونى پوليتسيا بولىمشەسىندە تەرگەۋ بارىسىندا كۇدىكتى ۇيالى تەلەفونىن بەرۋدەن باس تارتتى. قۇزىرلى ورگاننىڭ بۇيرىعىنا باعىنباعان ول تەلەفونىن سىندىرماق بولعان. ارتىنشا پاگوندى قىزمەتكەرگە جۇدىرىق جۇمساعان.
«كۇدىكتى ۇستالدى. وعان قاتىستى الاۋىزدىق تۋدىرۋ جانە بيلىك وكىلىنە كۇش كورسەتۋ فاكتىلەرى بويىنشا سوتقا دەيىنگى تەرگەۋ ءجۇرىپ جاتىر. دەنساۋلىققا كەلتىرىلگەن زياننىڭ دارەجەسىن ساراپتاما كورسەتەدى», دەدى سقو پد باستىعىنىڭ ورىنباسارى اسقار مۇحامەتقاليەۆ.