پرەزيدەنت قاسىم-جومارت توقاەۆ اقش-تىڭ ساۋدا وكىلى كەترين تايدىڭ ساپارى قازاقستان مەن امەريكا قۇراما شتاتتارى اراسىنداعى ساۋدا-ەكونوميكالىق ىنتىماقتاستىقتى كەڭەيتۋدە ماڭىزدى ءرول اتقاراتىنىن اتاپ ءوتتى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
مەملەكەت باسشىسىنىڭ ايتۋىنشا, سوڭعى وتىز جىلدا ەكى ەل ساۋدا, ينۆەستيتسيا, قاۋىپسىزدىك, ادام قۇقىقتارى جانە دەموكراتيا سەكىلدى كوپتەگەن سالادا ستراتەگيالىق سەرىكتەستىكتى نىعايتتى.
ء«سىزدىڭ ەلىڭىز – قازاقستان ەكونوميكاسىنداعى ءىرى شەتەلدىك ينۆەستورلاردىڭ ءبىرى. تىكەلەي شەتەلدىك ينۆەستيتسيانىڭ جالپى كولەمى 65 ميلليارد دوللاردان اسادى. بىلتىر ەكى مەملەكەت اراسىنداعى تاۋار اينالىمى 4,1 ميلليارد دوللارعا جەتىپ, 30 پايىزدىق ءوسىم كورسەتتى. بۇل – رەكوردتىق كورسەتكىش. قازىرگى ۋاقىتتا قازاقستاندا 600-دەن استام امەريكالىق كومپانيا تابىستى جۇمىس ىستەپ جاتىر. مەن ينۆەستيتسيالىق تارتىمدىلىقتى جاقسارتۋعا, ەكونوميكانى ىرىقتاندىرۋعا جانە ونەركاسىپتى دامىتۋعا باسا ءمان بەرەمىن», دەدى قاسىم-جومارت توقاەۆ.
اقش-تىڭ ساۋدا وكىلى كەترين تاي قۇرمەت كورسەتكەنى ءۇشىن مەملەكەت باسشىسىنا العىس ايتتى. سونداي-اق ساۋدا بايلانىستارىن دامىتۋعا جانە ەكونوميكالىق ىقپالداستىقتى نىعايتۋ ءۇشىن قاجەتتى جاعداي جاساۋعا, سونىڭ ىشىندە ساۋدا جانە ينۆەستيتسيالار جونىندەگى نەگىزدەمەلىك كەلىسىمدى جۇزەگە اسىرۋعا قاتىستى جاڭا تاسىلدەردى بەتپە-بەت تالقىلاۋعا مۇمكىندىك بەرگەنىنە ريزاشىلىعىن ءبىلدىردى.