ازىق-ت ۇلىكتىڭ 80%-ى سىرتتان تاسىمالداناتىن ماڭعىستاۋدا كەلگەن تاۋار-تاعامداردى ساقتاۋ – ماڭىزدى ماسەلە. ءونىمنىڭ بۇزىلماۋى مەن كەڭ كولەمدە ساقتالۋى ءۇشىن ارنايى ورىننىڭ قاجەت بولاتىنى ايدان انىق. مەملەكەت باسشىسى وبلىسقا ساپارىندا ايماق باسشىلىعىنا «ازىق-ت ۇلىك تاۋارلارىنىڭ باعاسىن تومەندەتۋ بويىنشا شارالار قابىلداۋعا, ونىڭ ىشىندە ساۋدا ينفراقۇرىلىمىن دامىتۋعا جانە باسقا وڭىرلەردەگى تاۋار وندىرۋشىلەرمەن ۇزاقمەرزىمدى شارتتار جاساۋعا» قاتىستى بىرقاتار تاپسىرما جۇكتەگەن بولاتىن.
كەشەندى جۇمىس ناتيجەسىندە جىلعا جۋىق ۋاقىت ىشىندە قۇرىلىس جۇمىستارى جۇرگەن ءىرى كوتەرمە ساۋدا ورتالىعىنىڭ ءبىرىنشى كەزەڭى اشىلدى. ءبىر مەزگىلدە 40 مىڭ توننا ءونىم ساقتايتىن كوتەرمە-تاراتۋ ورتالىعى ينۆەستورلار قارجىسىنا سالىندى. ينۆەستيتسيالانعان قاراجات كولەمى – 4 ملرد تەڭگەگە جۋىق. اۋدانى 8 گەكتاردى قۇرايتىن اۋماقتا 10 693 تونناعا ارنالعان قۇرعاق قويما مەن 30 مىڭ توننالىق كليماتتىق قويمالار بار. سونداي-اق كوتەرمە-تاراتۋ ورتالىعىنداعى اۋىل شارۋاشىلىعى ونىمدەرىن ساقتايتىن 4 قويما پايدالانۋعا بەرىلدى.
«ماڭعىستاۋ وبلىسىنىڭ ازىق-ت ۇلىك قاۋىپسىزدىگىن قامتاماسىز ەتۋ – نەگىزگى ماسەلەلەردىڭ ءبىرى. جوبا تولىققاندى ىسكە قوسىلعاننان كەيىن كاسىپكەر شىعىنى سۋبسيديالانادى. ورتالىق ەلىمىزدەگى وزگە وبلىستاردىڭ كاسىپكەرلەرىنە, ولكەمىزدىڭ كاسىپكەرلەرىنە زور مۇمكىندىك بەرەدى. ءوز كەزەگىندە نارىقتا ازىق-ت ۇلىك تاۋارلارىنىڭ كوبەيۋىنە, ونىڭ باعاسىن تۇراقتاندىرۋعا ىقپال ەتەدى», دەدى ماڭعىستاۋ وبلىسىنىڭ اكىمى نۇرداۋلەت قيلىباي جاڭا ورتالىقتىڭ ءبىرىنشى كەزەڭىنىڭ اشىلۋ سالتاناتىندا.
جوبانىڭ ەكىنشى كەزەڭى اياسىندا سالىنىپ جاتقان قوس قاباتتى كوتەرمە ساۋدا بازارىنىڭ دا جۇمىسى تۇگەلگە دەرلىك ورىندالدى. قۇرىلىستى 2024 جىلدىڭ ەكىنشى جارتى جىلدىعىندا اياقتاۋ جوسپارلانىپ وتىر.
ساۋدا بازارى ىسكە قوسىلعان سوڭ جەرگىلىكتى اۋىل شارۋاشىلىعى وندىرۋشىلەرى ساۋدا ورىندارىنا قولجەتكىزىپ, ءوز ونىمدەرىن دەلدالسىز ساتۋعا مۇمكىندىك الادى. دەلدالسىز ساتۋ – تاۋار باعاسىنىڭ تۇراقتىلىعىن قامتاماسىز ەتەدى دەگەن سەنىم بار.
ماڭعىستاۋ وبلىسى