«بارمىسىڭ, باۋىرىم؟» حابارىنىڭ رەداكتسياسى جانىبەك جۇماعۇلوۆقا قاتىستى ىزدەۋ جۇمىستارىنىڭ بارىسى تۋرالى اقپارات ۇسىندى, دەپ جازادى Egemen.kz.
حابار بارىسىندا جۋرناليست قىمبات دوسجان جانىبەكتى اسىراپ العان بەلگيا ازاماتىنان اقشا العان ايەلدىڭ جەكە-باسى انىق بولعانىمەن, ءىس ءالى دە سوتقا جەتپەگەنىن مالىمدەدى.
ال جانىبەكتى اسىراپ العان انا ارقالىقتاعى بالالار ۇيىندە سول ايەلگە 12 مىڭ دوللار بەرگەنىن اشىق ايتقان ەدى.
«بۇل تۋرالى جانىبەككە بەرگەن سۇحباتىنان دا كوردىڭىزدەر. ول سۇحباتتىڭ تۇپنۇسقاسى ءبىزدىڭ قولىمىزدا. اقشا العان ايەلدىڭ كىم ەكەنىن, ونىڭ 2004 جىلدارى قايدا جۇمىس ىستەگەنىن, قازىر قايدا ىستەيتىنىنىڭ ءبارىن ءبىلىپ وتىرمىز. ءتىپتى, سوڭعى رەت 2020 جىلى ۆالەري ەكەۋىنىڭ حات الماسقانىن دا تاپتىق. ول حاتتا «جانىبەكتىڭ جاعدايى قالاي؟» دەپ سۇراعان. بىراق ءىس سوتقا ءالى جەتپەي تۇر. سوڭىنا دەيىن جەتكىزىپ, شىندىقتى اشامىز دەپ سەنەمىن», دەدى جۋرناليست.
بۇعان دەيىن جانىبەكتىڭ اكەسى بولۋى مۇمكىن ازاماتتىڭ تابىلعانى تۋرالى حابارلاعان ەدىك.