قازاقستان-كورەيا بيزنەس فورۋمى اياسىندا قاسىم-جومارت توقاەۆ BNK Financial Group كومپانياسى ديرەكتورلار كەڭەسىنىڭ توراعاسى بين دە-ينمەن كەزدەستى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
مەملەكەت باسشىسى كومپانيانىڭ ءوز يەلىگىندەگى BNK Finance Kazakhstan ميكروقارجى ۇيىمىن تولىققاندى ەكىنشى دەڭگەيلى بانككە اينالدىرۋ نيەتىن قۇپتادى. ونىڭ پىكىرىنشە, وڭتۇستىك كورەياداعى جەتەكشى بانكتىڭ قازاقستاندا قىزمەت ەتۋى ەكى ەل اراسىنداعى ساۋدا-ينۆەستيتسيالىق ىنتىماقتاستىقتى نىعايتۋعا ىقپال ەتەدى.
سونداي-اق پرەزيدەنت كومپانيانىڭ ميكروقارجى ۇيىمىن بانككە اينالدىرۋ ءراسىمى اياقتالعان سوڭ, كورپوراتيۆتىك نەسيە بەرۋگە كۇش سالۋعا شاقىردى. سونداي-اق بانك سالاسىندا وزىق IT-شەشىمدەردى پايدالانۋدىڭ ماڭىزدىلىعىنا نازار اۋداردى.BNK Financial Group Inc. – وڭتۇستىك كورەيانىڭ قارجىلىق توبى. ونىڭ قۇرامىنا Busan Bank, Kyongnam Bank, BNK Capital جانە باسقا دا كومپانيالار كىرەدى. كومپانيانىڭ اكتيۆى – 129 ميلليارد دوللار. ال تازا تابىسى – 504 ميلليون دوللار. قارجىلىق توپ الەمدەگى ەڭ ءىرى كومپانيالاردى ەسەپكە الاتىن Forbes Global 2000 تىزىمىنە ەنگەن.
قىرمىزى جۇماعاليقىزى,
ەۇۋ ستۋدەنتى