بارىنەن بۇرىن «باعانالى وردا باستى وردانىڭ» تازالىعى اسا ماڭىزدى ەكەنى – تۇسىنىكتى جايت. ويتكەنى استانا تەك قالا عانا ەمەس, از جىلدار ىشىندە ۇلكەن تۋريستىك ورىنعا اينالىپ ۇلگەرگەن شاھار. بۇعان دەيىن باس قالامىز الەمدەگى ەڭ تازا استانالاردىڭ وتىزدىعىنا كىرگەن ەدى.
«The Telegraph» باسىلىمى الەمدەگى ەكولوگيالىق ەڭ تازا قالالاردىڭ ءتىزىمىن جاريالاعان. بۇل ءتىزىم – دۇنيەجۇزىلىك دەنساۋلىق ساقتاۋ ۇيىمى مالىمەتتەرى نەگىزىندە جاسالادى. ازىرگە ءبىرىنشى ورىندا شۆەتسيا استاناسى ستوكگولم تۇر.
ال قازاق ەلىنىڭ ەلورداسى – استانا شاھارى وتىزدىقتىڭ ىشىندە. بۇل مەجە زور ماقتانىش, ايتكەنمەن ونى ۇستاپ تۇرۋ وعان دەيىن ەتكەن ەڭبەكتەن كەم تۇسپەيتىن كۇش-جىگەر كەرەك.
وسىعان وراي, كەشە استانا قالاسىندا وتكەن «Satisfaction» فەستيۆالىنىڭ قاتىسۋشىلارى ءىس-شارانى وتكىزۋ كەزىندە قوقىس جيناپ, قالا تازالىعىنا اتسالىستى. وسىلايشا, ولار «تازا قازاقستان. استانا – تازالىق پەن ءتارتىپتىڭ ۇلگىسى» اۋقىمدى ەكولوگيالىق اكتسياسىنا قولداۋ كورسەتتى.
ولاردىڭ بۇل يگىلىكتى ىسىنە ريزالىعىن بىلدىرگەن استانا قالاسى اكىمدىگىنىڭ ءباسپاسوز قىزمەتى: «جۇمىس توبىنا «Satisfaction» اۋقىمدى جازعى فەستيۆالىنىڭ تازالىققا بەيجاي قارامايتىن جانە بەلسەندى قاتىسۋشىلارى قوسىلدى», دەيدى.
ء«وزىمىزدى مىسالعا كەلتىرە وتىرىپ, ءبىز بارلىق ازاماتتى تابيعاتقا ۇقىپتى قاراۋعا شاقىرامىز! استانا ءبىزدىڭ – باس قالامىز. حالقىمىزدا «بۇلاق باسىنان تۇنادى» دەگەن ءسوز بار. سوندىقتان ەلىمىزدىڭ ەكولوگيالىق تازالىعى ەلوردادان باستالادى. مىسالى, استانا قالاسىندا كۇن سايىن كوپتەگەن سپورتتىق جانە دە باسقا ءارتۇرلى ءىس-شارا وتەدى. اسىرەسە جاز مەزگىلىندە مۇنداي شارالار اشىق اسپان اياسىندا بولادى. سونداي اتقارىلعان ءىس-شارادان كەيىن ۇيىمداستىرۋشىلار ورىنداردى تازالاپ كەتۋدى ۇردىسكە اينالدىرۋ قاجەت دەپ بىلەمىز. ءبىزدىڭ بۇل ارەكەتىمىز سوعان ۇلگى, باستاماشى بولساق, «تازا قازاقستان. استانا – تازالىق پەن ءتارتىپتىڭ ۇلگىسى» اۋقىمدى ەكولوگيالىق اكتسياسىنا قولداۋ بىلدىرسەك دەگەن وي ەدى», دەيدى فەستيۆالعا قاتىسۋشىلار.