قوستانايدا پوليتسەيلەر تەرروريزمدى ناسيحاتتاپ, ءدىني ارازدىقتى تۋدىرعانى ءۇشىن جەرگىلىكتى تۇرعىندى ۇستادى, دەپ حابارلايدى Egemen.kz وبلىستىق پد ءباسپاسوز قىزمەتىنە سىلتەمە جاساپ.
كۇدىكتى 12 جىلعا, ال ءدىني ارازدىقتى تۋدىرعانى ءۇشىن جەتى جىلعا دەيىن باس بوستاندىعىنان ايىرىلۋى مۇمكىن. قوستاناي وبلىسى ءىىد ەكسترەميزمگە قارسى كۇرەس باسقارماسىنىڭ قىزمەتكەرلەرى جەدەل ىزدەستىرۋ شارالارى بارىسىندا 30 جاستاعى جەرگىلىكتى تۇرعىندى انىقتاپ, ۇستادى.
«راديكالدى ءدىني يدەولوگيانى ۇستانا وتىرىپ, ول ءوز ورتاسى مەن الەۋمەتتىك جەلىلەردە باسقا دىندەردىڭ ازاماتتارىنىڭ تومەندىگىن ناسيحاتتايتىن جانە ءدىني سەبەپتەرمەن زورلىق - زومبىلىققا شاقىراتىن ماتەريالداردى تاراتتى», دەدى باسقارما باستىعىنىڭ مىندەتىن اتقارۋشى ءسابيت يبراەموۆ.
اتالعان فاكتى بويىنشا سوتقا دەيىنگى تەرگەۋ امالدارى باستالىپ, قاجەتتى تەرگەۋ ارەكەتتەرى جۇرگىزىلىپ جاتىر.
كۇدىكتى ۋاقىتشا ۇستاۋ يزولياتورىنا قامالدى.
قىرمىزى جۇماعاليقىزى,
ەۇۋ ستۋدەنتى