بالانى ءبىرىنشى سىنىپقا قابىلداۋ ءۇشىن قانداي قۇجاتتار سۇرالادى؟

جاڭا وقۋ جىلىنان باستاپ مەكتەپ تابالدىرىعىن اتتايتىن وقۋشىلاردىڭ اتا-اناسىنان وتىنىمدەر 1 ساۋىردەن باستاپ قابىلدانا باستادى. قۇجات قابىلداۋ 31 تامىزعا دەيىن جالعاسادى.

«بۇگىنگى تاڭدا 242 مىڭنان استام ءوتىنىم كەلىپ ءتۇستى. ءبىرىنشى سىنىپقا قابىلداۋ بويىنشا ەڭ كوپ ءوتىنىم تۇركىستان, الماتى, قىزىلوردا وبلىستارىندا, سونداي-اق الماتى, استانا قالالارىندا تىركەلىپ وتىر», دەلىنگەن وقۋ-اعارتۋ مينيسترلىگى ورتا ءبىلىم بەرۋ كوميتەتىنىڭ حابارلاماسىندا.

اتا-انا بالالارىنىڭ قۇجاتتارىن ەgov.kz  ەلەكتروندى ۇكىمەتىنىڭ ۆەب-پورتالى ارقىلى بەرە الادى.

بالانى ءبىرىنشى سىنىپقا قابىلداۋ ءۇشىن سۇرالاتىن قۇجاتتار: 

1) اتا-اناسىنىڭ نەمەسە زاڭدى وكىلدىڭ ءوتىنىشى; 2) 065/ە نىسانىنداعى «پروفيلاكتيكالىق ەكپەلەر كارتاسى» جانە №052-2/ە نىسانىنداعى «بالا دەنساۋلىعى كارتاسى» مەديتسينالىق قۇجاتتارى; 3) بالانىڭ 3ح4 سم كولەمىندەگى تسيفرلىق فوتوسۋرەتى.

وتىنىشتەر دەمالىس جانە مەرەكە كۇندەرىن قوسپاعاندا, دۇيسەنبى-جۇما ارالىعىندا قابىلدانادى. مينيسترلىك دەرەگىنشە, بيىل 370 مىڭنان استام بالا ءبىرىنشى سىنىپقا قادام باسادى.