قاراعاندى وبلىسىنىڭ پوليتسەيلەرى زورلىق-زومبىلىق كورسەتىپ زەينەتكەر, مۇمكىندىگى شەكتەۋلى ازاماتتاردىڭ پاتەرىن تارتىپ الۋمەن اينالىسقان قىلمىستىق توپتى ۇستادى, دەپ جازادى Egemen.kz.
زاڭگەر, ادۆوكات, نوتاريۋستان قۇرالعان قىلمىستىق توپ 14 پاتەردى زاڭسىز راسىمدەگەن. ولار كوبىنە ەگدە جاستاعى كىسىلەر مەن ەسىرتكىگە تاۋەلدى ادامداردىڭ مۇلكىن قولدى ەتىپ وتىرعان.
«13 مامىر كۇنى ءتىنتۋ ءىس-شارالارىن جۇرگىزۋ بارىسىندا ءارتۇرلى جىلجىمايتىن م ۇلىك پەن تۇلعالاردىڭ جەكە دەرەكتەرىنە قاتىستى كوپتەگەن قۇجات تاركىلەندى. قىلمىستىق توپتىڭ 28 مۇشەسى ۇستالدى. ولاردىڭ وسىنداي باسقا دا قىلمىستارعا قاتىسى بار-جوعى تەكسەرىلىپ جاتىر. اسا ءىرى مولشەردەگى الاياقتىق فاكتىسى بويىنشا تەرگەۋ باستالدى», دەدى ءىىم ۇيىمداسقان قىلمىسقا قارسى كۇرەس دەپارتامەنتىنىڭ وكىلى قۋاندىق الپىس.
ءىستى تەرگەپ-تەكسەرۋ كەزىندە قىلمىستىق توپتىڭ ءبىر مۇشەسى دەسترۋكتيۆتى ءدىننىڭ جاقتاۋشىسى ەكەنى انىقتالدى.