بەكسۇلتان سەرىكباي ۇلى تاماشا دارىگەر, ەل يگىلى جولىندا ەسەلى ەڭبەك ەتكەن ادال ازامات ەدى دەگەن مينيستر قايراتكەردىڭ سانالى عۇمىرىندا اتقارعان ەلەۋلى ىستەرىن ەسكە ءتۇسىردى.
«كوپ جىلدار بويى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيادا بەلسەندى جۇمىس ىستەگەن سەنىمدى سەرىگىمىز بولدى. ول سەنات دەپۋتاتى بولا وتىرىپ, پارلامەنتتىڭ وتباسىلىق-دەموگرافيالىق ساياسات, تۇرمىستىق زورلىق-زومبىلىقتىڭ الدىن الۋ سالاسىندا بىرقاتار زاڭدار قابىلداۋىنا باستاماشى بولدى, ولاردى ىسكە اسىرۋ تەتىگى بويىنشا ۇسىنىستار ازىرلەۋگە قاتىستى. بەكسۇلتان سەرىكباي ۇلى سونداي-اق قازاقستان رەسپۋبليكاسىنىڭ ەقىۇ جانە يسلام ىنتىماقتاستىق ۇيىمىنا توراعالىق ەتۋ كەزىندە گەندەرلىك تەڭدىك ماسەلەلەرىن كۇن تارتىبىنە ەنگىزۋگە ىقپال ەتىپ, قاجىرلى قىزمەت اتقاردى. ونىڭ جارقىن بەينەسى جۇرتشىلىق جادىندا ماڭگى ساقتالادى دەپ سەنەمىن. مارقۇمنىڭ جاتقان جەرى جارىق, توپىراعى تورقا بولسىن», دەپ جازدى ايدا بالاەۆا.