نەگىزگى ۇلتتىق بىرىڭعاي تەستىلەۋدىڭ ناتيجەسى بويىنشا تالاپكەرلەردەن گرانتقا قۇجات 13-20 شىلدە ارالىعىندا قابىلدانادى, دەپ حابارلايدى Egemen.kz.
«Kazinform» سايتى جازعانداي, تالاپكەرلەر ءوتىنىشىن EGov ارقىلى ونلاين فورماتتا نەمەسە جوو-لاردىڭ قابىلداۋ كوميسسيالارى ارقىلى وفلاين فورماتتا تاپسىرا الادى. قۇجاتتاردى قابىلداۋ كەز كەلگەن جوو (ورنالاسقان جەرى بويىنشا) ارقىلى جۇزەگە اسىرۋعا بولادى. شالعاي وڭىرلەردەن كەلگەن تالاپكەرلەرگە ىڭعايلى بولۋ ءۇشىن جوعارى جانە جوعارى وقۋ ورنىنان كەيىنگى ءبىلىم بەرۋ ۇيىمدارىندا ۆيرتۋالدى قابىلداۋ كوميسسيالارى جۇمىس ىستەيدى. ولار بەينەبايلانىس ارقىلى كەڭەس بەرەدى جانە كونكۋرسقا قۇجاتتاردى تاپسىرۋعا كومەكتەسەدى.
ايتا كەتەيىك, ءبىلىم بەرۋ گرانتىن تاعايىنداۋ كونكۋرسىنا قاتىسۋ ءۇشىن ەڭ تومەنگى ۇپايلار ۇلتتىق تەستىلەۋ ورتالىعىنىڭ سايتىندا جازىلعان.
مەملەكەتتىك ءبىلىم بەرۋ گرانتتارىن تاعايىنداۋ كونكۋرسىنا قاتىسۋعا قۇجاتتاردى ەلەكتروندى تۇردە تاپسىرۋ ءۇشىن تالاپكەرلەرگە مىنا قۇجاتتار قاجەت:
1. جەكە كۋالىك;
2. ۇبت سەرتيفيكاتى;
3. 3×4 كولەمىندەگى فوتو;
4. ورتا ءبىلىم تۋرالى اتتەستات (تەحنيكالىق جانە كاسىپتىك ءبىلىم بەرۋ (تجكب) ۇيىمدارىنىڭ تۇلەكتەرى ءۇشىن ديپلوم);
5. № 075/ۋ نىسانىنداعى مەديتسينالىق انىقتاما جانە № 063/ۋ نىسانىنداعى پروفيلاكتيكالىق ەكپەلەر كارتاسى;
6. ەر جىگىتتەر ءۇشىن اسكەري تىركەلۋ كۋالىگى;
7. جەڭىلدەتىلگەن سانات بويىنشا كونكۋرسقا قاتىسۋ ءۇشىن راستايتىن قۇجاتتار.