جەتىسۋ وبلىسىنىڭ پوليتسەيلەرى بىرنەشە رەت الاياقتىق جاساعان كۇدىكتى ايەلدى ۇستادى. ول ءوزىن بانك قىزمەتكەرى رەتىندە تانىستىرىپ ازاماتتاردى قايتارىمسىز كرەديت, سۋبسيديا الىپ بەرەمىن دەگەن جەلەۋمەن الداپ كەلگەن, دەپ جازادى Egemen.kz.
تەكەلى تۇرعىنى الداپ سوققان 13 زارداپ شەگۋشى انىقتالدى.
«ايەل ءوزىن بانك قىزمەتكەرى رەتىندە تانىستىرىپ جۇرگەن. ازاماتتاردىڭ سەنىمىنە كىرىپ, ول اۋىل شارۋاشىلىعىن دامىتۋدىڭ مەملەكەتتىك باعدارلاماسى بويىنشا قارىز بەن وتەۋسىز مەملەكەتتىك سۋبسيديا الۋعا كومەك ۇسىنعان. ونىڭ تۇرعىندارعا كەلتىرگەن زالالى 11 ميلليون تەڭگەدەن استى. ءىس ماتەريالدارى سوتقا جىبەرىلدى. كۇدىكتى قاماۋعا الىندى», دەدى تەكەلى قالاسى پب باستىعىنىڭ ورىنباسارى ەرنار تاڭاتاروۆ.