قاسىم-جومارت توقاەۆ ۇقشۇ ەلدەرىمەن اراداعى ساۋدا-ساتتىقتىڭ قارقىندى ءوسىپ كەلە جاتقانىنا كوڭىلى تولاتىنىن جەتكىزدى, دەپ جازادى Egemen.kz.
جيىن سوڭىندا قاسىم-جومارت توقاەۆ ۇقشۇ پارلامەنتتىك اسسامبلەيا كەڭەسىنىڭ وتىرىسى ۇيىمعا مۇشە ءار ەلدىڭ مۇددەسىن ەسكەرە وتىرىپ, مەملەكەتتەردىڭ ۇلتتىق زاڭنامالارىن ىلگەرىلەتۋگە جانە ءوزارا ۇيلەستىرۋگە ەلەۋلى ۇلەس قوساتىنىن اتاپ ءوتتى. سونداي-اق كەڭەس قابىلدايتىن قۇجاتتار ۇقشۇ-نى ودان ءارى دامىتۋعا سەپتىگىن تيگىزەتىنىنە سەنىم ءبىلدىردى.كەزدەسۋ بارىسىندا ۇقشۇ پارلامەنتتىك اسسامبلەياسىنىڭ توراعاسى – رەسەي مەملەكەتتىك دۋماسىنىڭ توراعاسى ۆياچەسلاۆ ۆولودين, بەلارۋس رەسپۋبليكاسى ۇلتتىق جينالىسى وكىلدەرى پالاتاسىنىڭ توراعاسى يگور سەرگەەنكو, تاجىكستان رەسپۋبليكاسىنىڭ مادجليسي ولي مادجليسي ميللي توراعاسى رۋستامي ەمومالي سوز سويلەدى.