بۇل تۋرالى مەملەكەت باسشىسى قاسىم-جومارت توقاەۆ الماتىدا ءوتىپ جاتقان عالىمدارمەن كەزدەسۋىندە ايتتى, دەپ جازادى Egemen.kz.
ء«بىز عالىمدارعا جاعداي جاساۋ كەرەك دەپ ءجيى ايتامىز. بۇل – قۇر ءسوز ەمەس. مەملەكەت تاراپىنان ناقتى جۇمىس جاسالىپ جاتىر. الداعى ەكى جىلدا جاس عالىمداردىڭ زەرتتەۋىنە بولىنەتىن گرانت سانى تاعى دا كوبەيەدى. بيۋدجەتتەن 18 ميلليارد تەڭگە بولىنەدى», دەدى پرەزيدەنت.
قاسىم-جومارت كەمەل ۇلىنىڭ ايتۋىنشا, وتكەن جىلى 284 جاس عالىم باسپاناعا يە بولدى.
«بيىل مەنىڭ تاپسىرماممەن ولارعا تاعى 200 پاتەر بەرىلەدى. وسىنداي ناقتى شارالار ارقىلى ەلىمىزدەگى عىلىمدى جانە جالپى عالىمدار قاۋىمىن قولداۋ جۇمىسى الداعى ۋاقىتتا دا جالعاسىن تابادى», دەپ تۇيىندەدى مەملەكەت باسشىسى.