جايىلىم جەر تاپتالىپ, شارۋالاردىڭ زيانعا ۇشىرايتىنى ايتىلىپ, كيىكتەردى اتۋعا رۇقسات بەرىلگەنىمەن, كيىكتەن كەلگەن شىعىن مولشەرى ەسەپتەلىنبەگەن. بۇل تۋرالى سەنات وتىرىسىندا اۋىل شارۋاشىلىعى ۆيتسە-ءمينيسترى امانعالي بەردالين ايتىپ بەردى, دەپ حابارلايدى Egemen.kz.
ء«بىز بارلىق جابايى جانۋارلاردى زەرتتەيمىز, بىراق ولاردىڭ سانىن رەتتەمەيمىز. دەمەك, بۇل (ديقاندار كيىكتەردەن كەلگەن شىعىندى وتەۋ ءۇشىن شامامەن 100 ميلليارد تەڭگە سۇرادى دەگەن اقپارات – رەداكتوردىڭ ەسكەرتپەسى //www.uralskweek.kz/kz/) شىندىققا جاناسپايدى. ءبىز شىعىندى وتەۋ ءۇشىن اقشا سۇرامايمىز. بىزدە زياندى وتەۋ ادىستەمەسى ازىرلەنبەگەن. زياندى وتەۋدەن بۇرىن فەرمەر ءوز قاراجاتىنىڭ ءبىر بولىگىن جۇمساۋى كەرەك. ءبىزدىڭ بوكەن جاعدايىندا بۇل – جايىلىم. فەرمەر ەشقانداي شىعىن شىعارعان جوق, اقبوكەندەر جەگەنگە دەيىن جانە كەيىن ءشوپتىڭ قانشا تسەنتنەرگە جەتكەنىن انىقتاۋ مۇمكىن ەمەس», دەدى ۆيتسە-مينيستر.
ول كيىكتەردى اتۋعا رۇقساتتى اۋىل شارۋاشىلىعى مينيسترلىگى ەمەس, ەكولوگيا مينيسترلىگى بەرگەنىن ءتۇسىندىردى. ال ونىڭ بولىمشەسى شارۋالارعا ءبىر تەڭگە دە وتەماقى تولەمەگەن.