Euronews باسىلىمىنىڭ سايتىندا قازاقستان پرەزيدەنتى قاسىم-جومارت توقاەۆتىڭ «ورتا دەرجاۆالار مۋلتيلاتەراليزمدى قۇتقارا الادى» تاقىرىبىندا اۆتورلىق ماقالاسى جاريالاندى, دەپ حابارلايدى Egemen.kz.
ماقالا ەۋروپالىق وقىرمانعا – ساياساتكەرلەرگە, ساياساتتانۋشىلارعا جانە ەسكى الەمنىڭ قاراپايىم ازاماتتارىنا كوبىرەك ارنالعانى بايقالادى. بىراق قازاقستان ازاماتتارى ءۇشىن دە ماعلۇماتى مول. سەبەبى, كەز كەلگەن پرەزيدەنتتىڭ حالىقارالىق ارەناداعى ارەكەتى ۇلتتىق مۇددەلەردىڭ كورىنىسىمەن توعىسادى.
ماتەريالدىڭ كىرىسپەسىندە پرەزيدەنت كوتەرگەن ماسەلەنىڭ ءمانى كورسەتىلگەن. قاسىم-جومارت توقاەۆ ورتا دەرجاۆالاردىڭ كوپجاقتىلىعى تاقىرىبىنا استانا حالىقارالىق فورۋمىندا, بۇۇ باس اسسامبلەياسىنىڭ تريبۋناسىندا, ء«بىر بەلدەۋ – ءبىر جول» فورۋمىندا, گەرمانياعا رەسمي ساپارى كەزىندە دە توقتالعان ەدى. وتكەن اپتادا سينگاپۋرعا رەسمي ساپارى اياسىندا قازاقستان پرەزيدەنتى «قازاقستان جانە ورتا دەرجاۆالاردىڭ ءرولى: قاۋىپسىزدىكتى, تۇراقتىلىقتى جانە ورنىقتى دامۋدى ىلگەرىلەتۋ» تاقىرىبىندا ءدارىس وقىدى. ول Euronews-تەگى ماقالامەن دە ۇندەسەدى.
قاسىم-جومارت توقاەۆ قازاقستان سياقتى ەلدەر جاڭا كۇشپەن بىرگە العا قادام باسىپ, جاھاندىق ارەناداعى جاۋاپتى مەنەدجەرلەر رەتىندە ارەكەت ەتۋى ءتيىس ەكەنىن جازدى.
مەملەكەت باسشىسى اتاپ وتكەندەي, سوڭعى ۋاقىتتا الەم الاۋىزدىققا تولىپ بارادى. الپاۋىت مەملەكەتتەر دە بىرىگۋ ورنىنا تارىداي شاشىلىپ بارادى. ال بۇۇ قاۋىپسىزدىك كەڭەسىنىڭ تۇراقتى مۇشەلەرى يەلىك ەتەتىن ۆەتو قۇقىعى كوبىنەسە تىعىرىققا تىرەلىپ, داعدارىستى شەشۋگە قاۋقارسىز. ۇجىمدىق ارەكەتتەرگە قاراعاندا بىرجاقتى كوزقاراسقا باسىمدىق بەرىلىپ جاتادى. وسى تۇستا قازاقستان پرەزيدەنتى قاسىم-جومارت كەمەل ۇلى مەملەكەتارالىق دوستىققا دەم بەرۋگە شاقىردى. بۇل رەتتە قازاقستان سىندى ورتا دەرجاۆالار كومەكتەسە الادى.
پرەزيدەنتتىڭ پىكىرىنشە, قازىر ءجۇرىپ جاتقان سوعىستار وڭ شەشىلمەي, بىرنەشە جىلعا سوزىلىپ جاتىر. بۇل تەك سوعىسقا قاتىسۋشى ەلدەرگە عانا ەمەس, تۇتاس گەوساياسي الاڭعا كەسىرىن تيگىزىپ جاتقانى انىق.
«ۋكرايناداعى قاقتىعىس ديپلوماتيالىق تىعىرىققا تىرەلدى, گازا سەكتورىنداعى قازىرگى جاعداي ەپيكالىق گۋمانيتارلىق اپات بولىپ تانىلدى, ال ءۇندى-تىنىق مۇحيتى ايماعىنداعى شيەلەنىس سوعىسقا ۇلاسىپ بارادى. بىرىككەن ۇلتتار ۇيىمى سياقتى حالىقارالىق كونسەنسۋسقا ىقپال ەتۋگە ارنالعان قۇرىلىمدار دا تىعىرىققا تىرەلە باستادى», دەيدى مەملەكەت باسشىسى.
وسى تۇستا «ورتا دەرجاۆالاردىڭ «ۇلكەن ويىنشىلاردان» ايىرماشىلىعى نەدە؟» دەگەن سۇراق تۋىندايدى. قازاقستان كوشباسشىسى بۇل ساۋالعا دا جاۋاپ بەردى.
ەل پرەزيدەنتى قاسىم-جومارت توقاەۆتىڭ ماقالاسىن مىنا سىلتەمە ارقىلى وقۋعا بولادى.