ماڭعىستاۋدا كوللەدج ديرەكتورى ءىرى مولشەردە قارجى جىمقىرعانى ءۇشىن سوتتالدى. ول مەكەمە قىزمەتكەرلەرىنە تيەسىلى سىياقىنى زاڭسىز يەمدەنگەن, دەپ حابارلايدى Egemen.kz وبلىستىق پروكۋراتۋرانىڭ ءباسپاسوز قىزمەتىنە سىلتەمە جاساپ.
مەملەكەتتىك ايىپتاۋشىلار بيۋدجەت قاراجاتىنىڭ جۇمسالۋىنىڭ زاڭدىلىعىن تالداۋ بارىسىندا گۋمانيتارلىق كوللەدج ديرەكتورىنىڭ قىزمەتكەرلەرگە سىياقى تولەۋگە بولىنگەن اقشانى جىمقىرعانىن انىقتادى.
«اتاپ ايتقاندا, كوللەدج ديرەكتورى 2022 جىلدىڭ جەلتوقسانىنان 2023 جىلدىڭ تامىزىنا دەيىنگى ارالىقتا 29 قىزمەتكەرگە سىيلىقاقى بەرۋ تۋرالى نەگىزسىز ۇيعارىم شىعارىپ, 29,5 ميلليون تەڭگە كولەمىندەگى قاراجاتتى زاڭسىز يەمدەنگەن», دەپ حابارلادى قاداعالاۋ ورگانى.
16 مامىردا بەينەۋ اۋداندىق سوتى ديرەكتوردى 7 جىلعا باس بوستاندىعىنان ايىردى. كەلتىرىلگەن زالال تولىق ءوندىرىلدى.