بەنزين مەن ديزەل وتىنى ءوندىرىسى تومەندەدى

ديزەلدىك وتىن ءوندىرىسى 5,5%-عا, 1,6 ملن تونناعا دەيىن قىسقاردى. ءبىر قىزىعى, بۇعان دەيىن بەنزين ءوندىرىسى سەگىز جىل قاتارىنان, ال ديزەلدىك وتىن ءۇش جىل قاتارىنان وسكەن.

بەنزين مەن ديزەل وتىنىن ءوندىرۋدىڭ ەڭ كوپ كولەمى پاۆلودار مۇناي-حيميا زاۋىتى بار پاۆلودار وبلىسىندا تىركەلدى: 579,8 مىڭ توننا بەنزين جانە 677,5 مىڭ توننا ديزەل وتىنى جانە پقوپ ورنالاسقان شىمكەنتتە بەنزين ءوندىرىسى 542,3 مىڭ توننانى, ال ديزەلدىك وتىن 366 مىڭ توننانى قۇرادى. اتىراۋ مۇناي وڭدەۋ زاۋىتى جۇمىس ىستەيتىن اتىراۋ وبلىسىندا 525 مىڭ توننا بەنزين مەن 537 مىڭ توننا ديزەل وتىنى وندىرىلگەن.

قازاقستان ءىس جۇزىندە بەنزين مەن ديزەل وتىنىن ەكسپورتتامايدى. وسى جىلدىڭ قاڭتار-ناۋرىز ارالىعىندا بەنزين يمپورتى جالپى رەسۋرستاردىڭ 0,02 پايىزىن عانا قۇراپ, ەكسپورت بولعان جوق. ديزەل وتىنى يمپورتى 0,8%, ەكسپورت 0,4% قۇرادى.

ايتا كەتەيىك, وتاندىق تۇتىنۋشىلاردىڭ تاپشىلىعىنان قورعاۋ ءۇشىن قازاقستاننان جانار-جاعارماي ەكسپورتىنا زاڭمەن تىيىم سالىنعان.

وسى جىلدىڭ قاڭتار-ناۋرىز ايلارىندا ىشكى نارىقتا بەنزين مەن ديزەل وتىنىن ساتۋ كولەمى ارقايسىسى 1,3 ميلليون توننانى قۇرادى. ءبىر جىلدا بەنزين ساتۋ 4,4%-عا, ديزەلدىك وتىن ساتۋ 1,7%-عا ءوستى.

ال ءساۋىر ايىندا قازاقستاندا اي-92 ماركالى بەنزين ءليترىنىڭ ورتاشا قۇنى 202 تەڭگە, اي-95/96 – 252 تەڭگە, اي-98 – 291 تەڭگە بولدى. جازعى ديزەل وتىنىنىڭ ءبىر ءليترى 293 تەڭگە, قىسقىسى 543 تەڭگەنى قۇرادى.

2024 جىلدىڭ ءساۋىر ايىنىڭ سوڭىندا بەنزين باعاسى ءبىر جىلدا 3,5%-عا ءوستى, ال ديزەل وتىنىنىڭ قۇنى 0,8%-عا تومەندەدى. باعانىڭ ەڭ كوپ جىلدىق ءوسۋى اي-98 بەنزينىندە بايقالىپ, 20,1%-عا باعا ءوسىمى جوعارىلادى. اي-95/96 ماركالى بەنزين 16,1%-عا, اي-92 ماركالى بەنزين 1,5%-عا قىمباتتادى.

التىناي ابدىش,ەۇۋ ستۋدەنتى