استانادا بيشىمباەۆتى ۇستاعان ەكى پوليتسيا قىزمەتكەرى قاتاڭ سوگىس الدى. بۇل تۋرالى ىشكى ىستەر مينيسترلىگىنىڭ ءباسپاسوز قىزمەتى حابارلادى, دەپ جازادى Egemen.kz.
«ققر «قۇقىق قورعاۋ قىزمەتى تۋرالى» زاڭىنىڭ 19, 56-57-باپتارىنا, سونداي-اق قىزمەتتىك ءتارتىپتى بۇزعانى ءۇشىن تارتىپتىك كوميسسيانىڭ شەشىمىنە سايكەس پاترۋلدىك پوليتسيا پولكى قىزمەتىنىڭ ينسپەكتورىنا سوگىس جاريالاندى. قازاقستان رەسپۋبليكاسى اقبتك-ءنىڭ 434-2-بابىنىڭ تالاپتارىن بۇزعانى ءۇشىن (قوعامدىق ورىنداردى لاستاۋ) استانا قالاسى ءىىب ەسىل اۋدانىنىڭ جەدەل ۋاكىلىنە قاتاڭ سوگىس جاريالاندى», دەپ حابارلادى ۆەدومستۆودان.
9 ءساۋىر كۇنى وتكەن سوت وتىرىسىندا قۋاندىق بيشىمباەۆتى ۇستاعان پوليتسيا قىزمەتكەرلەرى بەينەلەنگەن ۆيدەو كورسەتىلدى. كوشەدەگى پوليتسەيلەر كۇدىكتىنىڭ قول كىسەنىن شەشىپ, تەمەكى بەرگەن. پوليتسيا بولىمشەسىنە جونەلتۋ كەزىندە سوتتالۋشىمەن اڭگىمەلەسۋ بارىسىندا ءتارتىپ ساقشىلارىنىڭ ءبىرى «ول ءوزى مازاڭدى العان شىعار؟» دەپ سۇراعان. وسى اڭگىمەنىڭ بارلىعى ۆيدەوعا ءتۇسىپ قالعان.
ەسكە سالايىق, قۋاندىق بيشىمباەۆ ءوزىنىڭ ازاماتتىق نەكەدەگى ايەلى سالتانات نۇكەنوۆانى ءولتىرىپ, ازاپتاعانى ءۇشىن 24 جىلعا باس بوستاندىعىنان ايىرىلعان.
التىناي ابدىش,
ەۇۋ ستۋدەنتى