توتەنشە جاعدايلار مينيسترلىگى ءباسپاسوز قىزمەتىنىڭ حابارلاۋىنشا, بالا ەكىنشى قاباتتاعى تەرەزەدەن قۇلاپ كەتكەن, دەپ جازادى Egemen.kz.
بالا ءتۇرلى جاراقات الىپ, قوستاناي وبلىستىق بالالار اۋرۋحاناسىنا جاتقىزىلعان.
«ساعات 13:25-تە 2021 جىلى تۋعان بالا تۇسكەن. دياگنوزى: تۇرعىن ءۇيدىڭ ەكىنشى قاباتىنداعى تەرەزەدەن قۇلاپ, جاراقات العان. بالانىڭ بەل ايماعىنداعى جۇمساق تىندەر كوگەرگەن. ونىڭ جاعدايى ورتاشا اۋىر», دەپ مالىمدەدى قوستاناي وبلىسىنىڭ دەنساۋلىق ساقتاۋ باسقارماسى.
ۆەدومستۆو ناۋقاستىڭ وبلىستىق بالالار اۋرۋحاناسىندا تولىق ەم قابىلداپ جاتقانىن مالىمدەدى.