حالىقارالىق بالالاردى قورعاۋ كۇنىنە وراي قۇقىقتىق ءتارتىپ اسكەرى 27 مامىر – 3 ماۋسىم كۇندەرى ارالىعىندا وتەتىن «مەن – وتان قورعاۋشىمىن!» اتتى فوتوبايقاۋ جاريالادى, دەپ حابارلايدى Egemen.kz ۇلتتىق ۇلان حابارلاماسىنا سىلتەمە جاساپ.
اتالعان بايقاۋ اسكەري قىزمەتشىلەردىڭ وتباسىلارىنىڭ بەدەلىن ارتتىرۋ, قوعام مەن ۇلتتىق ۇلاندا وتباسىلىق قۇندىلىقتاردى دارىپتەۋ, اتا-انالاردىڭ بالالارعا دەگەن قامقورلىعىن, بالالاردىڭ ۇلكەندەرگە دەگەن قۇرمەتىن كۇشەيتۋ, نەكەنىڭ بەرىكتىگىن ناسيحاتتاۋ ماقساتىندا ۇيىمداستىرىلىپ وتىر.
بايقاۋعا ۇلتتىق ۇلان اسكەري قىزمەتشىلەرىنىڭ جانە ارداگەرلەرىنىڭ 3 جاستان 10 جاسقا دەيىنگى بالالارى قاتىسا الادى. ۇمىتكەرلەر ۇيىمداستىرۋ كوميسسياسىنا اسكەري كيىمدە تۇسكەن فوتوسۋرەتتەرىن ۇسىنۋى كەرەك.
داۋىس بەرۋ ۇلتتىق ۇلاننىڭ «Instagram»-داعى National_guard_kaz رەسمي پاراقشاسىندا وتەدى.
جەڭىمپازدار «ۇناتۋ» بەلگىلەرى سانى بويىنشا انىقتالىپ, ىشكى ىستەر ءمينيسترىنىڭ ورىنباسارى – ۇلتتىق ۇلان باس قولباسشىسىنىڭ ديپلومدارىمەن, سىيلىقتارىمەن ماراپاتتالادى.