2014 جىلعى 26 قاراشا, استانا قالاسى
قازاقستان رەسپۋبليكاسىندا تىركەلگەن دارىلىك زاتتار مەن مەديتسينالىق ماقساتتاعى بۇيىمداردىڭ قاۋىپسىزدىگى مەن ساپاسىن باعالاۋدى جۇرگىزۋ قاعيدالارىن بەكىتۋ تۋرالى
«حالىق دەنساۋلىعى جانە دەنساۋلىق ساقتاۋ جۇيەسى تۋرالى» 2009 جىلعى 18 قىركۇيەكتەگى قازاقستان رەسپۋبليكاسى كودەكسىنىڭ 7-بابى 1-تارماعىنىڭ, 84) تارماقشاسىنا سايكەس بۇيىرامىن:
1. قوسا بەرىلىپ وتىرعان قازاقستان رەسپۋبليكاسىندا تىركەلگەن دارىلىك زاتتار مەن مەديتسينالىق ماقساتتاعى بۇيىمداردىڭ قاۋىپسىزدىگى مەن ساپاسىن باعالاۋدى جۇرگىزۋ قاعيدالارى بەكىتىلسىن.
2. قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ مەديتسينالىق جانە فارماتسەۆتيكالىق قىزمەتتى باقىلاۋ كوميتەتى زاڭنامادا بەلگىلەنگەن تارتىپپەن:
1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن;
2) وسى بۇيرىقتىڭ ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە بۇقارالىق اقپاراتتىق قۇرالدارىندا جانە «ادىلەت» قۇقىقتىق-اقپارات جۇيەسىندە رەسمي جاريالانۋىن;
3) وسى بۇيرىقتىڭ قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ ينتەرنەت-رەسۋرسىندا ورنالاستىرىلۋىن قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ۆيتسە-ءمينيسترى س.ر.مۋسينوۆقا جۇكتەلسىن.
4. وسى بۇيرىق العاشقى رەسمي جاريالانعاننان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
مينيستر ت.دۇيسەنوۆا.
قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ءمينيسترىنىڭ
2014 جىلعى 26 قاراشاداعى №269 بۇيرىعىمەن بەكىتىلگەن
قازاقستان رەسپۋبليكاسىندا تىركەلگەن دارىلىك زاتتار مەن مەديتسينالىق ماقساتتاعى بۇيىمداردىڭ قاۋىپسىزدىگى مەن ساپاسىن باعالاۋدى جۇرگىزۋ قاعيدالارى
1. جالپى ەرەجەلەر
1. وسى قازاقستان رەسپۋبليكاسىندا تىركەلگەن دارىلىك زاتتار مەن مەديتسينالىق ماقساتتاعى بۇيىمداردىڭ قاۋىپسىزدىگى مەن ساپاسىنا باعالاۋ جۇرگىزۋ قاعيدالارى قازاقستان رەسپۋبليكاسىندا (بۇدان ءارى – قاعيدالار) تىركەلگەن دارىلىك زاتتاردىڭ مەن مەديتسينالىق ماقساتتاعى بۇيىمداردىڭ قاۋىپسىزدىگى مەن ساپاسىنا باعالاۋ جۇرگىزۋ ءتارتىبىن ايقىندايدى جانە دارىلىك زاتتار, مەديتسينالىق ماقساتتاعى بۇيىمدار اينالىسى سۋبەكتىلەرىنە (بۇدان ءارى اينالىس سۋبەكتىسى) دەنساۋلىق سالاسىنداعى ۋاكىلەتتى ورگانعا (بۇدان ءارى – ۋاكىلەتتى ورگان) دارىلىك زاتتار, مەديتسينالىق ماقساتتاعى بۇيىمدار جانە مەديتسينالىق تەحنيكانىڭ اينالىسى سالاسىنداعى مەملەكەتتىك ساراپتاما ۇيىمىنا قودانىلادى.
2. قازاقستان رەسپۋبليكاسىندا تىركەلگەن دارىلىك زاتتاردىڭ, مەديتسينالىق ماقساتتاعى بۇيىمداردىڭ قاۋىپسىزدىگى مەن ساپاسىن باعالاۋ (بۇدان ءارى –قاۋىپسىزدىك پەن ساپانى باعالاۋ) مەملەكەتتىك مونوپولياعا جاتادى جانە قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن اككرەديتتەلگەن سىناق زەرتحانالارى بار دارىلىك زاتتاردىڭ, مەديتسينالىق ماقساتتاعى بۇيىمداردىڭ جانە مەديتسينالىق تەحنيكانىڭ اينالىسى سالاسىنداعى مەملەكەتتىك ساراپتاما ۇيىم بولىپ تابىلاتىن – قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ «دارىلىك زاتتاردى, مەديتسينالىق ماقساتتاعى بۇيىمداردى جانە مەديتسينالىق تەحنيكانى ساراپتاۋ ۇلتتىق ورتالىعى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنى جانە ونىڭ اۋماقتىق فيليالدارى (بۇدان ءارى - ساراپتاما ۇيىمى) جۇزەگە اسىرادى.
3. قاۋىپسىزدىك پەن ساپانى باعالاۋ مىناداي:
1) دارىلىك زاتتاردى, مەديتسينالىق ماقساتتاعى بۇيىمداردى اكەلۋ جانە قازاقستان رەسپۋبليكاسىندا ءوندىرۋ كەزىندە اينالىسقا رۇقسات بەرۋ;
2) قازاقستان رەسپۋبليكاسىندا تىركەلگەن دارىلىك زاتتاردىڭ, مەديتسينالىق ماقساتتاعى بۇيىمداردىڭ ساپاسىنا كۇدىك تۋىنداعان جاعدايدا, سونىڭ ىشىندە مەملەكەتتىك ورگان الىپ قويعان, سونداي-اق جالعان دارىلىك زاتتاردى تابۋ ءۇشىن قاۋىپسىزدىك پەن ساپانى راستاۋ ماقساتىندا جۇزەگە اسىرىلادى.
4. قاۋىپسىزدىك پەن ساپانى باعالاۋ قۇنىن تولەۋدى قازاقستان رەسپۋبليكاسىنىڭ ۇكىمەتى بەلگىلەگەن باعالارعا سايكەس ساراپتاما ۇيىمىنىڭ ەسەبىنەن اينالىس سۋبەكتىسى جۇرگىزەدى.
5. قاۋىپسىزدىك پەن ساپانى باعالاۋدىڭ جۇرگىزىلۋىنە مەملەكەتتىك باقىلاۋدى ۋاكىلەتتى ورگان جۇزەگە اسىرادى.
6. وسى قاعيدالاردا قولدانۋ ماقساتىندا مىناداي تەرميندەر مەن انىقتامالار پايدالانىلادى:
1) دارىلىك زاتتاردىڭ, مەديتسينالىق ماقساتتاعى بۇيىمداردىڭ اينالىسى سالاسىنداعى سۋبەكتى - فارماتسەۆتيكالىق قىزمەتتى جۇزەگە اسىراتىن جەكە نەمەسە زاڭدى تۇلعالار;
2) قاۋىپسىزدىك پەن ساپانى باعالاۋ - تىركەۋ قۇجاتى دەرەكتەرىنىڭ, ستاندارتتاۋ بويىنشا نورماتيۆتىك قۇجاتتار دەرەكتەرىنىڭ نەگىزىندە ولاردىڭ قازاقستان رەسپۋبليكاسىندا تىركەلگەن دارىلىك زاتتاردىڭ, مەديتسينالىق ماقساتتاعى بۇيىمداردىڭ قاۋىپسىزدىگى مەن ساپاسىنىڭ سايكەستىگىن ايقىنداۋ;
3) قاۋىپسىزدىك پەن ساپا تۋرالى قورىتىندى - دارىلىك زاتتاردىڭ, مەديتسينالىق ماقساتتاعى بۇيىمداردىڭ قاۋىپسىزدىگى مەن ساپاسىنا جۇرگىزىلگەن باعالاۋ ناتيجەلەرى بويىنشا بەرىلەتىن جانە دارىلىك زاتتاردىڭ, مەديتسينالىق ماقساتتاعى بۇيىمداردىڭ نارىقتا بولۋىنا قۇقىق بەرەتىن قۇجات;
4) قاۋىپسىزدىك پەن ساپانى سەريالىق باعالاۋ – ءوندىرىس جاعدايىن باعالاۋ نەمەسە 3 جىلدان كەم ەمەس مەملەكەتتىك تىركەۋ كەزىندە وندىرىسكە جۇرگىزىلگەن باعالاۋدى تانۋ جانە ءونىمنىڭ ۇلگىلەرىنە سىناۋ جۇرگىزە وتىرىپ جۇزەگە اسىرىلاتىن دارىلىك زاتتاردىڭ, مەديتسينالىق ماقساتتاعى بۇيىمداردىڭ قاۋىپسىزدىگى مەن ساپاسىن باعالاۋ;
5) ءونىم – «دارىلىك زاتتاردى, مەديتسينالىق ماقساتتاعى بۇيىمداردى جانە مەديتسينالىق تەحنيكانى مەملەكەتتىك تىركەۋ, قايتا تىركەۋ جانە ولاردى تىركەۋ دەرەكتەرىنە وزگەرىستەر ەنگىزۋ ەرەجەسىن بەكىتۋ تۋرالى» قازاقستان رەسپۋبليكاسى دەنساۋلىق ساقتاۋ ءمينيسترىنىڭ 2009 جىلعى 18 قاراشاداعى №735 بۇيرىعىنا سايكەس تىركەلگەن جانە قازاقستان رەسپۋبليكاسىندا مەديتسينالىق قولدانۋعا رۇقسات ەتىلگەن دارىلىك زاتتار مەن مەديتسينالىق ماقساتتاعى بۇيىمدار;
6) ءونىم ۇلگىلەرىن سىناۋ – ءونىم ۇلگىلەرىن تىركەۋ, قايتا تىركەۋ نەمەسە تىركەۋ دەرەگىنە وزگەرىستەر ەنگىزۋ كەزىندە ءوندىرۋشى بەكىتكەن نەمەسە ۇسىنعان ساپا مەن قاۋىپسىزدىك كورسەتكىشتەرىن, باقىلاۋ تاسىلدەرى بويىنشا نورماتيۆتىك قۇجاتتىڭ تالاپتارىنا سايكەس تالداۋ.
7) ءوتىنىش بەرۋشى - فارماتسەۆتيكالىق قىزمەتكە ليتسەنزياسى نەمەسە «رۇقساتتار جانە حابارلامالار تۋرالى» قازاقستان رەسپۋبليكاسىنىڭ زاڭىنا سايكەس حابارلاماسى بار زاڭدى نەمەسە جەكە تۇلعا, قازاقستان رەسپۋبليكاسىندا تىركەلگەن جانە قاۋىپسىزدىك پەن ساپانى باعالاۋعا ارنالعان ءونىمدى ۇسىناتىن فارماتسەۆتيكالىق كومپانيالار وكىلدىگى;
8) ستاندارتتاۋ بويىنشا نورماتيۆتىك قۇجات - دارىلىك زاتتاردىڭ, مەديتسينالىق ماقساتتاعى بۇيىمداردىڭ ساپاسى مەن قاۋىپسىزدىگىنە قويىلاتىن تالاپتار كەشەنىن بەلگىلەيتىن دارىلىك زاتتاردىڭ, مەديتسينالىق ماقساتتاعى بۇيىمداردىڭ ساپاسى مەن قاۋىپسىزدىگىن باقىلاۋ بويىنشا نورماتيۆتىك قۇجات (بۇدان ءارى - نورماتيۆتىك قۇجات);
9) سىناۋلار حاتتاماسى - دارىلىك زاتتاردىڭ, مەديتسينالىق ماقساتتاعى بۇيىمداردىڭ نورماتيۆتىك قۇجاتتىڭ تالاپتارىنا سايكەستىگىن/سايكەسسىزدىگىن كۋالاندىراتىن قۇجات.
2. قاۋىپسىزدىك پەن ساپانى باعالاۋدى جۇرگىزۋ ءتارتىبى
7. قاۋىپسىزدىك پەن ساپانى باعالاۋ دارىلىك زاتتار مەن مەديتسينالىق ماقساتتاعى بۇيىمداردىڭ اينالىسقا شىعۋىنا دەيىن, سونىمەن قاتار ولاردىڭ قازاقستان رەسپۋبليكاسىنىڭ فارماتسەۆتيكالىق نارىعىنداعى اينالىمى پروتسەسىندە جۇزەگە اسىرىلادى.
8. قاۋىپسىزدىك پەن ساپانى باعالاۋعا قازاقستان رەسپۋبليكاسىنا اكەلىنەتىن جانە قازاقستان رەسپۋبليكاسى اۋماعىندا وندىرىلەتىن دارىلىك زاتتار مەن مەديتسينالىق ماقساتتاعى بۇيىمدار جاتادى.
9. دارىلىك زاتتاردىڭ قاۋىپسىزدىگى مەن ساپاسىن باعالاۋ ءتيىستى وندىرىستىك پراكتيكا (بۇدان ءارى – GMP) جاعدايىندا وندىرىلگەن يممۋنوبيولوگيالىق جانە ورفاندىق پرەپاراتتاردى قوسپاعاندا, مىنا ادىستەردىڭ ءبىرىن جۇرگىزۋ ارقىلى جۇزەگە اسىرىلادى:
1) قازاقستان رەسپۋبليكاسىنناڭ GMP, نە ەۋروپا وداقتىڭ GMP, نە امەريكا قۋراما شتاتىنىڭ GMP (بۇدان ءارى – قر GMP, ەو GMP, اقش GMP) تالاپتارىن سايكەس وندىرىلگەن دارىلىك زاتتاردىڭ قاۋىپسىزدىگى مەن ساپاسىن سەريالىق باعالاۋ نەمەسە ءوندىرىستى باعالاۋعا تارتىلعان وندىرىستىك جەلىدە قازاقستان رەسپۋبليكاسىندا تىركەلگەن ءونىم ءتىزىمىن كورسەتە وتىرىپ, مەملەكەتتىك تىركەۋ كەزىندە ءۇش جىلدان كەشىكتىرمەن جىلعا دەيىن جۇرگىزىلگەن ءوندىرىس شارتتارىن باعالاۋ ناتيجەلەرىن تانۋ;
2) قر GMP, ەو GMP, اقش GMP تالاپتارىنا سايكەس وندىرىلمەگەن دارىلىك زاتتاردىڭ ءاربىر سەرياسىنىڭ (پارتيا) قاۋىپسىزدىگى مەن ساپاسىن باعالاۋ;
3) وسى تارماقتىڭ 1) تارماقشاسىنا سايكەس قاۋىپسىزدىگى مەن ساپاسى سەريالىق باعالاۋدان وتپەگەن دارىلىك زاتتاردىڭ ءاربىر سەرياسىنىڭ (پارتيا) قاۋىپسىزدىگى مەن ساپاسىن باعالاۋدى جۇرگىزۋ.
10. وسى قاعيدالارعا 1-قوسىمشادا كورسەتىلگەن مەديتسينالىق ماقساتتاعى بۇيىمداردىڭ قاۋىپسىزدىگى مەن ساپاسىن باعالاۋ مىنا ادىستەردىڭ ءبىرىن جۇرگىزۋ ارقىلى جۇزەگە اسىرىلادى:
1) ISO EN 13485 حالىقارالىق ستاندارتىنىڭ تالاپتارىنا سايكەس وندىرىلگەن مەديتسينالىق ماقساتتاعى بۇيىمداردىڭ قاۋىپسىزدىگى مەن ساپاسىن سەريالىق باعالاۋ نەمەسە ءوندىرىستى باعالاۋعا تارتىلعان وندىرىستىك جەلىدە قازاقستان رەسپۋبليكاسىندا تىركەلگەن ءونىم ءتىزىمىن كورسەتە وتىرىپ, مەملەكەتتىك تىركەۋ كەزىندە ءۇش جىلدان كەشىكتىرمەن جىلعا دەيىن جۇرگىزىلگەن ءوندىرىس شارتتارىن باعالاۋ ناتيجەلەرىن تانۋ;
2) ISO EN 13485 حالىقارالىق ستاندارتىنىڭ تالاپتارىنا سايكەس وندىرىلمەگەن مەديتسينالىق ماقساتتاعى بۇيىمداردىڭ ءاربىر سەرياسىنىڭ (پارتياسىنىڭ) قاۋىپسىزدىگى مەن ساپاسىن باعالاۋ;
3) وسى تارماقتىڭ 1) تارماقشاسىنا سايكەس قاۋىپسىزدىگى مەن ساپاسى سەريالىق باعالاۋدان وتپەگەن مەديتسينالىق ماقساتتاعى بۇيىمداردىڭ ءاربىر سەرياسىنىڭ (پارتياسىنىڭ) قاۋىپسىزدىگى مەن ساپاسىن باعالاۋ جۇرگىزۋ.
مەديتسينالىق ماقساتتاعى بۇيىمداردىڭ قاۋىپسىزدىگى مەن ساپاسىن باعالاۋ ءادىسىن 1-قوسىمشاعا سايكەس ءوتىنىش بەرۋشى تاڭدايدى.
11. ءونىم قاۋىپسىزدىگى مەن ساپاسىن باعالاۋ مەملەكەتتىك تىركەۋ كەزىندە ءوندىرۋشى بەرگەن نەمەسە ۇسىنعان نورماتيۆتىك قۇجاتقا سايكەستىگىنە جۇزەگە اسىرىلادى.
12. دارىلىك زاتتاردىڭ قاۋىپسىزدىگى مەن ساپاسىن باعالاۋعا GMP جاعدايىندا وندىرىلگەن يممۋنوبيولوگيالىق جانە ورفاندىق پرەپاراتتاردى قوسپاعاندا, مىنالار جاتادى:
1) قاۋىپسىزدىك پەن ساپاعا باعالاۋ جۇرگىزۋگە ءوتىنىمدى وسى قاعيدالارعا 1-قوسىمشاعا سايكەس نىسانى بويىنشا ۇسىنۋ;
2) قاۋىپسىزدىك پەن ساپاعا باعالاۋ جۇمىستارىن جۇرگىزۋگە ارنالعان شارتتى جاساسۋ;
3) ءونىم ۇلگىلەرىن ىرىكتەۋ;
4) ءونىم ۇلگىلەرىن سىناۋ;
5) ءوندىرىستى باعالاۋ (سەريالىق باعالاۋ جاعدايىندا) نەمەسە ءوندىرىستى باعالاۋعا ۇشىراعان وندىرىستىك جەلىدە (الاڭدا), قازاقستان رەسپۋبليكاسىندا تىركەلگەن ءونىم ءتىزىمىن كورسەتە وتىرىپ 3 جىلدان كەم ەمەس مەرزىمىندە مەملەكەتتىك تىركەۋ جۇرگىزىلگەن ءوندىرىس شارتتارىن باعالاۋ ناتيجەلەرىن تانۋ;
6) قاۋىپسىزدىك پەن ساپا تۋرالى قورىتىندىنى تىزىلىمدە تىركەۋ;
7) ءوتىنىش بەرۋشىگە ءونىم قاۋىپسىزدىگى مەن ساپاسى تۋرالى قورىتىندىنى بەرۋ;
8) قاۋىپسىزدىك پەن ساپانى سەريالىق باعالاۋ جاعدايىندا سىناقتار جۇرگىزۋ ءۇشىن نارىقتا ۇلگىلەردى ەكى جىلدا ءبىر رەت ىرىكتەۋدى جۇزەگە اسىرۋ.
13. GMP جاعدايىندا وندىرىلگەن وسى قاعيدالارعا 1-قوسىمشادا كورسەتىلمەگەن يممۋنوبيولوگيالىق, ورفاندىق پرەپاراتتاردى, مەديتسينالىق ماقساتتاعى بۇيىمداردىڭ قاۋىپسىزدىگى مەن ساپاسىن باعالاۋ ءراسىمى مىنالاردى:
1) قاۋىپسىزدىك پەن ساپاعا باعالاۋ جۇرگىزۋگە ءوتىنىمدى وسى قاعيدالارعا 1-قوسىمشاعا سايكەس نىسانى بويىنشا ۇسىنۋ;
2) قاۋىپسىزدىك پەن ساپاعا باعالاۋ جۇمىستارىن جۇرگىزۋگە ارنالعان شارتتى جاساسۋ;
3) وسى قاعيدانىڭ 16-تارماعىندا كورسەتىلگەن قۇجاتتاردى باعالاۋ;
4) نورماتيۆتىك قۇجاتتاردىڭ كورسەتكىشتەرى بويىنشا: «سيپاتتاماسى», «قاپتاماسى», «تاڭبالانۋى» (دارىلىك زاتتاردىڭ ۇلگىلەرىن كەيىننەن كەرى قايتارۋمەن), مەديتسينالىق ماقساتتاعى بۇيىمدار ءۇشىن - مەديتسينالىق ماقساتتاعى بۇيىمداردىڭ بەتكى جاعىنىڭ, ىشكى جاعىنىڭ, جان-جاعىنىڭ, ۇستىڭگى جانە استىڭعى جاعىنىڭ سكانەرلەنگەن بەينەلەرىن باعالاۋ;
5) قورىتىندى تىزىلىمىندە قاۋىپسىزدىك پەن ساپا تۋرالى قورىتىندىنى تىركەۋ;
6) ءوتىنىش بەرۋشىگە ءونىمنىڭ قاۋىپسىزدىگى مەن ساپاسى تۋرالى قورىتىندى بەرۋدى قامتيدى.
14. قاۋىپسىزدىك پەن ساپانى باعالاۋ ءوتىنىمدى 30 جۇمىس كۇنىنەن اسپايتىن مەرزىمدە جۇرگىزىلەدى.
1-پاراگراف. قاۋىپسىزدىك پەن ساپانى باعالاۋدى جۇرگىزۋگە ءوتىنىم بەرۋ جانە شارت جاساسۋ ءتارتىبى
15. ءوتىنىش بەرۋشى ساراپتاما ۇيىمىنا ءونىمنىڭ قاۋىپسىزدىگى مەن ساپاسىنا باعالاۋ جۇرگىزۋگە وسى قاعيدالارعا 2-قوسىمشاعا سايكەس نىسان بويىنشا ءوتىنىم ۇسىنادى, جانە ساراپتاۋ ۇيىممەن ەكى دانادا ءونىمنىڭ قاۋىپسىزدىگى مەن ساپاسىنا باعالاۋ جۇرگىزۋگە شارتقا وتىرادى.
16. ءونىمنىڭ سەرياسىن (پارتياسىن) باعالاۋ كەزىندە وتىنىمگە:
1) رۇقساتتار مەن حابارلامالار تۋرالى قازاقستان رەسپۋبليكاسىنىڭ زاڭناماسىنا سايكەس ءتيىستى قوسىمشاسى بار فارماتسەۆتيكالىق قىزمەتكە ليتسەنزياسىنىڭ نەمەسە قىزمەتى تۋرالى حابارلامانىڭ, شەتەلدىك وكىلدىكتەر ءۇشىن - ەسەپكە الۋعا تىركەۋ تۋرالى كۋالىكتىڭ. سالىستىرۋ ءۇشىن ءوتىنىش بەرۋشىگە قايتارىلاتىن تۇپنۇسقا ۇسىنىلادى (ساراپتاما ۇيىمنىڭ دەرەكقورىنا قوسا وتىرىپ ءبىر رەت ۇسىنىلادى);
2) ءوندىرۋشىنىڭ ساپا سەرتيفيكاتىنىڭ;
3) وندىرىلگەن جانە اكەلىنەتىن دارىلىك زاتتاردىڭ, مەديتسينالىق ماقساتتاعى بۇيىمداردىڭ نورماتيۆتىك قۇجاتىنىڭ (قاجەت بولعان جاعدايدا);
4) ءونىمنىڭ شىعۋ تەگىن, شىعۋ سەرتيفيكاتىن راستايتىن قۇجاتتاردىڭ (اكەلۋ كەزىندە, دارىلىك زاتتاردىڭ, مەديتسينالىق ماقساتتاعى بۇيىمداردىڭ پارتيالارى ءۇشىن);
5) جۇكقۇجاتتىڭ, شوت-فاكتۋرانىڭ نەمەسە ينۆويستىڭ ء(ونىمنىڭ پارتيالارى ءۇشىن);
6) ونىمدەر دەكلاراتسياسىنىڭ (اكەلۋ كەزىندە, پارتيالارى ءۇشىن);
7) ءوندىرۋشىنىڭ باعاسىن كورسەتە وتىرىپ (اكەلۋ كەزىندە) جەتكىزۋگە ارنالعان كەلىسىمشارتتىڭ نەمەسە شارتتىڭ;
8) وتىنىمدە كورسەتىلگەن وتكىزۋگە دايىن دارىلىك زاتتاردىڭ, مەديتسينالىق ماقساتتاعى بۇيىمداردىڭ بار بولۋى تۋرالى انىقتامانىڭ (تەك قازاقستان رەسپۋبليكاسىنىڭ اۋماعىندا وندىرىلگەن دارىلىك زاتتاردى مەديتسينالىق ماقساتتاعى بۇيىمداردى وندىرۋشىلەر ءۇشىن, پارتيالار ءۇشىن) كوشىرمەلەرى ۇسىنىلادى.
17. ءونىمنىڭ قاۋىپسىزدىگى مەن ساپاسىن سەريالىق باعالاۋ كەزىندە وتىنىمگە تىركەلەدى:
1) رۇقساتتار مەن حابارلامالار تۋرالى قازاقستان رەسپۋبليكاسىنىڭ زاڭناماسىنا سايكەس ءتيىستى قوسىمشاسى بار فارماتسەۆتيكالىق قىزمەتكە ليتسەنزياسىنىڭ نەمەسە قىزمەتى تۋرالى حابارلامانىڭ, شەتەلدىك وكىلدىكتەر ءۇشىن - ەسەپكە الۋعا تىركەۋ تۋرالى كۋالىگىنىڭ كوشىرمەسى;
2) ءونىمدى جەتكىزۋدىڭ ۇزاق مەرزىمدى كەلىسىمشارتتارىنىڭ بولۋى تۋرالى نەمەسە ولاردىڭ وتاندىق وندىرۋشىلەردەن باسقا, جەكە كەلىسىمشارتتار بويىنشا تۇراقتى جەتكىزۋ تۋرالى انىقتاما;
3) ءوندىرۋشى-كاسىپورىن تۋرالى اقپارات («site master file») (دارىلىك زاتتارعا ارنالعان وندىرىستىك الاڭنىڭ ماستەر فايل سايتى), مەديتسينالىق ماقساتتاعى بۇيىمدار ءۇشىن ءوندىرۋشى (دايىنداۋشى) تۋرالى مالىمەتتەر; اتاۋى, قىزمەت ءتۇرى, زاڭدى مەكەنجايى, مەنشىك ءتۇرى, باسشىلىق قۇرامى, مارتەبەسى مەن وكىلەتتىگى كورسەتىلگەن بولىمشەلەر مەن ەنشىلەس كومپانيالاردىڭ ءتىزىمى.
18. ءوتىنىش بەرۋشى قۇجاتتاردىڭ تولىق جيناعىن ۇسىنعان كەزدە ءوتىنىمدى رەسىمدەۋ جانە ءونىمنىڭ قاۋىپسىزدىگى مەن ساپاسىنا باعالاۋ جۇرگىزۋ ءۇشىن شارت جاساسۋ ءوتىنىش بەرگەن كۇنىنەن باستاپ ەكى جۇمىس كۇنى ىشىندە جۇزەگە اسىرىلادى.
2-پاراگراف. قاۋىپسىزدىك پەن ساپاعا سەريالىق باعالاۋ جۇرگىزۋ ءتارتىبى
19. قاۋىپسىزدىك پەن ساپاعا سەريالىق باعالاۋ جۇرگىزۋ كەزىندە:
1) شىعارىلاتىن ءونىمنىڭ بەلگىلەنگەن تارتىپكە سايكەستىگىن قامتاماسىز ەتۋ ءۇشىن قاجەتتى جاعدايدىڭ بولۋىن انىقتاۋ ماقساتىندا ءوندىرىس جاعدايىنا جانە ساپانى قامتاماسىز ەتۋ جۇيەسىنە باعالاۋ;
2) ءونىم ۇلگىلەرىنە سىناۋ جۇرگىزىلەدى.
20. ءوندىرىستىڭ جاعدايى مەن ساپانى قامتاماسىز ەتۋ جۇيەسىن باعالاۋدى ساراپتاما ۇيىم تاعايىنداعان كوميسسيا جۇرگىزەدى.
21. دارىلىك زاتتار ءوندىرىسىنىڭ جاعدايى مەن ساپاسىن قامتاماسىز ەتۋ جۇيەسىن باعالاۋ قر GMP, ەو GMP, اقش GMP تالاپتارىنا سايكەس, مەديتسينالىق ماقساتتاعى بۇيىمداردى ناقتى ISO EN 13485 حالىقارالىق ستاندارتىنا تالاپتارىنا سايكەستىككە نەمەسە ءبىر تەكتى ءونىم وندىرۋگە قولدانۋعا ازىرلەنگەن ساراپتاما ۇيىمىنىڭ باسشىسى بەكىتكەن باعدارلاما بويىنشا جۇرگىزىلەدى.
باعدارلاما تەكسەرىلەتىن سۇراقتار تىزبەسىنەن تۇرادى.
22. ءونىم ۇلگىلەرىنە سىناقتارى ساراپتاما ۇيىمىنىڭ ماماندارىمەن, ساراپتاما ۇيىمىنىڭ اككرەديتتەلگەن سىناق زەرتحانالارىندا نەمەسە ەگەر نورماتيۆتىك قۇجاتتارمەن ۇلكەن قاراجات شىعىنىنا, تاسىمالداۋى قيىن ونىمدەرگە, سىناقتاردىڭ كۇردەلىلىگىنە, ۇلگىلەردىڭ قىمبات باعاسىنا بايلانىستى سىناقتار انىقتالعان جاعدايدا سىناق وندىرىستە جۇرگىزىلەدى.
اتالعان شارتتار تاپسىرىس بەرۋشى مەن ساراپتاما ۇيىم اراسىندا قاۋىپسىزدىك پەن ساپاعا سەريالىق باعالاۋ جۇرگىزۋ شارتىندا بەلگىلەنەدى.
23. ءوندىرىس جاعدايلارىنا جانە ساپانى قامتاماسىز ەتۋ جۇيەسىنە باعالاۋدىڭ اياقتالۋى بويىنشا وسى قاعيدالارعا 3-قوسىمشاعا سايكەس ءۇش دانادا ءوندىرىس جاعدايلارىنا جانە ساپانى قامتاماسىز ەتۋ جۇيەسىنە باعالاۋ ەسەبى قۇرىلادى, ونىڭ ىشىندە: ءبىرىنشىسى - مەملەكەتتىك ورگانعا, ەكىنشىسى - ساراپتاما ۇيىمىنا, ءۇشىنشىسى - ءوندىرۋشى-ۇيىمعا جىبەرىلەدى.
24. ءوندىرىس جاعدايلارىن باعالاۋدىڭ ناتيجەلەرى جانە ىرىكتەلگەن ونىمگە جۇرگىزىلگەن سىناق ناتيجەلەرى بويىنشا ءۇش جىل مەرزىمگە ءونىمنىڭ قاۋىپسىزدىگى مەن ساپاسى تۋرالى قورىتىندى بەرۋدەن نەمەسە ءونىمنىڭ قاۋىپسىزدىگى مەن ساپاسى تۋرالى قورىتىندى بەرۋدەن باس تارتۋ شەشىم شىعارىلادى.
قاۋىپسىزدىك پەن ساپانى سەريالىق باعالاۋ كەزىندە مەملەكەتتىك ورگان ساراپتاما ۇيىممەن جانە ءوتىنىش بەرۋشىمەن ءوتىنىش بەرۋشى مەن ساراپتاما ۇيىمى اراسىنداعى شارتتىڭ جاعدايلارىنا سايكەس قازاقستان رەسپۋبليكاسىنىڭ نارىعىنان قاۋىپسىزدىك پەن ساپاعا سىناق جۇرگىزۋ ءۇشىن ەكى جىلدا ءبىر رەت ۇلگىلەردى الۋدى جۇزەگە اسىرادى.
25. ءوندىرىس شارتتارىن جانە ساپانى قامتاماسىز ەتۋ جۇيەسىن نەمەسە سىناق ناتيجەلەرىن باعالاۋدىڭ تەرىس ناتيجەسى جاعدايىندا ساراپتاما ۇيىم كۇنتىزبەلىك ون كۇننەن اسپايتىن مەرزىمدە ءوتىنىش بەرۋشىگە جازباشا حابارلايدى.
3-پاراگراف. ءاربىر سەريانىڭ (پارتيانىڭ) قاۋىپسىزدىگى مەن ساپاسىن باعالاۋدى جۇرگىزۋ ءتارتىبى
26. ءونىمنىڭ ءاربىر سەرياسىنىڭ (پارتياسىنىڭ) قاۋىپسىزدىگى مەن ساپاسىن باعالاۋ ءونىم ۇلگىلەرىنىڭ سىنامالارىن جۇرگىزۋ جولىمەن نورماتيۆتىك قۇجاتتىڭ بارلىق كورسەتكىشتەرى بويىنشا جۇزەگە اسىرىلادى.
نارىقتا بولعان ءۇش جىل ىشىندە جارنامالاۋدىڭ بولماۋى كەزىندە ءونىمنىڭ ءاربىر سەرياسىنىڭ (پارتياسىنىڭ) قاۋىپسىزدىگى مەن ساپاسىن باعالاۋ وسى قاعيدالارعا 4-قوسىمشاعا سايكەس قاۋىپسىزدىك پەن ساپانى باقىلاۋ بويىنشا تىركەلگەن دارىلىك زاتتاردىڭ قاۋىپسىزدىگى مەن ساپاسىنا باعالاۋ جۇرگىزۋ كەزىندە نورماتيۆتىك قۇجات كورسەتكىشتەرىنىڭ تىزبەسىنە سايكەس جۇزەگە اسىرىلادى.
نورماتيۆتىك قۇجاتتىڭ جەكە كورسەتكىشتەرىمەن جۇزەگە اسىرىلادى.
27. ءبىر سەريالى جانە بىرنەشە ءوتىنىش بەرۋشىلەردىڭ كەدەندىك تازالاۋ جۇرگىزۋىنە ارنالعان ءونىم پارتيالارى كەدەندىك قويماعا تۇسكەن جاعدايدا سىنامالاردى ىرىكتەۋ قاۋىپسىزدىك پەن ساپانى باعالاۋعا ءوتىنىم بەرگەن ءبىرىنشى ءوتىنىش بەرۋشىنىڭ ونىمىنە سىنامانى ىرىكتەۋ جانە سىناق جۇرگىزىلەدى. ءبىرىنشى قورىتىندى بەرىلگەننەن كەيىن ون ەكى اي ىشىندە قاۋىپسىزدىك پەن ساپانى باعالاۋعا ءوتىنىم بەرگەن كەيىنگى ءوتىنىش بەرۋشىلەرگە ءونىم ۇلگىلەرىنە سىناق جۇرگىزۋسىز قورىتىندى قاۋىپسىزدىگى مەن ساپاسىنا باعالاۋ جۇرگىزۋگە ءوتىنىمدى ۇسىنۋ ساتىنەن باستاپ 10 جۇمىس كۇنىنەن اسپايتىن مەرزىمدە بەرىلەدى.
4-پاراگراف. ۇلگىلەردى ىرىكتەۋ
28. قاۋىپسىزدىك پەن ساپانى باعالاۋعا ارنالعان ۇلگىلەردى ىرىكتەۋ قازاقستان رەسپۋبليكاسى اۋماعىندا قولدانىلاتىن فارماكوپەيالاردىڭ تالاپتارى ەسكەرىلە وتىرىپ, ءوتىنىمدى جانە ناقتى ءونىمنىڭ نورماتيۆتىك قۇجاتىن رەسىمدەگەننەن كەيىن ەكى جۇمىس كۇنى ىشىندە جۇرگىزىلەدى.
29. سىنامالاردى ىرىكتەۋدى ساراپتاما ۇيىمنىڭ ماماندارى كوتەرمە قويمادا, ءوندىرۋشىنىڭ دايىن ءونىمى قويماسىندا, كەدەندىك تەرمينال ءۇي-جايلارىندا نەمەسە ۋاقىتشا ساقتاۋ قويمالارىندا ءوتىنىش بەرۋشىنىڭ قاتىسۋىمەن جۇرگىزەدى. ساقتاۋ شارتتارى نورماتيۆتىك قۇجاتتىڭ تالاپتارىنا سايكەس بولۋى ءتيىس.
ءوتىنىش بەرۋشىنىڭ اكىمشىلىك اۋماعىندا ساراپتاما ۇيىمنىڭ اۋماقتىق بولىمشەلەرى بولماعان جاعدايدا ۇلگىلەردى ىرىكتەۋدى ۋاكىلەتتى ورگاننىڭ اۋماقتىق دەپارتامەنتتەرىنىڭ وكىلدەرى ءوتىنىش بەرۋشىنىڭ قاتىسۋىمەن جۇزەگە اسىرادى.
وسى قاعيدالارعا 5-قوسىمشاعا سايكەس نىسان بويىنشا ۇلگىلەردى ىرىكتەۋ اكتىسى جاسالادى.
ۇلگىلەردى ساراپتاما ۇيىمىنا جونەلتۋدى ساراپتاما ۇيىمى جۇزەگە اسىرادى.
30. ۇلگىلەر نورماتيۆتىك قۇجاتتا قاراستىرىلعان كورسەتكىشتەر بويىنشا ءبىر رەتتىك سىناقتار جۇرگىزۋ ءۇشىن قاجەتتى مولشەردە ۇسىنىلادى.
31. ىرىكتەلگەن ۇلگىلەردى نەگىزگى ونىمنەن وقشاۋلايدى, قاپتايدى, سۇرىپتاۋ ورنىندا مورلەيدى.
32. سىناقتارعا ارنالعان ۇلگىلەردى ىرىكتەۋمەن ءبىر ۋاقىتتا باقىلاۋ ۇلگىلەرىنە ىرىكتەۋ جۇرگىزىلەدى. باقىلاۋ ۇلگىلەرى ساراپتاما ۇيىمدا نەمەسە ءوتىنىش بەرۋشىدە ساقتالادى, بۇل تۋرالى ءونىمنىڭ جارامدىلىق مەرزىمى نەمەسە قاۋىپسىزدىگى مەن ساپاسى تۋرالى قورىتىندىنىڭ قولدانىلۋ مەرزىمى وتكەنگە دەيىن قاۋىپسىزدىك پەن ساپاعا باعالاۋ جۇرگىزۋ شارتىندا جانە ۇلگىلەردى ىرىكتەۋ اكتىسىندە كورسەتىلەدى.
33. ءونىمدى سايكەستەندىرۋ:
1) ءونىمنىڭ سەرياسىنىڭ (پارتياسىن) سيپاتتايتىن قۇجاتتاردى تالداۋ (قازاقستان رەسپۋبليكاسىندا تىركەۋ, تاۋار تاسىمالىنىڭ جۇكقۇجاتى, شوت-فاكتۋرا نەمەسە ينۆويس, ساپا سەرتيفيكاتى, تاۋار دەكلاراتسياسى, جەتكىزۋ شارتى, كەلىسىمشارتى, شىعۋ تەگىنىڭ سەرتيفيكاتى, شتريح كودى, ىرىكتەلگەن سەريالاردىڭ ءنومىرى جانە ت.ب.);
2) ىلەسپە قۇجاتتامادا ءتيىستى ءنومىرلى ۇلگىلەردەگى سەريالاردىڭ بىردەي بولۋى;
3) ىرىكتەلگەن ۇلگىلەردىڭ ءوندىرۋشى ونىمىنە تيىستىلىگى;
4) تاسىمالداۋ جانە ساقتاۋ شارتتارىن ورىنداۋ نەگىزىندە جۇزەگە اسىرىلادى.
5-پاراگراف. ءونىم ۇلگىلەرىنە سىناق جۇرگىزۋ ءتارتىبى
34. سىناقتار جۇرگىزۋگە ارنالعان كورسەتكىشتەر تىزبەسى نورماتيۆتىك قۇجاتتار نەگىزىندە ايقىندالادى.
سىناقتاردىڭ مەرزىمى نورماتيۆتىك قۇجاتتارداعى سىناق ادىستەمەلەرىندە قاراستىرىلعان.
ەگەر سىناق مەرزىمدەرى نورماتيۆتىك قۇجاتتاردا كوزدەلمەگەن جاعدايدا, وندا سىناقتار قاۋىپسىزدىگى مەن ساپاسىن باعالاۋ ءۇشىن ۇلگىلەردىڭ سىنامالارى ىرىكتەلگەن ساتتەن باستاپ كۇنتىزبەلىك 20 جۇمىس كۇنى ىشىندە جۇرگىزىلەدى.
35. سىناق ناتيجەلەرى وسى قاعيدالارعا 6-قوسىمشاعا سايكەس نىسان بويىنشا سىناقتار تۋرالى حاتتامامەن رەسىمدەلەدى.
6-پاراگراف. قاۋىپسىزدىك پەن ساپا تۋرالى قورىتىندىنى (كوشىرمەسى مەن تەلنۇسقاسىن)
تىركەۋ جانە بەرۋ ءتارتىبى
36. قاۋىپسىزدىك پەن ساپانى باعالاۋعا بايلانىستى جۇرگىزىلگەن جۇمىستاردىڭ ناتيجەلەرىن العاننان كەيىن ساراپتاما ۇيىم ەكى جۇمىس كۇنى ىشىندە وسى قاعيدالارعا 7-قوسىمشاعا سايكەس نىسان بويىنشا قاۋىپسىزدىك پەن ساپا تۋرالى قورىتىندىنى رەسىمدەيدى جانە ونى قاۋىپسىزدىك پەن ساپا تۋرالى بەرىلگەن, توقتاتىلعان, كەرى قايتارىلعان, ۇزارتىلعان قورىتىندىلاردىڭ تىزىلىمىنە تىركەيدى.
37. ءونىمنىڭ قاۋىپسىزدىگى مەن ساپاسىن باعالاۋدىڭ تەرىس ناتيجەلەرى كەزىندە ساراپتاما ۇيىمى وسى قاعيدالارعا 8-قوسىمشاعا سايكەس نىسان بويىنشا سەبەپتەرىن كورسەتە وتىرىپ, قاۋىپسىزدىك پەن ساپا تۋرالى قورىتىندىنى سىناقتار حاتتاماسىن العاننان كەيىن ەكى جۇمىس كۇنى ىشىندە بەرۋدەن باس تارتۋدى رەسىمدەيدى.
38. قاۋىپسىزدىك پەن ساپا تۋرالى قورىتىندىنىڭ, ەگەر ناقتىلاۋ تالاپ ەتىلسە, ونىڭ قولدانىسىنا تارالاتىن ناقتى ءونىمنىڭ تىزبەسىنەن تۇراتىن وسى قاعيدالارعا 9-قوسىمشاعا سايكەس نىسان بويىنشا قاۋىپسىزدىك پەن ساپا تۋرالى قورىستىندىنىڭ قوسىمشاسى بولۋى مۇمكىن:
1) ءبىر ءوندىرۋشى شىعاراتىن جانە ءبىر تالاپتارمەن باعالانعان بىرتەكتى ءونىم توپتارى;
2) قاۋىپسىزدىك پەن ساپا تۋرالى قورىتىندىدا كورسەتىلگەن بۇيىمدارعا تەحنيكالىق قىزمەت كورسەتۋ جانە جوندەۋ ءۇشىن قولدانىلاتىن قۇراما بولىكتەردىڭ جيىنتىعى جانە (نەمەسە) قوسالقى بولىكتەر بۇيىمدارى.
39. قاۋىپسىزدىك پەن ساپا تۋرالى قورىتىندىعا ساراپتاما ۇيىمى باسشىسىنىڭ بۇيرىعىمەن بەلگىلەنگەن ۋاكىلەتتى تۇلعالار قول قويادى.
40. قاۋىپسىزدىك پەن ساپا تۋرالى قورىتىندىنىڭ قولدانىلۋ مەرزىمى ءۇش جىلدان اسپايتىن ءاربىر سەريانى (پارتيانى) باعالاۋ كەزىندە جارامدىلىق مەرزىمى اياقتالعانعا دەيىن بەلگىلەنەدى.
41. ءونىمنىڭ جارامدىلىق مەرزىمى اياقتالعانعا دەيىن قاۋىپسىزدىگى مەن ساپاسى تۋرالى قورىتىندىنىڭ قولدانىلۋ مەرزىمىن, بىراق ءۇش جىلدان اسپايتىن مەرزىمگە ۇزارتۋعا بولادى.
قاۋىپسىزدىك پەن ساپا تۋرالى قورىتىندىنىڭ قولدانىلۋ مەرزىمىن ۇزارتۋ مىناداي تاسىلدەردىڭ بىرىمەن:
1) «قولدانىلۋ مەرزىمى ______ دەيىن ۇزارتىلدى» دەگەن جازۋدى ەنگىزۋ ارقىلى قورىتىندى باعانىنان سولعا قاراي «____دەيىن جارامدى», ول ۋاكىلەتتى تۇلعالاردىڭ قولىمەن جانە ساراپتاما ۇيىمىنىڭ مورىمەن كۋالاندىرىلادى;
2) قاۋىپسىزدىك پەن ساپا تۋرالى قورىتىندىنىڭ قولدانىلۋ مەرزىمى وتكەننەن كەيىن بۇرىنعى تىركەۋ نومىرىمەن جانە ءونىمنىڭ نومەنكلاتۋراسىن جانە ونىڭ سانىن, سونداي-اق باستاپقى تىركەۋ كۇنىن كورسەتە وتىرىپ, قاۋىپسىزدىك پەن ساپا تۋرالى جاڭا قورىتىندى بەرۋ جولىمەن رەسىمدەلۋى مۇمكىن.
ساراپتاما ۇيىمى قاۋىپسىزدىك پەن ساپا تۋرالى ۇزارتىلعان قورىتىندىنىڭ ەسەبىن جۇرگىزەدى.
42. قاۋىپسىزدىك پەن ساپانى سەريالىق باعالاۋ ونىمىنە بەرىلگەن قاۋىپسىزدىك پەن ساپا تۋرالى قورىتىندىنىڭ قولدانىلۋ مەرزىمى وتكەن جاعدايدا, قاۋىپسىزدىك پەن ساپا تۋرالى قورىتىندىنىڭ قولدانىلۋ كەزەڭىندە اكەلىنگەن نەمەسە وندىرىلگەن جاعدايدا, نارىقتا بولسا ونىڭ قولدانىلۋى, ونى ساقتاۋ شارتتارىنىڭ ساقتالۋىنىڭ بار بولۋى كەزىندە ءونىمنىڭ بارلىق جارامدىلىق مەرزىمى ءۇش جىلدان اسپايتىن مەرزىمگە ۇزارتىلادى.
43. قاۋىپسىزدىك پەن ساپا تۋرالى قورىتىندىنىڭ تۇپنۇسقاسى ءوتىنىش بەرۋشىگە بەرىلەدى, ول قولدانىلۋ مەرزىمىندە قوسىمشا تاعى ءبىر جىل ساقتالادى. بەرىلگەن قورىتىندىلار تۋرالى مالىمەت دارىلىك زاتتار, مەديتسينالىق ماقساتتاعى بۇيىمدار جانە مەديتسينالىق تەحنيكانىڭ اينالىسىنىڭ بارلىق سۋبەكتىلەرى ءۇشىن اقپارات الۋعا قولجەتىمدى بىرىڭعاي دەرەكقور بازاسىنا ەنگىزىلەدى.
ءوتىنىش بەرۋشىنىڭ تالابى بويىنشا ءونىمدى الىپ ءجۇرۋ نەمەسە ءونىمدى تۇتىنۋشىعا ۇسىنۋ ءۇشىن وسى قاعيدالارعا 10-قوسىمشاعا سايكەس بەلگىلەنگەن نىسان بويىنشا ءونىمنىڭ قاۋىپسىزدىگى جانە ساپاسى تۋرالى قورىتىندىنىڭ كوشىرمەسى بەرىلەدى.
ءونىمدى وتكىزۋ كەزىندە قاۋىپسىزدىك پەن ساپا تۋرالى بەرىلگەن قورىتىندى تۋرالى مالىمەتتى جەتكىزۋشى قورىتىندى كوشىرمەلەرىن قوسپاي-اق ىلەسپە قۇجاتتا كورسەتەدى.
44. قاۋىپسىزدىك پەن ساپانى باعالاۋ بويىنشا قۇجاتتار قۇپيا تالاپتارىنىڭ ساقتالۋىنا جانە ورىندالۋىنا كەپىلدىك بەرەتىن شارت بويىنشا 3 جىل ىشىندە ساراپتاما ۇيىمىندا ساقتالادى, ساقتاۋ مەرزىمى وتكەننەن كەيىن جويىلادى.
45. قاۋىپسىزدىك پەن ساپا تۋرالى قورىتىندىنىڭ كوشىرمەلەرى بەكىتىلگەن ۇلگىدەگى بلانكىدە رەسىمدەلەرى, ۋاكىلەتتى تۇلعالاردىڭ قولىمەن جانە ساراپتاما ۇيىمنىڭ مورىمەن كۋالاندىرىلادى.
46. قاۋىپسىزدىك پەن ساپا تۋرالى قورىتىندىنىڭ تەلنۇسقاسىن بەرۋدى ءوتىنىش بەرۋشى قورىتىندىنىڭ تۇپنۇسقاسىن جوعالتقان (بۇلدىرگەن) جاعدايدا ساراپتاما ۇيىمى جۇزەگە اسىرادى. بۇل جاعدايدا ءوتىنىش بەرۋشى جوعالتۋ ء(ب ۇلىنۋ) سەبەپتەرىن كورسەتە وتىرىپ, ەركىن تۇردە ءوتىنىش جىبەرەدى.
قاۋىپسىزدىك پەن ساپا تۋرالى قورىتىندىنىڭ تەلنۇسقاسى تۇپنۇسقاداعىداي نومىرمەن تىركەلەدى, تۇپنۇسقا مەن تەلنۇسقانىڭ بەرىلگەن كۇنى كورسەتىلەدى, سونداي-اق بلانكىنىڭ جوعارعى وڭ بۇرىشىندا «تەلنۇسقا» دەگەن ءمورتابان قويىلادى.
تەلنۇسقانى بەرۋ ءوتىنىش بەرۋشى جۇگىنگەن ساتتەن باستاپ 2 جۇمىس كۇننىڭ ىشىندە جۇزەگە اسىرىلادى.
7-پاراگراف. قاۋىپسىزدىك پەن ساپا تۋرالى قورىتىندىنىڭ ەسەبى
47. ساراپتاما ۇيىمى:
1) قاۋىپسىزدىك پەن ساپا تۋرالى قورىتىندى بلانكىلەرىنىڭ ەسەبىن;
2) قاۋىپسىزدىك پەن ساپا تۋرالى بەرىلگەن, توقتاتىلعان, كەرى قايتارىلعان, ۇزارتىلعان قورىتىندىلاردىڭ ءتىزىلىمى مەن ەلەكتروندىق دەرەكقورىن;
3) قاۋىپسىزدىك پەن ساپا تۋرالى قورىتىندىلاردى بەرۋدەن باس تارتۋ تۋرالى ءتىزىلىمى جانە ەلەكتروندىق دەرەكقورلارىن;
4) قاۋىپسىزدىك پەن ساپا تۋرالى بەرىلگەن قورىتىندىلارى كوشىرمەلەرىنىڭ ەلەكتروندىق دەرەكقورلارىن;
5) قاۋىپسىزدىك پەن ساپا تۋرالى بەرىلگەن قورىتىندىلارى تەلنۇسقالارىنىڭ ەلەكتروندىق دەرەكقورلارىن جۇرگىزەدى.
3. قاۋىپسىزدىك پەن ساپا تۋرالى قورىتىندىنى توقتاتا تۇرۋ نەمەسە كەرى قايتارۋ
48. قاۋىپسىزدىك پەن ساپا تۋرالى قورىتىندى ۋاكىلەتتى ورگاننىڭ شەشىمى نەمەسە تىركەۋ كۋالىگى يەسىنىڭ باستاماسى بويىنشا «دارىلىك زاتتاردىڭ, مەديتسينالىق ماقساتتاعى بۇيىمدار مەن مەديتسينالىق تەحنيكانىڭ اينالىسىنا تىيىم سالۋ, ولاردى توقتاتا تۇرۋ نەمەسە اينالىستان الىپ قويۋ قاعيدالارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2011 جىلعى 5 جەلتوقسانداعى №1461 قاۋلىسىندا قاراستىرىلعان جاعدايلاردا كەرى قايتارىلادى نەمەسە توقتاتىلا تۇرادى.
49. ساراپتاما ۇيىمى قاۋىپسىزدىك پەن ساپا تۋرالى قورىتىندىنى توقتاتا تۇرۋ نەمەسە كۇشىن جويۋ تۋرالى شەشىمدى وسى قاعيدالارعا 11-قوسىمشاعا سايكەس نىسان بويىنشا رەسىمدەيدى جانە قاۋىپسىزدىك پەن ساپا تۋرالى بەرىلگەن, توقتاتىلا تۇرعان, قايتارىلعان, ۇزارتىلعان قورىتىندىلاردى ءتيىستى جازبالارى بار تىزىلىمگە ەنگىزەدى.
50. ساراپتاۋما ۇيىمى قاۋىپسىزدىك پەن ساپا تۋرالى قورىتىندىنىڭ قولدانىسىن توقتاتا تۇرۋ نەمەسە كۇشىن جويۋ تۋرالى ءوتىنىش بەرۋشىگە جانە ۋاكىلەتتى ورگانعا جازباشا حابارلايدى.
4. قازاقستان رەسپۋبليكاسىندا تىركەلگەن دارىلىك زاتتاردىڭ, مەديتسينالىق ماقساتتاعى بۇيىمداردىڭ مەملەكەتتىك ورگان كۇماندى دەپ الىپ تاستاعان, ونىڭ ىشىندە جالعان دارىلىك زاتتاردى تابۋعا ارنالعان ۇلگىلەردىڭ قاۋىپسىزدىگى مەن ساپاسىن راستاۋ ءتارتىبى
51. ساراپتاما ۇيىمى جۇرگىزگەن ساراپتاما ناتيجەلەرى بويىنشا مەملەكەتتىك ورگانعا سىناقتار حاتتاماسىن ىلەسپە حاتپەن جانە دارىلىك زاتتاردىڭ, مەديتسينالىق ماقساتتاعى بۇيىمداردىڭ قازاقستان رەسپۋبليكاسى نارىعىندا بولۋىنا قاتىستى شەشىمدەر قابىلداۋ ءۇشىن نورماتيۆتىك قۇجاتتىڭ تالاپتارىنا سايكەستىگى نەمەسە سايكەسسىزدىگى تۋرالى تۇجىرىمدامامەن بىرگە ۇسىنادى.
قازاقستان رەسپۋبليكاسىندا تىركەلگەن دارىلىك زاتتار مەن مەديتسينالىق ماقساتتاعى بۇيىمداردىڭ قاۋىپسىزدىگى مەن ساپاسىنا باعالاۋ جۇرگىزۋ قاعيدالارىنا 1-قوسىمشا
قاۋىپسىزدىك پەن ساپانى مىندەتتى باعالاۋعا جاتاتىن مەديتسينالىق ماقساتتاعى بۇيىمداردىڭ تىزبەسى
1. زارارسىزداندىرىلعان جانە زارارسىزداندىرىلماعان ماقتا, داكە, بينتتەر, سالفەتكالار, تامپوندار, ماتا قيىندىلارى.
2. قۇرامىندا دارىلىك زاتتارى بار زارارسىزداندىرىلعان جانە زاراسىزداندىرىلماعان تاڭعىش ماتەريال.
3. ءبىر رەتتىك جانە كوپ رەتتىك مەديتسينالىق شپريتستەر.
4. شپريتستەرگە ارنالعان ءبىر رەتتىك جانە كوپ رەتتىك مەديتسينالىق ينەلەر, كانيۋليالار, زارارسىزداندىرىلعان كوبەلەك-ينەلەر.
5. ينەسى بار جانە ينەسىز زارارسىزداندىرىلعان جانە زارارسىزداندىرىلماعان تىگىس ماتەريالدارى.
6. قان قۇيۋعا جانە ينفۋزيا تامشىلاتىپ ەنگىزۋ ارنالعان ءبىر رەتتىك جۇيە.
قازاقستان رەسپۋبليكاسىندا تىركەلگەن دارىلىك زاتتار مەن مەديتسينالىق ماقساتتاعى بۇيىمداردىڭ قاۋىپسىزدىگى مەن ساپاسىنا باعالاۋ جۇرگىزۋ قاعيدالارىنا 2-قوسىمشا
نىسان
20___ جىلعى «___»__________
ساراپتاما ۇيىمنىڭ اتاۋى مەن مەكەنجايى
ءونىمنىڭ قاۋىپسىزدىگى مەن ساپاسىنا باعالاۋ جۇرگىزۋگە ءوتىنىم
_____________________________________________________________________________
(مەكەنجايى مەن بانك دەرەكتەمەلەرى كورسەتىلگەن ءوتىنىش بەرۋشىنىڭ اتاۋى)
بۇدان ءارى «ءوتىنىش بەرۋشى» دەپ اتالاتىن,___________________________________ __اتىنان
(لاۋازىمى, ت.ا.ءا.)
________________________________________________________________________________
____________________________________قاۋىپسىزدىگى مەن ساپاسىنا باعالاۋ جۇرگىزۋدى سۇرايدى
(مالىمدەلگەن ءونىمنىڭ تولىق اتاۋى)
________________________________________________________________________________
____________________________________________________بەلگىلەنگەن تالاپتارعا سايكەستىگى
(نورماتيۆتىك قۇجاتتىڭ اتاۋى, ءنومىرى جانە كۇنى)
_________________________________________________________________________________
(قاجەت جاعدايدا تارماقتىڭ ءنومىرىن كورسەتۋ)
_________________________________________________________________________________
وسى وتىنىممەن:
1) ءونىمنىڭ قاۋىپسىزدىگى مەن ساپاسىن باعالاۋ ءتارتىبىن ساقتاۋعا;
2) مالىمدەلگەن ءونىم كورسەتكىشتەرىنىڭ (سيپاتتامالارىنىڭ) تۇراقتىلىعىن قامتاماسىز ەتۋگە;
3) شارتقا سايكەس قاۋىپسىزدىك پەن ساپانى باعالاۋعا جانە قاۋىپسىزدىك پەن ساپانى سەريالىق باعالاۋ جاعدايىندا ءونىمدى كەيىننەن سىناۋعا بايلانىستى شىعىنداردى تولەۋگە مىندەتتەنەمىن.
قوسىمشا:
____________________________________________________________________________
____________________________________________________________________________
________________________ م.و. _______________________________________________
ء(وتىنىش بەرۋشىنىڭ قولى) (تەگى, اتى-ءجونى)
قازاقستان رەسپۋبليكاسىندا تىركەلگەن دارىلىك زاتتار مەن مەديتسينالىق ماقساتتاعى بۇيىمداردىڭ قاۋىپسىزدىگى مەن ساپاسىنا باعالاۋ جۇرگىزۋ قاعيدالارىنا 3-قوسىمشا
ءوندىرىس شارتتارىن باعالاۋ جۇرگىزۋ تۋرالى جانە ساپانى قامتاماسىز ەتۋ جۇيەسىنىڭ
ەسەبى
________________________________________________________________________________
ءوندىرۋشى ۇيىمنىڭ اتاۋى:
20____ج. «___»_____________
ءوندىرۋشى ۇيىمنىڭ زاڭدى مەكەنجايى:
_________________________________________________________________
نەگىزدەمە:
ساراپتاما ۇيىمىنىڭ اتاۋى جانە مەكەنجايى:________________________
1.تۇيىندەمە
ءوندىرىس ۋچاسكەسىنىڭ اتاۋى, مەكەنجايى, دەرەكتەمەلەرى
ءوندىرۋشى ۇيىم قىزمەتىنىڭ تۇيىندەمەسى اكتيۆتى فارماتسەۆتيكالىق سۋبستانتسيالاردىڭ ءوندىرىسى
دايىن دارىلىك زاتتاردىڭ ءوندىرىسى
ارالىق نەمەسە ولشەپ-سالىنباعان («بالك») دارىلىك زاتتاردىڭ ءوندىرىسى
ولشەپ-وراۋ جانە قاپتامالاۋ
اكەلۋ جانە پايدالانۋ
زەرتحانالىق سىناقتاردىڭ جۇرگىزىلۋى
دارىلىك زات سەريالارىن شىعارۋدى باقىلاۋ
وزگە
تەكسەرۋ جۇرگىزىلگەن كۇن (دەر)
ساراپشىلار
ليتسەنزيا(لار)
جۇمىس جازبالارىنىڭ شيفرلەرى
2. كىرىسپە اقپارات
ءوندىرۋشى ۇيىمنىڭ جانە ءوندىرىس الاڭىنىڭ قىسقاشا سيپاتتاماسى
الدىڭعى تەكسەرۋ كۇنى (دەرى)
الدىڭعى تەكسەرۋدى جۇرگىزگەن ماماندار
الدىڭعى تەكسەرۋ ۋاقىتىندا ورىن العان نەگىزگى وزگەرىستەر
تەكسەرۋ ماقساتى
تەكسەرىلەتىن ايماقتار
تەكسەرۋ جۇرگىزۋگە قاتىساتىن ءوندىرۋشى ۇيىمنىڭ پەرسونالى
ءوندىرۋشى ۇيىم بەرگەن قۇجاتتار
3. تەكسەرۋدى باقىلاۋ جانە ونىڭ ناتيجەلەرى
ساپانى باسقارۋ
پەرسونال
ءۇي-جاي جانە جابدىق
قۇجاتتاما
ءوندىرىس
ساپانى باقىلاۋ
كەلىسىمشارت بويىنشا ءوندىرىس جانە تالداۋ جۇرگىزۋ
جارنامالاۋ جانە ءونىمدى كەرى قايتارۋ
ءوزىن-ءوزى تەكسەرۋ
ءونىمدى وتكىزۋ جانە تاسىمالداۋ
ءونىدىرىس الاڭىنىڭ ماستەر-فايلىن باعالاۋ
ءارتۇرلى
4. كەمشىلىكتەردىڭ تىزبەسى
4.1. كۇردەلى
4.2. ماڭىزدى
4.3. باسقا
5. ءوندىرۋشى ۇيىمنىڭ قورىتىندى كەڭەسى جانە ونىڭ جاۋابىن باعالاۋ
ءوندىرۋشى ۇيىمنىڭ سوڭعى كەڭەسى بارىسىندا جاساعان كوممەنتاريلەرى
ءوندىرۋشى ۇيىمنىڭ انىقتالعان ەسكەرتۋلەر بويىنشا جاۋابىن باعالاۋ
تەكسەرۋ بارىسىندا ىرىكتەلگەن قۇجاتتار جانە/نەمەسە ۇلگىلەر
6. قورىتىندى ۇسىنىمدار جانە تۇجىرىمدار
ۇسىنىمدار
تۇجىرىم
ەسەپ ازىرلەندى جانە قول قويىلدى:
مامانداردىڭ تەگى,
اتى-ءجونى, اكەسىنىڭ اتى:
قولدارى
قول قويىلعان كۇن
قازاقستان رەسپۋبليكاسىندا تىركەلگەن دارىلىك زاتتار مەن مەديتسينالىق ماقساتتاعى بۇيىمداردىڭ قاۋىپسىزدىگى مەن ساپاسىنا باعالاۋ جۇرگىزۋ قاعيدالارىنا 4-قوسىمشا
تىركەلگەن دارىلىك زاتتاردىڭ قاۋىپسىزدىگى مەن ساپاسىنا باعالاۋ جۇرگىزۋ كەزىندە نورماتيۆتىك قۇجاتتىڭ كورسەتكىشتەرىنىڭ تىزبەسى
1. پارەنتەرالدى قولدانۋعا ارنالعان سۇيىق دارىلىك نىساندار
ر/س№ ءبولىم اتاۋى
1. سيپاتتاماسى
2. اكتيۆتى زاتتاردىڭ سايكەستىگى
3. مولدىرلىگى
4. ءتۇسى
5. رن
6. بەرىكتىگى (سۋسپەنزيا)
7. بولىكتەر مولشەرى (سۋسپەنزيا)
8. تەكتەس قوسپالار: سايكەستەندىرىلگەن قوسپالار سايكەستەندىرىلمەگەن قوسپالار قوسپالار سوماسى
9. شىعارىلعان كولەمى
10. باكتەريالىق ەندوتوكسيندەر نەمەسە پيروگەندەر
11. زارارسىزداندىرىلۋى
12. ساندىق بەلگىلەۋ
13. قاپتاما
14. تاڭبالاۋ
15. ساقتاۋ مەرزىمى
2. پارەنتەرالدى قولدانۋعا ارنالعان قۇرعاق دارىلىك نىساندار
ر/س№ ءبولىم اتاۋى
1. سيپاتتاماسى
2. اكتيۆتى زاتتاردىڭ سايكەستىگى
3. ەرىتىندى ساپاسىنىڭ كورسەتكىشتەرى:
مولدىرلىگى
ءتۇسى*
قىشقىلدىعى (سىلتىلىك) نەمەسە رن
4. تەكتەس قوسپالار: سايكەستەندىرىلگەن قوسپالار سايكەستەندىرىلمەگەن قوسپالار قوسپالار سوماسى
5. باكتەريالىق ەندوتوكسيندەر جانە/نەمەسە پيروگەندەر
6. زارارسىزداندىرىلۋى
7. ساندىق بەلگىلەۋ
8. اكتيۆتىگى
9. قاپتاما
10. تاڭبالاۋ
11. ساقتاۋ مەرزىمى
3. كوزگە ارنالعان تامشى دارىلەر
ر/س№ ءبولىم اتاۋى
1. سيپاتتاماسى
2. اكتيۆتى زاتتاردىڭ سايكەستىگى
3. مولدىرلىگى (ەرىتىندىلەر ءۇشىن)
4. ءتۇسى (ەرىتىندىلەر ءۇشىن)
5. قىشقىلدىعى نەمەسە سىلتىلىگى, نەمەسە رن
6. تەكتەس قوسپالار: سايكەستەندىرىلگەن قوسپالار سايكەستەندىرىلمەگەن قوسپالار قوسپالار سوماسى
7. زارارسىزداندىرىلۋى
8. ساندىق بەلگىلەۋ
9. قاپتاما
10. تاڭبالاۋ
11. ساقتاۋ مەرزىمى (ونىڭ ىشىندە اشقاننان كەيىن)
4. ىشۋگە جانە سىرتقا قولدانۋعا ارنالعان سۇيىق دارىلىك نىساندار
ر/س№ ءبولىم اتاۋى
1. سيپاتتاماسى
2. اكتيۆتى زاتتاردىڭ سايكەستىگى
3. تەكتەس قوسپالار: سايكەستەندىرىلگەن قوسپالار سايكەستەندىرىلمەگەن قوسپالار قوسپالار سوماسى
4. ميكروبيولوگيالىق تازالىق نەمەسە زارارسىزداندىرىلۋى
5. ساندىق بەلگىلەۋ
6. قاپتاما
7. تاڭبالاۋ
8. ساقتاۋ مەرزىمى
5. اەروزولدار
ر/س№ ءبولىم اتاۋى
1. سيپاتتاماسى
2. اكتيۆتى زاتتاردىڭ سايكەستىگى
3. تەكتەس قوسپالار: سايكەستەندىرىلگەن قوسپالار سايكەستەندىرىلمەگەن قوسپالار قوسپالار سوماسى
4. ساندىق بەلگىلەۋ
5. قاپتاما
6. تاڭبالاۋ
7. ساقتاۋ مەرزىمى
6. تابلەتكالار
ر/س№ ءبولىم اتاۋى
1. سيپاتتاماسى
2. اكتيۆتى زاتتاردىڭ سايكەستىگى
3. تەكتەس قوسپالار: سايكەستەندىرىلگەن قوسپالار سايكەستەندىرىلمەگەن قوسپالار قوسپالار سوماسى
4. ساندىق بەلگىلەۋ
5. قاپتاما
6. تاڭبالاۋ
7. ساقتاۋ مەرزىمى
7. ۇنتاقتار (سىرتقا جانە ىشكە قولدانۋعا ارنالعان قۇرعاق دارىلىك نىساندار)
ر/س№ ءبولىم اتاۋى
1. سيپاتتاماسى
2. اكتيۆتى زاتتاردىڭ سايكەستىگى
3. تەكتەس قوسپالار: ** سايكەستەندىرىلگەن قوسپالار سايكەستەندىرىلمەگەن قوسپالار قوسپالار سوماسى
4. زارارسىزداندىرىلۋى
5. ساندىق بەلگىلەۋ
6. قاپتاما
7. تاڭبالاۋ
8. ساقتاۋ مەرزىمى
8. كاپسۋلالار
ر/س№ ءبولىم اتاۋى
1. سيپاتتاماسى (ونىڭ ىشىندە كاپسۋلانىڭ قابىقشاسى جانە قۇرامى)
2. اكتيۆتى زاتتاردىڭ سايكەستىگى
3. تەكتەس قوسپالار: سايكەستەندىرىلگەن قوسپالار سايكەستەندىرىلمەگەن قوسپالار قوسپالار سوماسى
4. ساندىق بەلگىلەۋ
5. قاپتاما
6. تاڭبالاۋ
7. ساقتاۋ مەرزىمى
9. سۋپپوزيتوريلەر (پەسساريلەر)
ر/س№ ءبولىمنىڭ اتاۋى
1. سيپاتتاماسى
2. اكتيۆتى زاتتاردىڭ سايكەستىگى
3. تەكتەس قوسپالار: سايكەستەندىرىلگەن قوسپالار سايكەستەندىرىلمەگەن قوسپالار قوسپالار سوماسى
4. ساندىق بەلگىلەۋ
5. قاپتاما
6. تاڭبالاۋ
7. ساقتاۋ مەرزىمى
10. جۇمساق دارىلىك نىساندار
ر/س № ءبولىمنىڭ اتاۋى
1. سيپاتتاماسى
2. اكتيۆتى زاتتاردىڭ سايكەستىگى
3. رن
4. تەكتەس قوسپالار:* سايكەستەندىرىلگەن قوسپالار
سايكەستەندىرىلمەگەن قوسپالار
قوسپالار سوماسى
5. زارارسىزداندىرىلۋى
6. ساندىق بەلگىلەۋ
7. قاپتاما
8. تاڭبالاۋ
9. ساقتاۋ مەرزىمى
11. تۇندىرمالار
ر/س№ ءبولىمنىڭ اتاۋى
1. سيپاتتاماسى
2. اكتيۆتى زاتتاردىڭ سايكەستىگى
3. ەتانول قۇرامى نەمەسە قاتىستى تىعىزدىعى
4. ساندىق بەلگىلەۋ
5. قاپتاما
6. تاڭبالاۋ
7. ساقتاۋ مەرزىمى
12. ەكستراكتىلەر
ر/س№ ءبولىمنىڭ اتاۋى
1. سيپاتتاماسى
2. اكتيۆتى زاتتاردىڭ سايكەستىگى
3. قاتىستى تىعىزدىعى نەمەسە ەتانول قۇرامى (سۇيىق ەكستراكتىلەر)
4. ساندىق بەلگىلەۋ
5. قاپتاما
6. تاڭبالاۋ
7. ساقتاۋ مەرزىمى
13. دارىلىك وسىمدىك شيكىزاتى, ءشوپدارى, ولشەپ-ورالعان ءونىم (بريكەتتەر, پاكەتتەر, فيلتر-پاكەتتەر)
ر/س№ ءبولىمنىڭ اتاۋى
1. سيپاتتاماسى
2. سايكەستىگى:
ا. ماكروسكوپيا;
b. ميكروسكوپيا;
س. ساپالىق جانە/نەمەسە گيستوحيميالىق رەاكتسيالار;
d. حروماتوگرافيالىق سىناقتار (جقح, گح, جتسح جانە باسقالار)
3. ەكستراكتى زاتتەكتەر نەمەسە ساندىق بەلگىلەۋ
4. ميكروبيولوگيالىق تازالىق
5. ساندىق بەلگىلەۋ
6. قاپتاما
7. تاڭبالاۋ
8. ساقتاۋ مەرزىمى
قازاقستان رەسپۋبليكاسىندا تىركەلگەن دارىلىك زاتتار مەن مەديتسينالىق ماقساتتاعى بۇيىمداردىڭ قاۋىپسىزدىگى مەن ساپاسىنا باعالاۋ جۇرگىزۋ قاعيدالارىنا 5-قوسىمشا
نىسان
ۇلگىلەردى ىرىكتەۋ اكتىسى
20___جىلعى «___»____________№____
ءوتىنىش بەرۋشى (ۇيىمنىڭ اتاۋى, ت.ا.ءا.)
__________________________________