الماتىدا ءتورت جاسار ءبۇلدىرشىندى ۇرىپ ولتىرگەن 19 جاستاعى وگەي اكە 20 جىلعا باس بوستاندىعىنان ايىرىلدى, دەپ حابارلايدى Egemen.kz كتك تەلەارناسىنا سىلتەمە جاساپ.
قايعىلى وقيعا شامامەن توعىز اي بۇرىن بولعان. تەرگەۋ سوتتالۋشى دارحان داۋلەتوۆتىڭ ءتورت جاسار حانتورەنى ۇرىپ-سوعىپ, كەيىن بالاباقشاعا اپارعانىن ايتىپ وتىر. كوگەرگەن جەرلەردى بايقاعان تاربيەلەۋشىلەر اناسىن شاقىرعان. بالانىڭ جاعدايى كۇرت ناشارلاپ, ەسىنەن تانىپ قالعان. اۋىر سوققى سالدارىنان بالانىڭ باۋىرى جارىلىپ, اقىر سوڭىندا قايتىس بولدى. وگەي اكە بالانىڭ تۋعان اكەسىنە كەك ساقتاپ, ءوشىن وسىلاي الماقشى بولعانى ايتىلدى. وسىعان قاراماستان سوتتالۋشى ءوز كىناسىن مويىنداماي, بالانىڭ ابايسىزدا باسپالداقتان قۇلاپ كەتكەنىن العا تارتتى. الايدا, بالانىڭ سوققى سالدارىنان قايتىس بولعانى دالەلدەندى.
داۋلەتوۆ توعىز ايدان بەرى قاماۋدا وتىر. سوتتا ول بولعان وقيعانىڭ كىسى ءولتىرۋ ەمەس, وقىس وقيعا ەكەنىن ايتتى. ونىڭ ايتۋىنشا, بالا قىرسىق بولعان, اياعىنان شالىنىپ, باسپالداقتان قۇلاعان. ايىپتالۋشى ارام پيعىلى بولماعانىن ايتىپ, وگەي ۇلىمەن قارىم-قاتىناسى جاقسى بولعانىن ايتتى. سوڭعى سوزىندە وگەي اكە سوتتان جەڭىل جازا سۇرادى.
«بالامەن جاقسى قارىم-قاتىناستا بولدىم. سامال ۇلىن ماعان سەنىپ تاپسىردى. مەنىڭ حانتورەمەن جاستى ءىنىم بار. مەن بالاعا زيان تيگىزگىم كەلمەدى. تاعىلعان ايىپپەن كەلىسپەيمىن. قۇرمەتتى سوت, مەن ءالى جاسپىن. بۇل وقيعادان ءومىر بويىنا ساباق الۋعا ۋادە بەرەمىن», دەدى سوتتالۋشى.
سۋديا باقىتحان باكىرباەۆ 19 جاستاعى سوتتالۋشىنى كامەلەتكە تولماعاندارمەن جۇمىس ىستەۋگە تىيىم سالا وتىرىپ, 20 جىلعا باس بوستاندىعىنان ايىردى. سوتتالعان ازامات جازاسىن ورتاشا قاۋىپسىز مەكەمەدە وتەيدى.
بالانىڭ اناسى وقيعاعا قاتىستى تۇسىنىكتەمە بەرۋدەن باس تارتتى, ال كىشكەنتاي حانتورەنىڭ اكەسى مورالدىق شىعىندى وتەۋ ماسەلەسىن قوزعادى. ادۆوكاتتار سوتتالۋشىدان 80 ميلليون تەڭگە كولەمىندە وتەماقى تالاپ ەتكەنىمەن, سوت تەك 10 ميلليوندى عانا ءوندىرىپ بەردى.