بۇگىن ءماجىلىستىڭ جالپى وتىرىسىندا سپورتتىق باعىتتاعى جىلقىلاردىڭ قازاقى تۇقىمىن ساقتاۋ جانە ءوسىمىن مولايتۋ ماسەلەلەرى بويىنشا زاڭعا تۇزەتۋلەر ەنگىزۋ ۇسىنىسى قابىلداندى, دەپ جازادى Egemen.kz.
قوستانايلىق جىلقى تۇقىمىنىڭ تەكتىك قورىن ساقتاۋ, ونىڭ اسىل تۇقىمدى قاسيەتتەرىن جاقسارتۋ جانە مال باسىن ۇلعايتۋ ءۇشىن سەلەكتسيالىق, اسىلداندىرۋ جۇمىسىن جۇرگىزۋ قىزا تۇسپەك.وسى ماقساتتا ءتيىستى زاڭداعى «اسىل تۇقىمدى جانۋار» جانە «تۇقىم ستاندارتى» ۇعىمدارىنا وزگەرىستەر ەنگىزىلەدى. جىلقىلاردىڭ جۇمىسقا قابىلەتتىلىگى, ەپتىلىگى, توزىمدىلىگى سەكىلدى پايدالى قاسيەتتەرى تۇقىم ستاندارتىنا جاتقىزىلادى.«تۇزەتۋدە, بۇدان بولەك, اسىل تۇقىمدى ورتالىقتاردىڭ شەتەلدىك سەلەكتسياسىنان سپورتتىق باعىتتاعى اسىل تۇقىمدى ايعىرلاردى ساتىپ الۋى, اسىل تۇقىمدى انالىق مال باسىن پايدالانىپ سەلەكتسيالىق, اسىل تۇقىمدىق جۇمىس جۇرگىزۋ, ولاردى ۇستاۋ بويىنشا شىعىنداردى وتەۋ كوزدەلگەن», دەلىنگەن ءماجىلىس حابارلاماسىندا.