2014 جىلعى 27 قازان, استانا قالاسى
بيۋدجەتتىك باعدارلامالار اكىمشىلەرى شىعىستارىنىڭ ليميتتەرىن, جاڭا باستامالارعا ارنالعان ليميتتەردى ايقىنداۋ قاعيدالارىن بەكىتۋ تۋرالى
قازاقستان رەسپۋبليكاسىنىڭ 2008 جىلعى 4 جەلتوقسانداعى بيۋدجەت كودەكسىنىڭ 65-1- بابىنا سايكەس بۇيىرامىن:
1. قوسا بەرىلىپ وتىرعان بيۋدجەتتىك باعدارلامالار اكىمشىلەرى شىعىستارىنىڭ ليميتتەرىن, جاڭا باستامالارعا ارنالعان ليميتتەردى ايقىنداۋ قاعيدالارى بەكىتىلسىن.
2. قازاقستان رەسپۋبليكاسى ۇلتتىق ەكونوميكا مينيسترلىگىنىڭ بيۋدجەت ساياساتى دەپارتامەنتى (ۆ.ر. حيسماتۋلين) زاڭنامادا بەلگىلەنگەن تارتىپپەن:
1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن;
2) وسى بۇيرىق مەملەكەتتىك تىركەلگەننەن كەيىن ون كۇنتىزبەلىك كۇن ىشىندە ونىڭ مەرزىمدى ءباسپاسوز باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرىلۋىن;
3) وسى بۇيرىقتىڭ قازاقستان رەسپۋبليكاسى ۇلتتىق ەكونوميكا مينيسترلىگىنىڭ ينتەرنەت-رەسۋرسىندا ورنالاستىرىلۋىن قامتاماسىز ەتسىن.
3. وسى بۇيرىق العاشقى رەسمي جاريالانعان كۇنىنەن باستاپ قولدانىسقا ەنگىزىلەدى.
مينيستر ە. دوساەۆ.
قازاقستان رەسپۋبليكاسى ۇلتتىق ەكونوميكا ءمينيسترىنىڭ 2014 جىلعى 27 قاراشاداعى № 59 بۇيرىعىمەن بەكىتىلگەن
بيۋدجەتتىك باعدارلامالار اكىمشىلەرى شىعىستارىنىڭ ليميتتەرىن, جاڭا باستامالارعا ارنالعان ليميتتەردى ايقىنداۋ قاعيدالارى
1. نەگىزگى ەرەجەلەر
1. وسى بيۋدجەتتىك باعدارلامالار اكىمشىلەرى شىعىستارىنىڭ ليميتتەرىن, جاڭا باستامالارعا ارنالعان ليميتتەردى ايقىنداۋ قاعيدالارى (بۇدان ءارى – قاعيدالار) 2008 جىلعى 4 جەلتوقسانداعى قازاقستان رەسپۋبليكاسى بيۋدجەت كودەكسىنىڭ 65-1-بابىنا سايكەس ازىرلەندى.
2. قاعيدالار بيۋدجەتتىك جوسپارلاۋ جونىندەگى ورتالىق ۋاكiلەتتi ورگاننىڭ جانە مەملەكەتتىك جوسپارلاۋ جونىندەگى جەرگiلiكتi ۋاكiلەتتi ورگانداردىڭ بيۋدجەتتىك باعدارلامالار اكىمشىلەرى شىعىستارىنىڭ ليميتتەرىن, جاڭا باستامالارعا ارنالعان ليميتتەردى ايقىنداۋى ءتارتىبىن ايقىندايدى.
3. بيۋدجەتتىك باعدارلامالار اكىمشىلەرى شىعىستارىنىڭ ليميتتەرى, جاڭا باستامالارعا ارنالعان ليميتتەر بيۋدجەتتىك باعدارلامالار اكىمشىلەرىنىڭ بيۋدجەتتىك وتىنىمدەردى قالىپتاستىرۋى ءۇشىن ايقىندالادى.
4. بيۋدجەتتىك باعدارلامالار اكىمشىلەرى شىعىستارىنىڭ جەتكىزىلگەن ليميتتەرى مەن جاڭا باستامالارعا ارنالعان ليميتتەردىڭ شەگىندە بيۋدجەتتىك باعدارلامالار اكىمشىسى ءوز قىزمەتىنىڭ باسىمدىقتارىن, مەملەكەتتىك جانە سالالىق باعدارلامالاردىڭ ىسكە اسىرىلۋىن ەسكەرە وتىرىپ, بيۋدجەتتىك باعدارلامالار (كىشى باعدارلامالار) بويىنشا شىعىستاردى ءوز بەتىنشە بولەدى.
بيۋدجەتتىك باعدارلامالار اكىمشىسى شىعىستاردىڭ ءبىرىنشى كەزەكتى باسىمدىعىن ءوز بەتىنشە ايقىندايدى.
بيۋدجەتتىك باعدارلامالار اكىمشىلەرى شىعىستارىنىڭ ليميتتەرى, جاڭا باستامالارعا ارنالعان ليميتتەر شەگىندە ەسكەرىلمەگەن شىعىستار ماكروەكونوميكالىق ستسەناري مەن كىرىستەر بولجامى كورسەتكىشتەردىڭ جاقسارۋى جاعىنا قاراي ەكىنشى كەزەڭدە وزگەرگەن جاعدايدا جانە/نەمەسە ءتيىستى بيۋدجەت كوميسسياسىنا قورىتىندى دايىنداۋ بارىسىندا بيۋدجەتتىك جوسپارلاۋ جونىندەگى ورتالىق ۋاكiلەتتi ورگان نەمەسە جەرگiلiكتi ۋاكiلەتتi ورگاندار جەكەلەگەن شىعىستاردى قابىلداماعان جاعدايدا بيۋدجەت جوباسىنا ەنگiزiلۋi مۇمكiن.
2. بيۋدجەتتىك باعدارلامالار اكىمشىلەرى شىعىستارىنىڭ ليميتتەرىن, جاڭا باستامالارعا ارنالعان ليميتتەردى ايقىنداۋ
5. بيۋدجەتتىك باعدارلامالار اكىمشىلەرى شىعىستارىنىڭ ليميتتەرىن, جاڭا باستامالارعا ارنالعان ليميتتەردى بيۋدجەتتىك جوسپارلاۋ جونىندەگى ورتالىق ۋاكiلەتتi ورگان جانە مەملەكەتتىك جوسپارلاۋ جونىندەگى جەرگiلiكتi ۋاكiلەتتi ورگاندار جوسپارلى كەزەڭگە قازاقستان رەسپۋبليكاسىنىڭ نەمەسە وبلىستىڭ, رەسپۋبليكالىق ماڭىزى بار قالانىڭ, استانانىڭ الەۋمەتتىك ەكونوميكالىق دامۋىنىڭ, رەسپۋبليكالىق جانە جەرگىلىكتى بيۋدجەتتەردىڭ بولجامدى كورسەتكىشتەرى, بيۋدجەت قاراجاتىن جۇمساۋدىڭ باسىم باعىتتارى, ءتيىستى بيۋدجەت تاپشىلىعىنىڭ مولشەرى نەگىزىندە ايقىندايدى.
6. بيۋدجەتتىك باعدارلامالار اكىمشىلەرى شىعىستارىنىڭ ليميتتەرى, جاڭا باستامالارعا ارنالعان ليميتتەر بيۋدجەت جوباسىن قالىپتاستىرۋ كەزىندە جىلدارعا بولە وتىرىپ, بيۋدجەتتىك باعدارلامالار اكىمشىلەرىنىڭ ارقايسىسى ءۇشىن جوسپارلاناتىن ۇشجىلدىق كەزەڭگە جىل سايىن وزگەرمەلى نەگىزدە ايقىندالادى.
جوسپارلى كەزەڭنىڭ ەكىنشى جانە ءۇشىنشى جىلدارىنا ارنالعان ليميتتەر الەۋمەتتىك-ەكونوميكالىق دامۋ بولجامىنداعى وزگەرىستەر ەسكەرىلە وتىرىپ, كەزەكتى ۇشجىلدىق كەزەڭگە ليميتتەردى ايقىنداعان كەزدە وزگەرتىلۋى مۇمكىن.
ماكروەكونوميكالىق بولجام مەن ەكونوميكانىڭ ءوسۋ بولجامى ازايۋ جاعىنا وزگەرگەن جاعدايدا, بيۋدجەتتىك باعدارلامالار اكىمشىلەرى شىعىستارى ليميتتەرىنىڭ جانە جاڭا باستامالارعا ارنالعان ليميتتەردىڭ سوماسى اعىمداعى قارجى جىلىنا ارنالعان شىعىستار بويىنشا بەكىتىلگەن جوسپاردان نومينالدى جالپى ىشكى ءونىمنىڭ (بۇدان ءارى – ءجىو) نەمەسە جالپى وڭىرلىك ءونىمنىڭ (بۇدان ءارى – ءجوو) ءتيىستى جىلعا بولجاناتىن وسۋىنەن اسپاۋى ءتيىس.
بيۋدجەتتى ناقتىلاۋ كەزىندە بيۋدجەتتىك باعدارلامالار اكiمشiلەرi شىعىستارىنىڭ ليميتتەرى, جاڭا باستامالارعا ارنالعان ليميتتەر بيۋدجەتتىك باعدارلامالار اكىمشىلەرىنە جەتكىزىلمەيدى.
7. بيۋدجەتتىك باعدارلامالار اكىمشىلەرى شىعىستارىنىڭ ليميتتەرىن, جاڭا باستامالارعا ارنالعان ليميتتەردى ايقىنداۋ كەزىندە:
1) ءتيىستى كەزەڭگە ارنالعان الەۋمەتتىك-ەكونوميكالىق دامۋدىڭ ماقۇلدانعان بولجامى;
2) اعىمداعى قارجى جىلىنا ارنالعان بيۋدجەتتىك باعدارلامالار اكىمشىلەرى شىعىستارىنىڭ بەكىتىلگەن (ناقتىلانعان) كولەمى;
3) ءتيىستى قارجى جىلىنا ارنالعان بيۋدجەتتىك باعدارلامالار اكىمشىلەرى شىعىستارىنىڭ بەكىتىلگەن كولەمى;
4) وتكەن جانە اعىمداعى قارجى جىلدارىندا بيۋدجەتتىك باعدارلامالاردىڭ ورىندالۋ قورىتىندىسى;
5) بيۋدجەتتىك ينۆەستيتسيالاردى ىسكە اسىرۋدى باعالاۋ قورىتىندىسى;
6) رەسپۋبليكالىق بيۋدجەتتىڭ اتقارىلۋى تۋرالى ەسەپكە رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ (جەرگىلىكتى بيۋدجەتتىڭ اتقارىلۋى تۋرالى ەسەپكە وبلىستىڭ, رەسپۋبليكالىق ماڭىزى بار قالانىڭ, استانانىڭ تەكسەرۋ كوميسسياسىنىڭ) قورىتىندىلارى مەن ۇسىنىمدارى;
7) مەملەكەتتىك جانە سالالىق باعدارلامالاردىڭ ءىس-شارالارى ەسەپكە الىنادى.
مەملەكەتتىك جانە سالالىق باعدارلامالاردى ازىرلەمەيتىن بيۋدجەتتىك باعدارلامالار اكىمشىلەرى بويىنشا ستارتەگيالىق جوسپارلار, وزگە ستراتەگيالىق جانە باعدارلامالىق قۇجاتتار ەسكەرىلەدى.
8. بيۋدجەتتىك باعدارلامالار اكىمشىلەرى شىعىستارىنىڭ ليميتتەرىن, جاڭا باستامالارعا ارنالعان ليميتتەردى ايقىنداۋ كەزىندە ليميتتەردىڭ قۇرامىندا بيۋدجەتتىك باعدارلامالار اكىمشىلەرىنىڭ باسقا شىعىستارعا قايتا بولۋگە جاتپايتىن بيۋدجەتتىڭ مىنا شىعىستارى جەكە بولىنەدى:
1) ىسكە اسىرىلۋى قازاقستان رەسپۋبليكاسى ۇلتتىق قورىنان بولىنەتىن نىسانالى ترانسفەرتتەر ەسەبىنەن كوزدەلەتىن جوبالار بويىنشا شىعىستار;
2) بيۋدجەتتىك سۋبۆەنتسيالار, بيۋدجەتتىك الىپ قويۋلار;
3) ۇكىمەتتىك بورىشقا نەمەسە جەرگىلىكتى اتقارۋشى ورگانداردىڭ بورىشىنا قىزمەت كورسەتۋ;
4) مەملەكەتتىك كەپىلدىك;
5) قازاقستان رەسپۋبليكاسى ۇكىمەتىنىڭ نەمەسە جەرگىلىكتى اتقارۋشى ورگاننىڭ رەزەرۆى.
9. جەرگىلىكتى بيۋدجەتتەر بويىنشا بيۋدجەتتىك باعدارلامالار اكىمشىلەرى شىعىستارىنىڭ ليميتتەرى, جاڭا باستامالارعا ارنالعان ليميتتەر بيۋدجەتتىڭ نىسانالى ترانسفەرتتەرى جانە جەرگىلىكتى اتقارۋشى ورگاندارعا جوعارى تۇرعان بيۋدجەتتەن بيۋدجەتتىك كرەديتتەر ەسكەرىلۋسىز ايقىندالادى.
جەرگىلىكتى بيۋدجەتتەر بويىنشا بيۋدجەتتىك باعدارلامالار اكىمشىلەرىنىڭ شىعىستارى, جاڭا باستامالارعا ارنالعان شىعىستار قازاقستان رەسپۋبليكاسىنىڭ زاڭىندا (وبلىستىق ءماسليحات شەشىمىمەن) بەلگىلەنگەن جالپى سيپاتتاعى ترانسفەرتتەر كولەمى ەسكەرىلە وتىرىپ ايقىندالادى.
جەرگىلىكتى بيۋدجەتتەر بويىنشا بيۋدجەتتىك باعدارلامالار اكىمشىلەرى شىعىستارىنىڭ ليميتتەرىن, جاڭا باستامالارعا ارنالعان ليميتتەردى ايقىنداۋ كەزىندە جالپى سيپاتتاعى ترانسفەرتتەر كولەمى تۋرالى زاڭدا (وبلىستىق ءماسليحات شەشىمىمەن) بەلگىلەنگەن شىعىستاردىڭ جەكەلەگەن باعىتتارىن ەڭ تومەنگى قارجىلاندىرۋ كولەمى ەسەپكە الىنادى.
10. الەۋمەتتىك-ەكونوميكالىق دامۋدىڭ ءبىرىنشى كەزەڭىندە ماقۇلدانعان بولجامدا كورسەتىلگەن ۇشجىلدىق كەزەڭگە ارنالعان بيۋدجەت شىعىستارىنىڭ بولجامىنا سۇيەنە وتىرىپ, اعىمداعى شىعىستاردىڭ جالپى ءليميتى جانە ۇشجىلدىق كەزەڭگە ارنالعان بيۋدجەتتىك دامۋ باعدارلامالارى شىعىستارىنىڭ ءليميتى ايقىندالادى.
اعىمداعى شىعىستار مەن ۇشجىلدىق كەزەڭگە ارنالعان بيۋدجەتتىك دامۋ باعدارلامالارى شىعىستارىنىڭ جالپى ءليميتى نومينالدى ءجىو-ءنىڭ ء(جوو) جانە سوڭعى پايدالانۋ بويىنشا ونىڭ قۇرامداۋىشتارىنىڭ بولجاناتىن كولەمىن قامتاماسىز ەتۋدى ەسكەرە وتىرىپ ايقىندالادى.
1-پاراگراف. بيۋدجەتتىك باعدارلامالار اكىمشىلەرى شىعىستارىنىڭ ليميتتەرىن ايقىنداۋ
11. بيۋدجەتتiك باعدارلامالار اكiمشiلەرi شىعىستارىنىڭ ليميتتەرى بيۋدجەتتىڭ بازالىق شىعىستارىنا سۇيەنە وتىرىپ ايقىندالادى.
تۇراقتى سيپاتتاعى شىعىستار, كۇردەلى شىعىستار, سونداي-اق باستالعان (جالعاساتىن) بيۋدجەتتىك ينۆەستيتسيالىق جوبالار مەن قابىلدانعان مەملەكەتتىك كونتسەسسيالىق مىندەتتەمەلەردى ورىنداۋ شىعىستارى بازالىق شىعىستار بولىپ تابىلادى.
مەملەكەتتىك فۋنكتسيالاردى, وكىلەتتىكتەردى ورىنداۋعا جانە مەملەكەتتىك قىزمەتتەردى كورسەتۋگە, ترانسفەرتتەردى تولەۋگە جانە مەملەكەتتىڭ باسقا دا مىندەتتەمەلەرىنە بايلانىستى شىعىستار تۇراقتى سيپاتتاعى شىعىستار بولىپ تابىلادى.
12. بيۋدجەتتiك باعدارلامالار اكiمشiلەرi شىعىستارىنىڭ ليميتتەرى بيۋدجەتتىك باعدارلامالار بولىنىسىندە ەسەپتەلەدى.
13. بيۋدجەتتiك باعدارلامالار اكiمشiلەرi شىعىستارىنىڭ ليميتتەرىن ەسەپتەۋ ءۇشىن بازا رەتىندە اعىمداعى قارجى جىلىنىڭ 1 ساۋىرىندەگى جاعداي بويىنشا قارجى جىلىنا ارنالعان شىعىستار بويىنشا بەكىتىلگەن (ناقتىلانعان) جوسپار, سونداي-اق ءتيىستى قارجى جىلىنا ارنالعان شىعىستاردىڭ بەكىتىلگەن جوسپارى پايدالانىلادى.
14. بيۋدجەتتiك باعدارلامالار اكiمشiلەرi شىعىستارىنىڭ ليميتتەرى مىنا فورمۋلا بويىنشا ەسەپتەلەدى:
ليميتt = اعىمداعى شىعىستارt + دامۋ بيۋدجەتىt,
مۇنداعى
ليميتt – بيۋدجەتتiك باعدارلامالار اكiمشiلەرiنىڭ ءتيىستى قارجى جىلىنا ارنالعان شىعىستارىنىڭ ءليميتى;
اعىمداعى شىعىستار t – بيۋدجەتتiك باعدارلامالار اكiمشiلەرiنىڭ ءتيىستى قارجى جىلىنا ارنالعان اعىمداعى بيۋدجەتتىك باعدارلامالارىنىڭ شىعىستارى بويىنشا ءليميتى;
دامۋ بيۋدجەتىt – بيۋدجەتتiك باعدارلامالار اكiمشiلەرiنىڭ ءتيىستى قارجى جىلىنا ارنالعان بيۋدجەتتىك دامۋ باعدارلامالارىنىڭ شىعىستارى بويىنشا ليميت.
15. بيۋدجەتتiك باعدارلامالار اكiمشiلەرi شىعىستارىنىڭ ليميتتەرىن ەسەپتەۋ ءۇشىن ءاربىر اكىمشى ءۇشىن شىعىستار مىناداي ساناتتارعا توپتاستىرىلادى:
1) اعىمداعى شىعىستار:
تۇراقتى سيپاتتاعى اعىمداعى شىعىستار;
كۇردەلى شىعىندار;
اۋىسپالى شىعىستار;
2) بيۋدجەتتىك دامۋ باعدارلامالارىنىڭ شىعىستارى.
تۇراقتى سيپاتتاعى اعىمداعى شىعىستار:
مەملەكەتتىك ورگانداردىڭ جانە ولاردىڭ ۆەدومستۆولىق باعىنىستى مەكەمەلەرىنىڭ جۇمىس ىستەۋىن قامتاماسىز ەتۋ شىعىستارىن;
مەملەكەتتىك تىكەلەي مىندەتتەمەلەردى;
شىعىستاردىڭ كولەمى بويىنشا نەگىزدەمەلەردى تالاپ ەتەتىن مەملەكەتتىك مىندەتتەمەلەردى قامتيدى.
كۇردەلى شىعىندار:
مەملەكەتتىك ورگانداردىڭ جانە ولاردىڭ ۆەدومستۆولىق باعىنىستى مەكەمەلەرىنىڭ جۇمىس ىستەۋىن قامتاماسىز ەتۋگە بايلانىستى كۇردەلى شىعىنداردى;
مەملەكەتتىك جانە سالالىق باعدارلامالاردى ىسكە اسىرۋعا بايلانىستى كۇردەلى شىعىنداردى قامتيدى.
بيۋدجەتتىك دامۋ باعدارلامالارىنىڭ شىعىستارى:
رەسپۋبليكالىق (جەرگىلىكتى) بيۋدجەتتىك ينۆەستيتسيالاردى ىسكە اسىرۋعا ارنالعان شىعىستاردى;
تومەن تۇرعان بيۋدجەتتەرگە نىسانالى دامۋ ترانسفەرتتەرىن قامتيدى.
16. اعىمداعى شىعىستار بويىنشا ليميتتەردى ەسەپتەۋ كەزىندە الەۋمەتتىك-ەكونوميكالىق دامۋ بولجامىنا سايكەس ءتيىستى جىلعا بولجاناتىن ينفلياتسيا دەڭگەيى, سونداي-اق جوسپارلى كەزەڭنىڭ ەكىنشى جانە ءۇشىنشى جىلدارىنا بەكىتىلگەن شىعىستار كولەمى ەسەپكە الىنادى.
17. بيۋدجەتتىك دامۋ باعدارلامالارىنىڭ شىعىستارى بويىنشا ليميت مىنا فورمۋلاعا سايكەس ەسەپتەلەدى:
دامۋ بيۋدجەتىt = جالعاساتىن رەسپۋبليكالىق (جەرگىلىكتى) بيۋدجەتتىك ينۆەستيتسيالارعا ارنالعان بيۋدجەتتىك دامۋ باعدارلامالارىنا شىعىستار t + جالعاساتىن بيۋدجەتتىك ينۆەستيتسيالارعا ارنالعان نىسانالى دامۋ ترانسفەرتتەرىt.
جالعاساتىن بيۋدجەتتىك ينۆەستيتسيالار شىعىستارىنىڭ ءليميتى ىسكە اسىرىلۋى اعىمداعى نەمەسە وتكەن قارجى جىلدارىندا باستالىپ كەتكەن بيۋدجەتتىك ينۆەستيتسيالار بويىنشا بيۋدجەتتە كوزدەلگەن قاراجات ەسكەرىلە وتىرىپ ايقىندالادى.
بيۋدجەتتىك باعدارلامالار اكىمشىلەرىنىڭ بيۋدجەتتىك دامۋ باعدارلامالارىنا ارنالعان شىعىستارىنىڭ ليميتتەرىن ايقىنداۋ كەزىندە ءتيىستى بيۋدجەت كوميسسياسىنىڭ وڭ ۇسىنىسى جوق بيۋدجەتتىك ينۆەستيتسيالار ەسەپكە الىنبايدى.
18. بيۋدجەتتىك دامۋ باعدارلامالارىنا شىعىستار ءليميتىن ايقىنداۋ كەزىندە رەسپۋبليكالىق نەمەسە وبلىستىق بيۋدجەتتەردەن تومەن تۇرعان بيۋدجەتتەرگە نىسانالى دامۋ ترانسفەرتتەرى بويىنشا پۋل ايقىندالادى.
تومەن تۇرعان بيۋدجەتتەرگە نىسانالى دامۋ ترانسفەرتتەرى بويىنشا پۋل مىنا فورمۋلا بويىنشا ايقىندالادى:
ندتپt = جدبt * كt-1 ,
مۇنداعى
ندتپt – ءتيىستى قارجى جىلىنا ارنالعان تومەن تۇرعان بيۋدجەتتىڭ نىسانالى دامۋ ترانسفەرتتەرى بويىنشا پۋل;
جدبt – بيۋدجەتتىك دامۋ باعدارلامالارىنا جەرگىلىكتى بيۋدجەت شىعىستارى (جوعارى تۇرعان بيۋدجەتتەن نىسانالى دامۋ ترانسفەرتتەرىن ەسەپتەمەگەندە).
بيۋدجەتتىك دامۋ باعدارلامالارىنا جەرگىلىكتى بيۋدجەتتەر شىعىستارىن ايقىنداۋ كەزىندە ءتيىستى ۇشجىلدىق كەزەڭگە ارنالعان جالپى سيپاتتاعى ترانسفەرتتەردى ەسەپتەۋ كەزىندە ەسكەرىلگەن بيۋدجەتتىك دامۋ باعدارلامالارىنا جەرگىلىكتى بيۋدجەتتەر شىعىستارىنىڭ بولجامى, سونداي-اق ءتيىستى قارجى جىلىنا ارنالعان جەرگىلىكتى بيۋدجەتتەردىڭ شىعىستارى بويىنشا ناقتىلانعان جوسپارى ەسكەرىلەدى.
ك t-1 – نىسانالى دامۋ ترانسفەرتتەرى تۇرىندە جوعارى تۇرعان بيۋدجەتتەن تارتىلعان, بيۋدجەتتىك دامۋ باعدارلامالارىنا جەرگىلىكتى بيۋدجەتتەن (جوعارى تۇرعان بيۋدجەتتەن نىسانالى دامۋ ترانسفەرتتەرىن ەسەپتەمەگەندە) بولىنگەن ءبىر تەڭگەگە تەڭگە سانىن ايقىندايتىن كوەففيتسيەنت.
وسى كوەففيتسيەنت اعىمداعى قارجى جىلىندا قالىپتاسقان جوعارى تۇرعان بيۋدجەتتىڭ نىسانالى دامۋ تراسفەرتتەرىنەن جەرگىلىكتى بيۋدجەتتەردىڭ مەنشىكتى دامۋ بيۋدجەتىنىڭ تاۋەلدىلىگىن ايقىندايدى جانە مىنا فورمۋلا بويىنشا ەسەپتەلەدى:
كt-1 = نتt-1 / جدبt-1
مۇنداعى
نتt-1 – جوعارى تۇرعان بيۋدجەتتەن نىسانالى دامۋ ترانسفەرتتەرى;
جدبt-1 – بيۋدجەتتىك دامۋ باعدارلامالارىنا جەرگىلىكتى بيۋدجەت شىعىستارى (جوعارى تۇرعان بيۋدجەتتەن نىسانالى دامۋ ترانسفەرتتەرىن ەسەپتەمەگەندە).
تومەن تۇرعان بيۋدجەتتەرگە نىسانالى دامۋ ترانسفەرتتەرى بويىنشا پۋل جالعاساتىن جانە جاڭا بيۋدجەتتىك ينۆەستيتسيالاردىڭ نىسانالى دامۋ ترانسفەرتتەرىن قامتيدى.
تومەن تۇرعان بيۋدجەتتەرگە نىسانالى دامۋ ترانسفەرتتەرى پۋلىن ايقىنداۋ كەزىندە استانا جانە الماتى قالالارىنىڭ پۋلى جەكە بولىنەدى.
رەسپۋبليكالىق بيۋدجەتتەن نىسانالى دامۋ ترانسفەرتتەرىن وبەكتىلەر بويىنشا ءبولۋ وڭىرلىك ساياسات ماسەلەلەرى جونىندەگى ۆەدومستۆوارالىق كوميسسيانىڭ ۇسىنىستارى ەسكەرىلە وتىرىپ, بيۋدجەتتىك وتىنىمدەردى بيۋدجەتتىك جوسپارلاۋ جونىندەگى ورتالىق ۋاكiلەتتi ورگانعا ەنگىزگەنگە دەيىن قازاقستان رەسپۋبليكاسىنىڭ بيۋدجەت زاڭناماسىندا بەلگىلەنگەن مەرزىمدە جۇزەگە اسىرىلادى.
2-پاراگراف. جاڭا باستامالارعا ارنالعان ليميتتەردى ايقىنداۋ
19. جاڭا باستامالارعا ارنالعان ليميتتەر جاڭا باستامالارعا ارنالعان شىعىستارعا سۇيەنە وتىرىپ ايقىندالادى.
جاڭا باستامالارعا ارنالعان شىعىستارعا:
1) الەۋمەتتىك-ەكونوميكالىق دامۋدىڭ جاڭا باسىم باعىتتارىن ستراتەگيالىق جانە باعدارلامالىق قۇجاتتارعا سايكەس ىسكە اسىرۋعا;
2) ماكروەكونوميكالىق جانە الەۋمەتتىك كورسەتكىشتەردىڭ وزگەرۋىنە بايلانىستى ەمەس جانە قولدانىستاعى بيۋدجەتتiك باعدارلامالار شەڭبەرىندە بيۋدجەت قاراجاتىن جۇمساۋدىڭ قوسىمشا باعىتتارىن كوزدەيتىن (ورىندالاتىن مەملەكەتتىك فۋنكتسيالاردىڭ, وكىلەتتىكتەر مەن مەملەكەتتىك كورسەتىلەتىن قىزمەتتەر كولەمىن كەڭەيتۋ) بازالىق شىعىستاردى ۇلعايتۋعا باعىتتالعان شىعىستار جاتادى.
20. جاڭا باستامالارعا ارنالعان ليميتتەردى ەسەپتەۋ كەزىندە:
1) مەملەكەت باسشىسىنىڭ تاپسىرمالارى, ونىڭ ىشىندە جىل سايىنعى قازاقستان حالقىنا جولدايتىن جولداۋىنداعى تاپسىرمالارى;
2) مەملەكەتتىك جانە سالالىق باعدارلامالاردا كوزدەلگەن ءىس-شارالار;
3) جاڭادان ەنگىزىلەتىن وبەكتىلەردى ۇستاۋعا باعىتتالعان شىعىستار ەسەپكە الىنادى.
جوسپارلى كەزەڭنىڭ ءبىرىنشى جىلىنا جاڭا باستامالارعا ارنالعان ليميتتەردى ايقىنداۋ كەزىندە جوسپارلى كەزەڭنىڭ ءبىرىنشى جىلىندا قارجىلاندىرۋدى تالاپ ەتەتىن, مەملەكەت باسشىسىنىڭ تاپسىرمالارى ەسەپكە الىنادى.
21. جاڭا باستامالارعا ارنالعان ليميتتەر ءتيىستى كەزەڭگە ارنالعان الەۋمەتتىك-ەكونوميكالىق دامۋدىڭ ماقۇلدانعان بولجامىندا كورسەتىلگەن بيۋدجەت شىعىستارىنىڭ بولجامى مەن بيۋدجەتتىك باعدارلامالار اكىمشىلەرى شىعىستارىنىڭ ليميتتەرى سوماسى اراسىنداعى ايىرما رەتىندە ايقىندالادى.
جاڭا باستامالارعا ارنالعان ليميتتەر اعىمداعى شىعىستار بويىنشا جاڭا باستامالار مەن بيۋدجەتتىك دامۋ باعدارلامالارىنا شىعىستار بويىنشا جاڭا باستامالاردى قامتيدى.
اعىمداعى شىعىستار بويىنشا جاڭا باستامالاردى ايقىنداۋ كەزىندە, ءبىرىنشى كەزەكتە ەڭبەكاقى تولەۋدى, زەينەتاقىلاردى, جاردەماقىلار مەن باسقا دا الەۋمەتتiك تولەمدەردى ارتتىرۋعا باعىتتالعان جاڭا باستامالار ەسكەرىلەدى.
22. بيۋدجەتتىك دامۋ باعدارلامالارىنا شىعىستار بويىنشا جاڭا باستامالار مىنا فورمۋلا بويىنشا ايقىندالادى:
دببجبt = دببجلt / دامۋ بيۋدجەتىt
مۇنداعى دببجبt – بيۋدجەتتىك دامۋ باعدارلامالارىنا شىعىستار بويىنشا جاڭا باستامالار;
دببجلt – نومينالدى ءجىو نەمەسە ءجوو بولجامىنىڭ نەگىزىندە ايقىندالاتىن بيۋدجەتتىك دامۋ باعدارلامالارىنا شىعىستاردىڭ جالپى ءليميتى;
دامۋ بيۋدجەتىt – ءتيىستى قارجى جىلىنا ارنالعان بيۋدجەتتىك باعدارلامالار اكىمشىلەرىنىڭ بيۋدجەتتىك دامۋ باعدارلامالارىنا شىعىستار بويىنشا ءليميتى.
23. بيۋدجەتتىك دامۋ باعدارلامالارىنا شىعىستار بويىنشا جاڭا باستامالار نىسانالى دامۋ ترانسفەرتتەرى ەسەبىنەن ىسكە اسىرىلاتىن بيۋدجەتتىك ينۆەستيتسيالاردى قوسپاعاندا, جاڭا رەسپۋبليكالىق (جەرگىلىكتى) بيۋدجەتتىك ينۆەستيتسيالارعا ارنالعان شىعىستاردى جانە جاڭا بيۋدجەتتىك ينۆەستيتسيالارعا نىسانالى دامۋ ترانسفەرتتەرىن قامتيدى.
24. جاڭا بيۋدجەتتىك ينۆەستيتسيالارعا ارنالعان نىسانالى دامۋ ترانسفەرتتەرى نىسانالى دامۋ ترانسفەرتتەرى بويىنشا تومەن تۇرعان بيۋدجەتتەردىڭ جالپى پۋلى مەن جالعاساتىن بيۋدجەتتىك ينۆەستيتسيالارعا نىسانالى دامۋ ترانسفەرتتەرى اراسىنداعى ايىرما رەتىندە ايقىندالادى.
جاڭا بيۋدجەتتىك ينۆەستيتسيالارعا ارنالعان نىسانالى دامۋ ترانسفەرتتەرى سالالار (ايالار) بولىنىسىندە جەرگىلىكتى بيۋدجەتتىڭ بيۋدجەتتىك دامۋ باعدارلامالارىنا ارنالعان شىعىستاردىڭ قالىپتاسقان قۇرىلىمىن (جوعارى تۇرعان بيۋدجەتتەن نىسانالى دامۋ ترانسفەرتتەرىن ەسكەرە وتىرىپ) ەسكەرە وتىرىپ, بيۋدجەتتىك باعدارلامالار اكىمشىلەرى بويىنشا بولىنەدى.
25. نىسانالى دامۋ ترانسفەرتتەرى ەسەبىنەن ىسكە اسىرىلاتىن بيۋدجەتتىك ينۆەستيتسيالاردى قوسپاعاندا, جاڭا رەسپۋبليكالىق (جەرگىلىكتى) بيۋدجەتتىك ينۆەستيتسيالارعا ارنالعان شىعىستار مىنا فورمۋلا بويىنشا ايقىندالادى:
ججشt = دببجبt / ججندتt
مۇنداعى
ججشt – نىسانالى دامۋ ترانسفەرتتەرى ەسەبىنەن ىسكە اسىرىلاتىن بيۋدجەتتىك ينۆەستيتسيالاردى قوسپاعاندا, جاڭا رەسپۋبليكالىق (جەرگىلىكتى) بيۋدجەتتىك ينۆەستيتسيالارعا ارنالعان شىعىستار;
دببجبt – بيۋدجەتتىك دامۋ باعدارلامالارىنا ارنالعان شىعىستار بويىنشا جاڭا باستامالار;
ججندتt – جاڭا بيۋدجەتتىك ينۆەستيتسيالارعا ارنالعان نىسانالى دامۋ ترانسفەرتتەرى.
نىسانالى دامۋ ترانسفەرتتەرى ەسەبىنەن ىسكە اسىرىلاتىن بيۋدجەتتىك ينۆەستيتسيالاردى قوسپاعاندا, جاڭا رەسپۋبليكالىق (جەرگىلىكتى) بيۋدجەتتىك ينۆەستيتسيالارعا ارنالعان شىعىستار مەملەكەت باسشىسىنىڭ تاپسىرمالارى مەن مەملەكەتتىك جانە سالالىق باعدارلامالاردا كوزدەلگەن ءىس-شارالار ەسكەرىلە وتىرىپ, بيۋدجەتتىك باعدارلامالار اكىمشىلەرى بويىنشا بولىنەدى.
3. بيۋدجەتتىك باعدارلامالار اكىمشىلەرى شىعىستارىنىڭ ليميتتەرىن, جاڭا باستامالارعا ارنالعان ليميتتەردى بيۋدجەتتىك كوميسسيالاردا قاراۋ جانە بيۋدجەتتىك باعدارلامالار
اكىمشىلەرىنە دەيىن جەتكىزۋ
26. بيۋدجەتتىك جوسپارلاۋ جونىندەگى ورتالىق ۋاكىلەتتى ورگان رەسپۋبليكالىق بيۋدجەت كوميسسياسىنىڭ قاراۋىنا جوسپارلانعان كەزەڭنىڭ الدىنداعى جىلدىڭ 15 ساۋىرىنەن كەشىكتىرمەي, مەملەكەتتىك جوسپارلاۋ جونىندەگى جەرگىلىكتى ۋاكىلەتتى ورگاندار وبلىستىڭ, رەسپۋبليكالىق ماڭىزى بار قالانىڭ, استانانىڭ, اۋداننىڭ (وبلىستىق ماڭىزى بار قالانىڭ) ءتيىستى بيۋدجەت كوميسسياسىنىڭ قاراۋىنا جوسپارلانعان كەزەڭنىڭ الدىنداعى جىلدىڭ 20 ساۋىرىنەن كەشىكتىرمەي:
1) جوسپارلى كەزەڭنىڭ جىلدارى بويىنشا بيۋدجەتتىك باعدارلامالار اكىمشىلەرى بولىنىسىندە بيۋدجەتتىك باعدارلامالار اكىمشىلەرى شىعىستارىنىڭ ليميتتەرىن;
2) جوسپارلى كەزەڭنىڭ جىلدارى بويىنشا بيۋدجەتتىك باعدارلامالار اكىمشىلەرى بولىنىسىندە جاڭا باستامالارعا ارنالعان ليميتتەردى ەنگىزەدى.
27. بيۋدجەتتىك باعدارلامالار اكىمشىلەرى شىعىستارىنىڭ ليميتتەرى, جاڭا باستامالارعا ارنالعان ليميتتەر ودان ءارى بيۋدجەتتىك باعدارلامالار اكىمشىلەرىنە جەتكىزۋ ءۇشىن ءتيىستى بيۋدجەت كوميسسياسىنىڭ ۇسىنىستارى ەسكەرىلە وتىرىپ ايقىندالادى.
ءتيىستى بيۋدجەت كوميسسياسى مۇشەلەرىنىڭ ەسكەرتۋلەرى مەن ۇسىنىستارى بولعان جاعدايدا, بيۋدجەتتىك باعدارلامالار اكىمشىلەرى شىعىستارىنىڭ ليميتتەرى مەن جاڭا باستامالارعا ارنالعان ليميتتەردى بيۋدجەتتىك جوسپارلاۋ جونىندەگى ورتالىق ۋاكiلەتتi ورگان نەمەسە مەملەكەتتىك جوسپارلاۋ جونىندەگى جەرگiلiكتi ۋاكiلەتتi ورگاندار بەس كۇن مەرزىم ىشىندە پىسىقتايدى.
28. بيۋدجەتتىك جوسپارلاۋ جونىندەگى ورتالىق ۋاكىلەتتى ورگان جانە جەرگىلىكتى ۋاكىلەتتى ورگاندار جوسپارلاناتىن كەزەڭنىڭ الدىنداعى جىلدىڭ 1 مامىرىنا دەيىن بيۋدجەتتىك باعدارلامالار اكىمشىلەرىنە وسى قاعيدالارعا قوسىمشاعا سايكەس نىسان بويىنشا ءتيىستى بيۋدجەت كوميسسياسىنىڭ ۇسىنىستارىن ەسكەرە وتىرىپ ايقىندالعان, بيۋدجەتتىك باعدارلامالار اكىمشىلەرى شىعىستارىنىڭ ليميتتەرىن, جاڭا باستامالارعا ارنالعان ليميتتەردى جولدايدى.
بيۋدجەتتىك باعدارلامالار اكىمشىلەرى شىعىستارىنىڭ ليميتتەرىن, جاڭا باستامالارعا ارنالعان ليميتتەردى ايقىنداۋ قاعيدالارىنا قوسىمشا
_____________________________________________ ارنالعان
بيۋدجەتتىك باعدارلامالار اكىمشىسىنىڭ اتاۋى
بيۋدجەتتىك باعدارلامالار اكىمشىلەرى شىعىستارىنىڭ ليميتتەرى, جاڭا باستامالارعا ارنالعان ليميتتەر
مىڭ تەڭگە
اتاۋى جوسپارلى كەزەڭنىڭ
1-جىلى جوسپارلى كەزەڭنىڭ
2-جىلى جوسپارلى كەزەڭنىڭ
3-جىلى
1 2 3 4
1. بيۋدجەتتىك باعدارلامالار اكىمشىلەرى شىعىستارىنىڭ ءليميتى, ونىڭ ىشىندە
قايتا بولۋگە جاتپايتىن شىعىستار
2. جاڭا باستامالارعا ارنالعان ليميتتەر
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2014 جىلعى 24 قاراشاداعى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە № 9897 بولىپ ەنگىزىلدى.