ءماجىلىس سپيكەرى ەرلان قوشانوۆ يران پرەزيدەنتى يبراحيم رايسيدى سوڭعى ساپارعا شىعارىپ سالۋ راسىمىنە قاتىسادى, دەپ حابارلايدى Egemen.kz.
«مەملەكەت باسشىسى قاسىم-جومارت توقاەۆتىڭ تاپسىرماسى بويىنشا ءماجىلىس سپيكەرى ەرلان قوشانوۆ يران پرەزيدەنتى يبراحيم ءرايسيدىڭ قايتىس بولۋىنا بايلانىستى تەگەراندا كوڭىل ايتۋ جانە قۇرمەت كورسەتۋگە ارنالعان ءىس-شاراعا قاتىسادى», دەلىنگەن ءماجىلىستىڭ ءباسپاسوز قىزمەتى تاراتقان حابارلامادا.
ەسكە سالايىق, يراننىڭ سەگىزىنشى پرەزيدەنتى يبراحيم رايسي تىكۇشاق اپاتىنان قايتىس بولدى. تىكۇشاق ەلدىڭ سولتۇستىك-باتىسىنداعى شىعىس ازەربايجان پروۆينتسياسىنىڭ ۆارزاكان ايماعىندا قۇلادى.