قوستاناي. 14 قاڭتار. قوستاناي وبلىسىندا 2014 جىلى 81 ادام بالا اسىراپ الدى. بۇل وتكەن جىلعا قاراعاندا 24 پايىزعا از. بۇل تۋرالى ng.kz حابارلادى.
جاسوسپىرىمدەر ءىسى جونىندەگى مامانداندىرىلعان سوت وتكەن جىل بويىنا بالا اسىراپ الۋ جونىندە 81 ازاماتتىق ءىس قاراعان. الدىڭعى جىلى 107 وسىنداي ءىس قاراعالعان بولاتىن. مامانداندىرىلعان سوت توراعاسى ايزادا جانىبەكوۆانىڭ ايتۋىنشا, 43 كىسى بالالاردىڭ تۋىسى بولىپ تابىلادى. 29 ادام اتا-انانىڭ قامقورلىعىنسىز مەملەكەتتىك مەكەمەدە قالعان بالالاردى اسىراپ الدى.
بىلتىر تەك 4 بالا عانا شەت ەل ازاماتتارىنىڭ اسىراپ الۋىنا بەرىلدى. مۇحيت اسقان بالالاردىڭ ەكەۋىنىڭ جاسى 3-تە جانە ەكەۋىنىڭ جاسى 5-تە. بالانىڭ ەكەۋىن كانادالىق جۇبايلار الىپ كەتكەن.
مامانداندىرىلعان سوت توراعاسى ايزادا جانىبەكوۆا: «ەكى بالانىڭ دا دامۋىندا پسيحيكالىق اۋىتقۋشىلىق بولعان. بىراق كانادالىق اتا-انالار ودان قورىققان جوق, كوپ ۋاقىت ارالاسقاننان كەيىن بالالاردى رۋدنىي ينتەرناتىنان الىپ كەتتى. گەرمانياعا كەتكەندەردىڭ وسىندا جەتىم قالعان ەكى بالاسىن ولاردىڭ تۋستارى, ياعني سول ەلدىڭ ازاماتتارى اسىراپ الدى».
بالا اسىراپ الۋعا بەرگەن 7 ارىز ءالى قارالماعان. ءىستى قاراۋعا دايىنداپ جاتقاندا بەلگىلى بولعانىنداي, ارىز بەرۋشى بالانىڭ ءوزىنىڭ اكەسى بولىپ شىقتى. ول ءۇشىن ءتيىستى ورىندار ارقىلى الگى ادام اكەلىك قۇقىن قالپىنا كەلتىرۋى قاجەت. ال ەكى ءىس بويىنشا بالانىڭ بيولوگيالىق اكەسىنە بالاسىن اسىراپ الۋعا كەلىسىم بەرىلگەن جوق.
اتا-انا مەن بالاعا قاتىستى جىل بويىنا 351 ءىس كەلىپ تۇسكەن. ولاردىڭ ىشىندە 202 ارىز اتا-انالىق قۇقىنان ايىرۋدى سۇرايدى. بۇل بارلىق ءىستىڭ 42 پايىزىن قۇرايدى. سوت توراعاسى تۇسكەن ارىزدار كوبىنە بالانىڭ ەمەس, ەرەسەكتەردىڭ مۇددەسىن ويلايتىنىن قىنجىلا ايتتى. مىسالى, بالانىڭ بيولوگيالىق اكەسى ماسكۇنەم, بىراق ول ناركولوگيالىق ديسپانسەردە ەسەپتە تۇرمايدى. مۇندايدا سۋديالارعا تالاپكەردىڭ ارىزىن قاناعاتتاندىرماۋىنا تۋرا كەلەدى.
ءنازيرا جارىمبەتوۆا.
دەرەك: ng.kz.
سۋرەت: aikyn.kz.