2024 جىلدىڭ جازىندا شەنگەن ۆيزاسى قىمباتتايدى. بۇل تۋرالى سلوۆەنيانىڭ سىرتقى جانە ەۋروپالىق ىستەر مينيسترلىگى مالىمدەدى, دەپ جازادى Egemen.kz.
«ەۋروكوميسسيا شەنگەن ۆيزاسىن (س تۇرىندەگى ۆيزا) الۋ اقىسىن 12%-عا ارتتىرۋ تۋرالى شەشىم قابىلدادى», دەلىنگەن حابارلامادا.
جوعارى الىمدار بۇكىل الەمدە قولدانىلادى جانە 2024 جىلدىڭ 11 ماۋسىمىنان باستاپ كۇشىنە ەنەدى.
شەنگەن ۆيزاسىنىڭ جاڭا الىمى ەرەسەكتەر ءۇشىن (12 جاستان جوعارى) 90 ەۋرو جانە التى جاستان 12 جاسقا دەيىنگى بالالار ءۇشىن 45 ەۋرونى قۇرايدى. التى جاسقا تولماعان بالالار ءۇشىن ۆيزا تەگىن راسىمدەلەدى.