تۇركىستان وبلىسىنا قاراستى ورداباسى اۋدانى پوليتسياسى ۇرلىق جاساعان كۇدىكتىنى انىقتادى, دەپ حابارلايدى Egemen.kz وبلىستىڭ پوليتسيا دەپارتامەنتىنە سىلتەمە جاساپ.
انىقتالعانداي, سۋ قۇبىرلارىن جۇرگىزۋ جۇمىسى بولىپ جاتقان مەكەنجايدان 36 جاستاعى ەر ادام 600 سۋ ەسەپتەگىش قۇرالىن ۇرلاپ, تەمىر قابىلدايتىن ورىنعا وتكىزىپ جىبەرگەن.
پوليتسيا قىزمەتكەرلەرى ۇرلانعان زاتتى تاركىلەپ, يەسىنە قايتاردى.
«جابىرلەنۋشىگە 5 ميلليون تەڭگە شىعىن كەلگەن. كۇدىكتىنىڭ بۇدان باسقا دا قىلمىستارعا قاتىستىلىعى تەكسەرىلىپ جاتىر», دەلىنگەن حابارلامادا.