اقتاۋدا ايىنا ءبىر رەت تۇرعىندار اراسىندا ۇستەل تەننيسىنەن قالالىق ليگا ويىندارى وتەدى. تۇرعىندارعا بۇل مۇمكىندىكتى «mustafa-rim» سپورت جانە ونەر مەكتەبى ۇسىندى.
اتالعان سپورت جانە ونەر مەكتەبىنىڭ ديرەكتورى راۋشان يسلامعاليەۆا ۇستەل تەننيسىمەن مەكتەپ كەزىنەن بەرى اينالىسىپ كەلەدى. 2018-2020 جىلدار ارالىعىندا ماڭعىستاۋ وبلىسى بويىنشا قازاقستان ۇستەل تەننيسى فەدەراتسياسىنىڭ ءتورايىمىنىڭ مىندەتىن اتقارۋشى بولىپ جۇمىس ىستەگەن.
«مەكتەپ كەزىنەن بەرى ۇستەل تەننيسىمەن اينالىسامىن. ول كەزدە ۇستەل بولماسا دا, تەننيستى قابىرعاعا سوعىپ وينايتىنمىن. باسقا سالادا جۇمىس ىستەگەنمەن, قالاداعى ۇستەل تەننيسىن دامىتقىم كەلدى. وسى ماقساتتا «mustafa-rim» سپورت جانە ونەر مەكتەبىن اشتىم. قالا تۇرعىندارى مەن اۋەسقوي تەننيسشىلەر اراسىندا ۇستەل تەننيسىنەن ايىنا ءبىر رەت تەگىن اقتاۋ قالالىق ليگا ويىندارىن باستادىم, قالا تۇرعىندارىنا ارنالعان بىرنەشە جەڭىلدىكتەر بار», دەدى «mustafa-rim» سپورت جانە ونەر مەكتەبىنىڭ ديرەكتورى راۋشان يسلامعاليەۆا.
سپورت جانە ونەر مەكتەبىندە ۇستەل تەننيسى, ۇلتتىق بي, زاماناۋي جانە فيتنەس توبى بار. قازىرگى تاڭدا ۇستەل تەننيسىنە 30 سپورتشى قاتىسادى, 5 سپورتشى سپورت شەبەرىنە ۇمىتكەر. زەينەتكەرلەر مەن مەملەكەتتىك قىزمەتكەرلەر ءۇشىن دە تەگىن ويىندار قاراستىرىلعان.
ماڭعىستاۋ وبلىسى