20 مامىر كۇنى ورتالىق كوممۋنيكاتسيالار الاڭىندا وتكەن بريفينگتە ءىىم-ءنىڭ رەسمي وكىلى شىڭعىس الەكەشوۆ ەندى قازاقستان ازاماتتىعىن الۋ بويىنشا تالاپ كۇشەيگەنىن حابارلادى. «ازاماتتىق تۋرالى» زاڭدا ازاماتتىق بەرىلمەيتىن جاعدايلار ءتىزىمى تولىقتىرىلدى, دەپ جازادى Egemen.kz.
«ەندى مەملەكەتتىك قازاق ءتىلىن قاراپايىم دەڭگەيدە, ەلىمىزدىڭ تاريحى مەن كونستيتۋتسياسىنىڭ نەگىزدەرىن بىلمەيتىندىرگە ازاماتتىق بەرىلمەيدى. قاجەتتى دەڭگەيدى عىلىم جانە جوعارى ءبىلىم مينيسترلىگى ايقىندايدى. تۇزەتۋلەر ازاماتتاردىڭ قوعامعا تەز بەيىمدەلۋىن كوزدەيدى.ء تىلدى ءبىلۋ قوعامعا تەزىرەك ءسىڭىپ, مەملەكەت ومىرىنە ارالاسۋى ءۇشىن قاجەت. ايتا كەتۋ كەرەك, بۇل تۇزەتۋلەر الەمدىك تاجىريبەگە ساي», دەدى شىڭعىس الەكەشوۆ.
كوپتەگەن ەلدەردە ازاماتتىق الۋ ءۇشىن مەملەكەت تاريحى مەن مەملەكەتتىك ءتىلدى ءبىلۋ بويىنشا ەمتيحان تاپسىرۋ قاجەت. مىسالى, گەرمانيادا ازاماتتىق الۋ ءۇشىن ۇمىتكەرلەرگە نەمىس ءتىلىن بىلۋگە, مادەنيەتى مەن داستۇرلەرىن ساقتاۋعا جوعارى تالاپتار قويىلادى.
كانادادا تاريحتى جانە جەرگىلىكتى تۇرعىنداردىڭ مىندەتتەرىن ءبىلۋ, سونداي-اق پروۆينتسياعا بايلانىستى اعىلشىن نەمەسە فرانتسۋز تىلدەرىن بىلەتىندىگىن راستايتىن تەست تاپسىرۋ قاجەت.
تۇركيادا ازاماتتىق الۋ كەزىندە جالپىعا ورتاق نەگىزدە تۇرىك ءتىلىن مىندەتتى تۇردە ءبىلۋ مىندەتتەلەدى.
ءتيىستى زاڭعا ەنگىزىلگەن تالاپتاردا قوس ازاماتتىقتى بولدىرماۋ ءۇشىن قازاقستان ازاماتتىعىنان ايىرۋدىڭ جاڭا نەگىزى دە ەنگىزىلدى.
«قازاقستان ازاماتتىعىن العاننان كەيىن باسقا مەملەكەتتىڭ پاسپورتتارىن پايدالانعان جاعدايدا ءبىزدىڭ ەلىمىزدىڭ ازاماتتىعى توقتاتىلادى. بۇعان دەيىن شەت مەملەكەتتىڭ ازاماتتىعىن العانى ءۇشىن عانا قازاقستان ازاماتتىعى توقتاتىلاتىن ەدى», دەدى ءىىم رەسمي وكىلى.