اباي اتىنداعى قازاق ۇلتتىق پەداگوگيكالىق ۋنيۆەرسيتەتىندە «كليمات وزگەرىسى بويىنشا ءبىلىم بەرۋدىڭ بولاشاعى: پەداگوگتار مەن ستەيكحولدەرلەر اراسىندا سينەرگيا قۇرۋ» تاقىرىبىندا ازيا فورۋمى ءوتتى. اباي ۋنيۆەرسيتەتى, وكاياما ۋنيۆەرسيتەتى, يۋنەسكو-نىڭ الماتىداعى وڭىرلىك كەڭسەسى بىرلەسىپ ۇيىمداستىرعان فورۋمعا جاپونيانىڭ عىلىمدى دامىتۋ قوعامى (JSPS) قولداۋ كورسەتتى. فورۋم كليماتتىڭ وزگەرۋ ماسەلەلەرىن شەشۋ ءۇشىن ءبىلىم بەرۋ مەكەمەلەرى مەن ستەيكحولدەرلەر اراسىنداعى ءوزارا ءتيىمدى ىنتىماقتاستىقتى نىعايتۋدى, ءبىلىم بەرۋدەگى تۇراقتى دامۋ مەن يننوۆاتسياعا ىقپال ەتەتىن بىرلەسكەن ستراتەگيالاردى ازىرلەي وتىرىپ, ءبىلىم جانە وزىق تاجىريبە الماسۋ الاڭىن قۇرۋدى كوزدەيدى.
فورۋمدا اباي ۋنيۆەرسيتەتىنىڭ باسقارما توراعاسى-رەكتورى بولات تىلەپ پەداگوگيكالىق ءبىلىم بەرۋدىڭ فلاگمانى بولىپ تابىلاتىن اباي ۋنيۆەرسيتەتى جاسىل ۋنيۆەرسيتەت, تسيفرلىق ۋنيۆەرسيتەت جانە پەداگوگيكالىق زەرتتەۋ ۋنيۆەرسيتەتىن قۇرۋ جولىندا جاڭا يننوۆاتسيالاردى ەنگىزە وتىرىپ, جاڭا فورماتسياداعى پەداگوگ كادرلاردى دايارلاۋدا جانە عىلىم سالاسىن دامىتۋدا الەمدىك تاجىريبەنى قولدانىلاتىنىن اتاپ ءوتتى.
وكاياما ۋنيۆەرسيتەتى تۇراقتى دامۋ ماكساتىندا ءبىلىم بەرۋ ورتالىعىنىڭ ديرەكتورى حيروكي فۋدجي, سونىمەن قاتار پروفەسسور راە كۆون چۋنگ قازىرگى ەكولوگيالىق زەرتتەۋلەردىڭ ماڭىزدىلىعىنا توقتالىپ, وسكەلەڭ ۇرپاقتىڭ نازارىن جاسىل ەكونوميكاعا اۋدارۋ قاجەتتىلىگىنە باسا نازار اۋداردى. عالىمداردىڭ پايىمداۋىنشا, كليماتتى ساقتاۋ جانە ونىڭ وزگەرۋىنە قاتىستى كۇرەستى قارجى, تەحنولوگيا جانە ەكونوميكا ارقىلى عانا ەمەس, ادامداردىڭ ويلاۋ قابىلەتىنە اسەر ەتۋ ارقىلى دا جۇرگىزۋگە بولادى جانە بۇل جەردە جوعارى وقۋ ورىندارى شەشۋشى ءرول اتقارادى.
فورۋمعا پرەزيدەنت جانىنداعى ۇلتتىق عىلىم اكادەمياسىنىڭ, الماتى قالاسىن دامىتۋ ورتالىعىنىڭ, يۋنەسكو-نىڭ الماتىداعى وڭىرلىك كەڭسەسىنىڭ وكىلدەرى, كورەيا, فيليپپين, جاپونيا, يندونەزيا, ءۇندىستان, قىتاي, وزبەكستان ەلدەرىنەن كەلگەن ساراپشىلار قاتىستى.
ءىس-شارا بارىسىندا پروفەسسورلار حيروكي فۋدجي مەن راە كۆون چۋنگقا «اباي اتىنداعى قازۇپۋ-دىڭ قۇرمەتتى پروفەسسورى» اتاعى بەرىلدى.
ارى قاراي پلەنارلىق وتىرىستار مەن تاقىرىپتىق سەسسيالارمەن جالعاسقان فورۋمدا ورتالىق ازياداعى كليماتتىڭ وزگەرۋى سالاسىنداعى ءبىلىم ازيا ەلدەرى پەداگوگتاردىڭ كليماتتىڭ وزگەرۋى بويىنشا ءبىلىم بەرۋ باعدارلاماسى, وزبەكستان جانە قىرعىزستان, تۇراقتى دامۋعا ارنالعان ستۋدەنتتىك ستارتاپتاردى دامىتۋ ماسەلەسى تالقىلاندى.
الماتى