«اتىراۋ – ورال» رەسپۋبليكالىق ماڭىزى بار تاس جولىنىڭ 71-شاقىرىمىندا جول ۇستىمەن ءور سۋىن وتكىزۋ جالعاسىپ جاتىر. بۇنداي شەشىم ءور سۋىنىڭ مول كەلۋىنە ءارى سۋ قارقىنىنىڭ جوعارىلىعىنا بايلانىستى, ماحامبەت اۋدانىنا قاراستى جايىق بويىندا ورنالاسقان ەلدى مەكەندەردى تاسقىن قاۋىپىنەن ساقتاۋ ماقساتىندا قابىلداندى, دەپ حابارلايدى Egemen.kz وبلىستىڭ توتەنشە جاعدايلار جونىندەگى جەدەل شتابىنىڭ ءباسپاسوز قىزمەتىنە سىلتەمە جاساپ.
ماحامبەت جانە سارىتوعاي اۋىلى تۇسىنا جينالعان جايىلىمداعى ءور سۋى جولدىڭ باتىس جاق بەتىنە جىبەرىلدى.
جايىق وزەنى جاعالاۋىنان اتىراۋ-ورال تاس جولىنىڭ اراقاشىقتىعى شامامەن 6-7 شاقىرىمدى قۇرايدى.
«جاعداي تۇراقتى, ەلدى مەكەندەرگە قاۋىپ ءتونىپ تۇرعان جوق», دەلىنگەن حابارلامادا.
ورال, يندەر, ماحامبەتتەن اتىراۋ باعىتىندا اۆتوكولىك جۇرگىزۋشىلەرى يندەر - اتىراۋ جولى ارقىلى قاتىناي الادى.