ۇكىمەت مەملەكەت باسشىسى قاسىم-جومارت توقاەۆتىڭ تاپسىرماسى بويىنشا سۋ تاسقىنىنان زارداپ شەككەن ازاماتتارعا كەلتىرىلگەن شىعىندى وتەۋ جۇمىستارىن جالعاستىرىپ جاتىر. 17 مامىرداعى ەسەپ بويىنشا تاسقىننان ۇيلەرىنە زاقىم كەلگەن 202 وتباسىعا جاڭا ءۇي بەرىلدى, دەپ جازادى Egemen.kz.
سونداي-اق اقتوبە, باتىس قازاقستان, سولتۇستىك قازاقستان جانە پاۆلودار وبلىستارىندا زارداپ شەككەن ازاماتتارعا ارنالعان 658 جاڭا ءۇي سالىنىپ جاتىر.
ۇكىمەتتىڭ مالىمەتىنشە, 24 641 وتباسى 9,3 ملرد تەڭگەدەن استام سوماعا 100 اەك مولشەرىندە بىرجولعى تولەم الدى. مال شىعىنى ءۇشىن بەرىلگەن مەملەكەتتىك كومەك كولەمى 1,3 ملرد تەڭگەدەن استى.
596 وتباسىنا 878 ملن تەڭگەدەن استام سوماعا تۇرعىن ءۇيدى جوندەۋگە جانە قالپىنا كەلتىرۋگە وتەماقى تولەندى. زارداپ شەككەن وڭىرلەردە بارلىعى 10 740 تۇرعىن ءۇي تەكسەرىلىپ, 8 168 نىسان بويىنشا باعالاۋ جۇرگىزىلدى.
كەلتىرىلگەن زياندى وتەۋ جۇمىستارىنىڭ بارىسى ۇكىمەتتىڭ قاتاڭ باقىلاۋىنا الىنعان.