ءابىلحان قاستەەۆ اتىنداعى ەلىمىزدىڭ مەملەكەتتىك ونەر مۋزەيىندە «Qazaq Ballet» كرەاتيۆتى زەرتحاناسى ۇيىمداستىرعان «قازاق بالەتى: 90 جىلدىق تاريح» اتتى كارتينالار كورمەسىنىڭ اشىلۋ سالتاناتى ءوتتى. كورمەدە ەلىمىزدىڭ كاسىبي حورەوگرافيالىق ونەرىن وركەندەتۋ جولىندا 90 جىل بويى قويىلعان ۇلتتىق سپەكتاكلدەر تاريحى جيناقتالعان. تۇتاس ءبىر عاسىردىڭ ەستەتيكالىق تاريحىن تولعاعان كەنەپ ۇستىندەگى كوركەم شەجىرەدە بالەت ونەرى بار قىرىنان سىر شەرتەدى.
«قازاق بالەتى: 90 جىلدىق تاريح» كارتينالار كورمەسى توعجان ءمولدالىمنىڭ جەتەكشىلىگىمەن «Qazaq Ballet Creative Lab» جانە نۇرسۇلتان نازارباەۆ قورىنىڭ قولداۋىمەن جۇزەگە اسىرىلعان «قازاق بالەتىنە 89 جىل» ارت-البوم جوباسىنىڭ جالعاسى ىسپەتتى. جوبانىڭ ماقساتى – ۇلتتىق مۋزىكالىق-حورەوگرافيالىق مادەنيەتتى كەسكىندەمە-ديزاين ونەرى ارقىلى ساقتاۋ جانە ناسيحاتتاۋ.
كورمە مۋزەي, تەاتر جانە جەكە مۇراعاتتاردان الىنعان سيرەك مۇراعاتتىق فوتوسۋرەتتەر, بەينەجازبالار مەن ماتىندەر نەگىزىندە جاسالعان اۆتورلىق كارتينالاردان تۇرادى. كارتينالاردا قازاق وپەرا جانە بالەت تەاترىنىڭ 90 جىلدىق كەزەڭىندەگى ۇلتتىق سپەكتاكلدەردىڭ كورىنىستەرى بەينەلەنگەن. ولاردىڭ اراسىندا اباي̆ اتىنداعى قازاق ۇلتتىق وپەرا جانە بالەت تەاترى, قازاقستان رەسپۋبليكاسى مەملەكەتتىك اكادەميالىق بي تەاترى, «سامۇرىق» زاماناۋي بي تەاترى, اپالى-ءسىڭلىلى عابباسوۆالاردىڭ بي تەاترى, ك.بايسەي̆ىتوۆا اتىنداعى ۇلتتىق وپەرا جانە بالەت تەاترى, «استانا بالەت» تەاترى, «استانا وپەرا» مەملەكەتتىك وپەرا جانە بالەت تەاترىنىڭ بىرەگەي قويىلىمدارىنىڭ كورىنىستەرى بار. سونداي̆-اق ا.سەلەزنيوۆ اتىنداعى الماتى حورەوگرافيالىق ۋچيليششەسىنىڭ, قازاق ۇلتتىق ونەر ۋنيۆەرسيتەتىنىڭ ستۋدەنتتەرىنىڭ قوي̆ىلىمدارى دا ۇسىنىلعان.
جوبانى جاساۋعا توعجان ءمولدالىم, «Qazaq Ballet Creative Lab» جەتەكشىسى دامير ورازىمبەتوۆ, سۋرەتشى جاننات بايمۇحانوۆا, ديزاينەر گۋزەل نۇرىمبەتوۆا سەكىلدى وتاندىق ارت-شەبەرلەر اتسالىسقان. البوم ەلىمىزدىڭ مادەني مۇراسىن جۇيەلەۋدى جانە بۇكىل الەمگە تانىستىرۋدى مۇرات تۇتادى.
الماتى