ۇلتتىق ستاتيستيكا بيۋروسى قازاقستان ازاماتتارىندا جالپى سانى - 5 408 066 كولىك قۇرالى بار ەكەنىن ءمالىم قىلدى. ونىڭ ىشىندە 82,1% بەنزين, 7,1% ديزەل, 0,2% گازدى تۇتىنادى, دەپ جازادى Egemen.kz.
2024 جىلعى ناۋرىزدا ەسەپكە 142 مىڭ بىرلىك اۆتوكولىك قويىلعان. كورسەتكىش وتكەن جىلدىڭ سايكەس كەزەڭىمەن سالىستىرعاندا 12,6% كەم بولىپ شىقتى.ناۋرىز ايىندا تىركەلگەن كولىكتەردىڭ ىشىندە شىققان جىلى 20 جىلدان اساتىن اۆتوموبيلدەر ۇلەسى كوپ – 35,2%, 3 جىلدان اسپايتىن مەرزىمدەگى جاڭا اۆتوموبيلدەردىڭ ۇلەسى - 7,3% قۇرادى. «قازاقستاندا 100 ادامعا 22,6 جەڭىل اۆتوكولىكتەن كەلەدى, ەڭ جوعارى كورسەتكىش شقو-دا – 100 ادامعا 39,1 اۆتوموبيل, ەڭ ازى جەتىسۋ وبلىسىندا – 100 ادامعا شاققاندا 6,8 كولىكتەن», دەلىنگەن ۇلتتىق ستاتيستيكا بيۋروسىنىڭ حابارلاماسىندا.2024 جىلعى 1 ساۋىردەگى جاعداي بويىنشا قازاقستاندا تىركەلگەن اۆتوكولىكتەردىڭ سانى 5 408,1 مىڭ ەكەنى انىقتالدى.