قوستاناي وبلىسى اكىمىنىڭ وكىمىمەن قايرات وسپانوۆ قاراسۋ اۋدانىنىڭ اكىمى بولىپ تاعايىندالدى, دەپ حابارلايدى Egemen.kz «Alau TV» ارناسىنا سىلتەمە جاساپ.
قايرات وسپانوۆ 1978 جىلى قوستاناي وبلىسىنىڭ تارانوۆ اۋدانىندا دۇنيەگە كەلگەن. ا.بايتۇرسىنوۆ اتىنداعى قوستاناي مەملەكەتتىك ۋنيۆەرسيتەتىن «قۇقىقتانۋ» ماماندىعى بويىنشا, قارجى باكالاۆرى, سونىمەن قاتار حالىقارالىق بيزنەس ۋنيۆەرسيتەتىن «ىسكەرلىك باسقارۋ» (ماگيستر) ماماندىعى بويىنشا بىتىرگەن.
1998 جىلى تارانوۆ اۋدانىنداعى قايرانكول كاسىپورنىندا زاڭگەر-كەڭەسشى بولىپ جۇمىس ىستەي باستادى. 1999 جىلدىڭ جەلتوقسان ايىنان 2003 جىلدىڭ ناۋرىز ايىنا دەيىن تارانوۆ اۋدانى مەن قوستاناي قالاسىنىڭ ءارتۇرلى كاسىپورىندارىندا زاڭگەر-كەڭەسشى قىزمەتىن اتقاردى. كەيىن قوستاناي وبلىستىق ادۆوكاتتار القاسىندا ادۆوكات بولىپ جۇمىس ىستەدى.
2013-2016 جىلدار ارالىعىندا قايرات وسپانوۆ قوستاناي وبلىسى اكىمى اپپاراتىندا مەملەكەتتىك زاڭ ءبولىمىنىڭ مەڭگەرۋشىسى بولدى. 2016-2020 جىلدارى «الماتى قالاسىن دامىتۋ ورتالىعى» اق, «زانگەركونسالتينگ» جشس جانە «توبىل» اكك-دە باسشىلىق قىزمەتتەردى اتقارعان. 2020 جىلعى تامىزدان 2022 جىلعى اقپانعا دەيىن قوستاناي وبلىسى اكىمدىگىنىڭ جەردىڭ پايدالانىلۋى مەن قورعالۋىن باقىلاۋ باسقارماسىنىڭ باسشىسى قىزمەتىن اتقاردى.
2022 جىلدىڭ اقپان ايىنان باستاپ قازىرگى ۋاقىتقا دەيىن اۋىل شارۋاشىلىعى مينيسترلىگى جەر رەسۋرستارىن باسقارۋ كوميتەتىنىڭ قوستاناي وبلىسى بويىنشا جەر رەسۋرستارىن باسقارۋ باسقارماسىنىڭ باسشىسى قىزمەتىن اتقارعان.