استانا. 13 قاڭتار. پورتۋگاليا قۇراماسى مەن ءمادريدتىڭ «رەال» كومانداسىنىڭ شابۋىلشىسى كريشتيانۋ رونالدۋ وسىمەن ءۇشىنشى رەت الەمنىڭ ۇزدىك فۋتبولشىسى اتانىپ, فيفا-نىڭ «التىن دوپ» جۇلدەسىن الدى. بۇل تۋرالى lenta.ru حابارلادى.
جۇلدەگە ۇمىتكەرلەر قاتارىندا ارگەنتينا قۇراماسى مەن كاتالونيانىڭ «بارسەلونا» كومانداسىنىڭ شابۋىلشىسى ليونەل مەسسي, سونداي-اق گەرمانيا قۇراماسى مەن ميۋنحەننىڭ «باۆارياسىنىڭ» قاقپاشىسى مانۋەل نويەر دە بولعان.
داۋىس بەرۋ ناتيجەسىندە كريشتيانۋ رونالدۋ – 37,66, ليونەل مەسسي – 15,76, ال مانۋەل نويەر 15,72 پايىز داۋىس جيناعان.
گەرمانيا قۇراماسىنىڭ باس جاتتىقتىرۋشىسى يواحيم لەۆ 2014 جىلدىڭ ەڭ ۇزدىك جاتتىقتىرۋشىسى اتاندى. ال كورولدىك كلۋبتىڭ تاعى ءبىر ويىنشىسى حامەس رودريگەس وتكەن جىلدا سوعىلعان ەڭ ۇزدىك گولدىڭ اۆتورى دەپ تانىلدى.
جالپى, داۋىس بەرۋگە قۇراما كوماندالاردىڭ 181 جاتتىقتىرۋشىسى, 182 قۇراما كاپيتانى جانە 181 باق وكىلى قاتىستى. ماراپاتتاۋ سالتاناتى 12 قاڭتاردا شۆەيتساريانىڭ تسيۋريح قالاسىندا ءوتتى.
ايتا كەتەيىك, وتكەن جىلدىڭ قورىتىندىسى بويىنشا دا «التىن دوپ» كريشتيانۋ رونالدۋعا بۇيىرعان ەدى. ال وعان دەيىن بۇل جۇلدەنى ءتورت جىل قاتارىنان ليونەل مەسسي يەلەنگەن بولاتىن.
ايدار ورىسباەۆ.
دەرەك: lenta.ru.
سۋرەت: afp.com.