عىلىم جانە جوعارى ءبىلىم مينيسترلىگى 2024-2025 جىلدارى جوعارى ءبىلىم بەرۋدىڭ بارلىق دەڭگەيلەرىنە ارنالعان ءبىلىم گرانتتارىنىڭ ءتىزىمى مەن سانىن جاريالادى, دەپ جازادى Egemen.kz.
بيىل جوعارى وقۋ ورىندارىندا وقۋ ءۇشىن 112 مىڭ گرانت بولىنگەن. سونداي-اق وسى جىلى العاش رەت ءىشىنارا وقۋ اقىسى بار سارالانعان گرانتتار ەنگىزىلدى.
گرانتتاردىڭ باسىم بولىگى «ينجەنەرلىك, وڭدەۋ, قۇرىلىس سالالارى» ءبىلىم بەرۋ باعدارلاما توپتارىنا ءبولىندى, ولاردىڭ سانى 19 344 گرانتتى قۇرايدى. ال «پەداگوگيكالىق عىلىمدارعا» – 13 735 گرانت, «اقپاراتتىق-كوممۋنيكاتسيالىق تەحنولوگيالار» سالاسىنا – 10 903 گرانت, «جاراتىلىستانۋ عىلىمدارى, ماتەماتيكا جانە ستاتيستيكا» باعىتىنا – 8 288 گرانت تيەسىلى.
بيىل العاش رەت ءىشىنارا وقۋ اقىسى بار سارالانعان گرانتتار ەنگىزىلدى. «پەداگوگيكالىق عىلىمدار» جانە «الەۋمەتتىك عىلىمدار, جۋرناليستيكا جانە اقپارات» بببت بويىنشا 150 سارالانعان گرانتتان بولىنگەن.
وسى جىلى «سەرپىن» باعدارلاماسى بويىنشا گرانت يەلەنگەن تۇلەكتەر, ەندى وقۋ بىتىرگەسىن گرانت اقىسىن بۇرىنعىداي 3 جىل ەمەس 2 جىل وتەيدى ءارى ونى وتەۋ ورنى 11 ايماققا ۇلعايتىلعان.
«گرانتتار تىزىمىندە 5 000 حالىق تىعىز قونىستانعان جانە باتىس وڭىرلەردىڭ جاستارىن جەتەكشى جوعارى وقۋ ورىندارىندا وقىتۋ ءۇشىن ماقساتتى ءبىلىم بەرۋ گرانتى بار, ونىڭ ىشىندە گرانتتار اتىراۋ جانە ماڭعىستاۋ وبلىسى تۇلەكتەرىنە ارنالعان. جالپى, باكالاۆرياتقا ءتۇسۋ ءۇشىن 2024-2025 وقۋ جىلىندا 79 مىڭعا جۋىق گرانت ءبولىندى», دەلىنگەن عىلىم جانە جوعارى ءبىلىم مينيسترلىگى تاراتقان حابارلامادا.
ماگيستراتۋراعا تۇسۋگە 13 مىڭعا جۋىق, دوكتورانتۋراعا تۇسۋگە 1 900 استام گرانت بولىنگەن.
2024-2025 وقۋ جىلىنا ارنالعان ءبىلىم بەرۋ گرانتتارىن ءبولۋدىڭ تولىق ءتىزىمى ۇلتتىق تەستىلەۋ ورتالىعىنىڭ سايتىندا جاريالاندى. ءتىزىمدى مىنا سىلتەمە ارقىلى كورۋگە بولادى.