ادەمى فوتو ءۇشىن دە ايىپپۇل تولەپ قالۋىڭىز مۇمكىن. الماتىدا گۇلزارلاردا سۋرەتكە تۇسكەندەر جاۋاپكەرشىلىككە تارتىلادى, دەپ حابارلايدى Egemen.kz qazaqstan.tv-گە سىلتەمە جاساپ.
قالا اكىمدىگىنىڭ اقپاراتىنشا, ادەمى سۋرەت ءۇشىن عانا گۇلدەردى تاپتاۋ وقيعالارى جيىلەپ كەتكەن. اكىمدىك قالا تۇرعىندارىن جانە قوناقتارىن گۇلزارلاردى تاپتاپ, وسىمدىكتەردى زاقىمداماۋعا شاقىرادى.
قولدانىستاعى زاڭعا سايكەس, اباتتاندىرۋ ەرەجەلەرىن بۇزعانى ءۇشىن اكىمشىلىك جاۋاپكەرشىلىك قاراستىرىلعانى ەسكەرتىلەدى. جەكە تۇلعالارعا باستاپقىدا ەسكەرتۋ بەرىلەدى, ال ەلەمەگەندەرگە 74 مىڭ تەڭگە ايىپپۇل سالىنادى.