بۇگىن ءماجىلىستىڭ جالپى وتىرىسىندا «جول ءجۇرىسى تۋرالى» زاڭعا جانە اكىمشىلىك قۇقىق بۇزۋشىلىق تۋرالى كودەكسكە موپەدتەرگە قاتىستى جاڭا ەرەجە بەكىتىلدى, دەپ جازادى Egemen.kz.
موپەد جۇرگىزۋشىلەرى جول قوزعالىسىنىڭ تولىققاندى قاتىسۋشىلارىنا تەڭەستىرىلدى.
اكىمشىلىك قۇقىق بۇزۋشىلىق تۋرالى كودەكسكە ءتيىستى وزگەرىستەر ەنگىزىلەدى. ەندى موپەد تىزگىندەگەندەر دە ۋاكىلەتتى ورگاندا مىندەتتى تىركەۋدەن جانە جىل سايىنعى تەحنيكالىق بايقاۋدان ءوتۋ كەرەك. سونىمەن قاتار ازاماتتىق-قۇقىقتىق جاۋاپكەرشىلىگىن مىندەتتى ساقتاندىرۋى ءتيىس.موپەد جۇرگىزۋشىلەرىنە قويىلعان جاڭا تالاپ – «ا1» ساناتىنداعى جۇرگىزۋشى كۋالىگىن الۋ. ول «ا», «ۆ» جانە «س» ساناتىنداعى جۇرگىزۋشىلەرگە قوسىمشا دايىندىقسىز اۆتوماتتى تۇردە ۇسىنىلادى. قازىرگى ۋاقىتتا موپەد مىنگەندەرگە جۇرگىزۋشى كۋالىگىن الۋ ءۇشىن 6 اي ۋاقىت بەرىلەدى.«بۇل رەتتە موپەد جۇرگىزۋشىلەرى دە اۆتوكولىك جۇرگىزۋشىلەرى سياقتى جاۋاپكەرشىلىككە تارتىلادى. بۇرىن جول قوزعالىسى ەرەجەلەرىن بۇزعانى ءۇشىن ولار باسقا جول قوزعالىسىنا قاتىسۋشىلار سياقتى اقبتك-ءنىڭ 615-بابىنا سايكەس 2 اەك مولشەرىندە ايىپپۇلمەن جازالاناتىن. ەندى ەرەجە قابىلدانعاننان كەيىن اۆتوكولىك جۇرگىزۋشىلەرى سەكىلدى موپەد جۇرگىزۋشىلەرىنە دە بارلىق جاۋاپكەرشىلىك جۇكتەلەدى. ماسەلەن, تىيىم سالىنعان باعدارشامنان وتكەنى ءۇشىن اكىمشىلىك قۇقىق بۇزۋشىلىق تۋرالى كودەكستىڭ 599-بابىندا كوزدەلگەن 10 اەك كولەمىندە ايىپپۇل سالىنادى», دەلىنگەن ءماجىلىس حابارلاماسىندا.قازىر ماس كۇيىندە موپەد جۇرگىزۋ اقبتك-ءنىڭ 440-بابى بويىنشا جاۋاپكەرشىلىككە تارتىلادى. وعان سايكەس قوعامدىق ورىندارعا ماس كۇيىندە شىققاندارعا 5 اەك كولەمىندە ايىپپۇل سالىنادى.
ەرەجە قابىلدانعاننان كەيىن موپەد جۇرگىزۋشىلەرى كولىك قۇرالىن الكوگولدىك ماس كۇيدە باسقارسا اكىمشىلىك جاۋاپكەرشىلىككە تارتىلادى. بۇل باپ بويىنشا 15 تاۋلىككە اكىمشىلىك قاماققا الۋ جانە 7 جىل مەرزىمگە كولىك قۇرالىن باسقارۋ قۇقىعىنان ايىرۋ جازاسى قاراستىرىلعان.