كەشە قاسىم-جومارت توقاەۆتىڭ توراعالىق ەتۋىمەن قازاقستان رەسپۋبليكاسى پارلامەنتى سەناتى بيۋروسىنىڭ وتىرىسى بولدى. وندا پالاتانىڭ 2015 جىلعى 15 قاڭتاردا بولاتىن وتىرىسىنىڭ كۇن ءتارتىبى تالقىلاندى, دەپ حابارلادى سەناتتىڭ ءباسپاسوز قىزمەتى.
سەناتورلار قازاقستان مەن كاتار ۇكىمەتتەرى اراسىنداعى تابىسقا سالىناتىن سالىقتارعا قاتىستى قوسارلانعان سالىق سالۋدى بولدىرماۋ جانە سالىق سالۋدان جالتارۋعا جول بەرمەۋ تۋرالى كەلىسىمدى جانە حاتتامانى راتيفيكاتسيالاۋ تۋرالى; قازاقستان مەن وزبەكستان ۇكىمەتتەرى اراسىنداعى ازاماتتاردىڭ ءوزارا ساپارلارىنىڭ شارتتارى تۋرالى كەلىسىمگە وزگەرىستەر مەن تولىقتىرۋلار ەنگىزۋ تۋرالى حاتتامانى راتيفيكاتسيالاۋ تۋرالى; شەكاراارالىق سۋ ارنالارى مەن حالىقارالىق كولدەردى قورعاۋ جانە پايدالانۋ تۋرالى كونۆەنتسيانىڭ 25 جانە 26-باپتارىنا تۇزەتۋدى راتيفيكاتسيالاۋ تۋرالى; قازاقستان مەن جانۋارلاردىڭ ساۋلىعى جونىندەگى دۇنيەجۇزىلىك ۇيىم اراسىنداعى جانۋارلاردىڭ ساۋلىعى جونىندەگى دۇنيەجۇزىلىك ۇيىمنىڭ اۋسىل بويىنشا سۋبوڭىرلىك ۇيلەستىرۋ كەڭسەسىن استانا قالاسىندا قۇرۋ تۋرالى كەلىسىمدى راتيفيكاتسيالاۋ تۋرالى زاڭ جوبالارىن قاراۋدى جوسپارلادى.