14 مامىر كۇنى الماتى-وسكەمەن تاس جولىنىڭ 270 شاقىرىمىندا جانتۇرشىگەرلىك جول اپاتى بولىپ, ءبىر ادام كوز جۇمدى, دەپ حابارلايدى Egemen.kz.
جەتىسۋ وبلىسى پوليتسيا دەپارتامەنتى جول بويىمەن كەلە جاتقان كاماز كولىگى بۇرىلىستا وڭ جاق جولاقتان مانەۆر جاساپ, سول باعىتتا كەلە جاتقان «مازدا 626» كولىگىنە سوعىلعانىن حابارلادى.
«جول اپاتى سالدارىنان «Mazda» اۆتوكولىگىنىڭ جولاۋشىسى كوز جۇمدى», دەپ حابارلادى ءباسپاسوز قىزمەتى.
وسى تۇستا وبلىستىق پوليتسيا دەپارتامەنتى پاترۋلدىك پوليتسيانىڭ ۆزۆود كومانديرى باقىتجان جاپاروۆ كولىك جۇرگىزۋشىلەرىنە ەسكەرتۋ جاسادى.
«قۇرمەتتى جۇرگىزۋشىلەر! ەستەرىڭىزدە بولسىن! كولىكتى باسقارعان كەزدە تەلەفوندى جانە وزگە دە زاتتاردى پايدالانۋعا بولمايدى. نازارلارىڭىزدى تەك جولعا عانا اۋدارىڭىزدار», دەدى باقىتجان جاپاروۆ.
قىرمىزى جۇماعاليقىزى,
ەۇۋ ستۋدەنتى