الماتى وبلىسىنىڭ اكىمى ارداگەرلەردى جەڭىس كۇنىمەن قۇتتىقتادى

بۇدان ءارى ءوڭىر باسشىسى الاتاۋ قالاسىنىڭ تىل  ارداگەرى, كوپبالالى انا, «التىن القا» يەگەرى ب ۇلىن رامازانوۆا مەن ۇزىناعاش اۋىلىنداعى سوعىس ارداگەرى فەدور كوۆالەۆتى ارنايى بارىپ, قۇتتىقتادى. ارداگەرلەرمەن كەزدەسۋ بارىسىندا ولاردىڭ ەرلىگىن ۇلىقتاپ, وبلىس تۇرعىندارىنىڭ اتىنان العىس ايتتى. سونداي-اق, مەملەكەت باسشىسى قاسىم-جومارت توقاەۆتىڭ قۇتتىقتاۋ حاتىن وقىپ, سىيلىعىن تابىستادى.

 «بيىلعى جەڭىس كۇنىن بىزبەن بىرگە ءنابارى 7 مايدانگەر قارسى الىپ وتىر. ولار: ىلە اۋدانىنان تاڭىربەرگەن تولعانباەۆ, جامبىل اۋدانىنان فەدور كوۆالەۆ, ەڭبەكشىقازاق اۋدانىنان سولتانباي جارىقباسوۆ, قوناەۆ قالاسىنىڭ تۇرعىنى وكسانا بەتەباەۆا, قاراساي اۋدانىنان پاۆەل پولوۆوي, ۇيعىر اۋدانىنان اليم كەبيروۆ جانە تالعارلىق ۆياچەسلاۆ لەگوستاەۆ سىندى اپا-اتالارىمىز بۇگىنگى قۋانىشتى كۇنگە امان-ەسەن جەتتى. قازىرگى كۇنى 2,5 مىڭنان استام تىل ەڭبەككەرى وسكەلەڭ ۇرپاققا ونەگە بولىپ ءجۇر. ولاردىڭ كوشباسىنان كورىنەتىن تاستەمىر بايعابىلوۆ, ماريا مۇقانوۆا, ناريمان ساۋرانباەۆ, گالينا لياشەۆا, كۇلپارا شورتانوۆا, باسقا دا تىل ارداگەلەرى ءالى دە قوعامدىق ومىرگە ارالاسىپ, جاستارعا جول كورسەتۋدە. ەكىنشى دۇنيەجىۇزىلىك سوعىستىڭ ارداگەرلەرى مەن تىل ەڭبەككەرلەرىنىڭ ەشقايسىسى مەملەكەتتىڭ قولداۋى مەن قامقورلىعىنان, قوعامنىڭ سىي-قۇرمەتىنەن تىس قالماۋدا. ءبىزدىڭ بۇگىنگى باستى مىندەتىمىز – اعا بۋىننىڭ سۇراپىل سوعىس جىلدارىنداعى وشپەس ەرلىكتەرى مەن ولشەۋسىز ەڭبەكتەرىن بارىنشا دارىپتەۋ. سەبەبى «ەرلىك – ەلگە مۇرا, ۇرپاققا – ۇلگى», دەدى ءوڭىر باسشىسى مارات سۇلتانعازيەۆ.

جەڭىس كۇنى وبلىس اكىمىنىڭ ورىنباسارلارى, اۋداندار مەن قالا اكىمدەرى دە ارداگەرلەردى مەرەكەمەن قۇتتىقتاپ باردى. ولار مايدانگەرلەرگە زور دەنساۋلىق پەن وتباسىنا اماندىق, باقىت پەن شاتتىق تىلەدى.

ايتا كەتەيىك, ەكىنشى دۇنيەجۇزىلىك سوعىسقا الماتى وبلىسىنان 40 مىڭداي ادام اسكەرگە اتتانعان. كوزسىز باتىرلىقتىڭ جارقىن ۇلگىسىن كورسەتكەن 20 مايدانگەرگە كەڭەس وداعىنىڭ باتىرى اتاعى بەرىلسە, وبلىستىڭ 6 تۋماسى «داڭق» وردەنىنىڭ تولىق يەگەرى اتاندى.