اتىراۋلىق 20 جاستاعى جىگىت جەدەل جاردەم فەلدشەرىن ۇرعان. قازىر كۇدىكتىگە قاتىستى قىلمىستىق ءىس تەرگەلىپ جاتىر.
اتىراۋ وبلىستىق پوليتسيا دەپارتامەنتىنىڭ ءباسپاسوز قىزمەتىنەن ءمالىم ەتكەندەي, وقيعا كەشە, 1 مامىردا بولعان.
«اتىراۋ قالاسىندا تۇنگى ساعات 3:40 شاماسىندا جەدەل جاردەم قىزمەتىنىڭ فەلدشەرىن ۇرىپ-سوققان كۇدىكتى انىقتالىپ, ۇستالدى. كۇدىكتىنىڭ جاسى – 20-دا. ناركولوگيالىق تەكسەرۋدىڭ قورىتىندىسىمەن كۇدىكتىنىڭ جەڭىل دارەجەدە ماس ەكەنى انىقتالدى. ۇستالعان كۇدىكتىگە قاتىستى قىلمىستىق ءىس قوزعالدى», دەپ حابارلادى دەپارتامەنتتىڭ ءباسپاسوز قىزمەتى.
پوليتسيا قىزمەتكەرلەرى كۇدىكتىنى قاماۋعا الدى. ءتيىستى ساراپتامالار جۇرگىزىلىپ جاتىر.